Hjem
Click

Utdanning

Bachelor

Bachelorprogram i pedagogikk

Ny student

Ny student

Velkomen som ny student hos oss!

 

Første oppmøte er mandag 14. august:

  • Mandag 14. august, kl 11:45 skal du møte i Grieghallen for eit felles informasjonsmøte og inndeling i faddergrupper (studieprogramvis).
  • Rett etter informasjonsmøte i Grieghallen skal du saman med faddergruppa di gå til orienteringsmøte for ditt studieprogram. Dette startar kl. 12:45 og finn stad i Christies gate 12, «C12 - Bjørn Christiansens hus», på seminarrom 111, 1. etg.

Undervising:

Di første forelesing er i er i PED110, mandag 21. august 14:15-16:00.
Stad: Christies gate 12 , "C12 - Bjørn Christiansens hus" Auditorium 129.

Timeplanar finn du oppe til høgre på den einskilde emneside: (vel hausten 2017)

PED110 og

PED112 (vel "hausten 2017").

 
Hjelp til semesterregistrering:

Tysdag 15. august vil det bli gjennomført felles semesterregistrering i Christies gate 12 «C12 - Bjørn Christiansens hus»", seminarrom 110 og 111. Du tek med PC/nettbrett/smarttelefon og møtar opp saman med faddergruppa di. Frå kl. 10:00. Sjekk tid og stad med fadderen din.

Viktig informasjon om fadderveka - og alt du må huske på som student!  

Ny student på lavere grad - PSYFA

Har du spesielle behov?

Du kan få tilrettelagt undervising og eksamen viss du har plager som medførar ei ulempe i studiesituasjonen.

Spørsmål?

Ta kontakt med oss i Infosenteret i Bjørn Christiansens hus, telefonnummer 55 58 27 10 og e-post: studieveileder.psyfa@uib.no

Introduksjon

Introduksjon

Pedagogikk handlar om korleis vi menneske lærer og tileignar oss kunnskap, og korleis vi kan vidareformidle kunnskap til andre.

Pedagogikk er eit breitt fag som tar for seg alt frå vedtak om læreplanar og lovverk, til lærings- og opplæringsmiljø.

Pedagogikkstudiet vil hjelpe deg med å forstå samfunnsendringar nasjonalt og internasjonalt, politisk styring av utdanning og skoleverk, og dei individuelle forskjellane mellom korleis menneske lærer. Du vil også lære om korleis globale utdanningspolitiske trendar påverkar utviklinga av det norske utdanningssystemet.

Styrken ved pedagogikkstudium ved UiB er at det også omhandlar pedagogikk knytt til demokrati, interkulturell forståing og utviklinga hos individet og i samfunnet. Graden kan derfor brukast til mykje og kan kombinerast med dei fleste andre fagfelt og innanfor mange typar stillingar.

Merk at ein bachelor i pedagogikk ikkje er ei lærarutdanning.

Kva kan eg bli

Yrkesvegar

Eit bachelorstudium i pedagogikk kvalifiserer deg til arbeid med opplæring, personalarbeid og utvikling i ulike typar institusjonar. Du vil kunne bidra konstruktivt i alle ledd av ein utviklingsprosess, frå planlegging, iverksetting og evaluering.

Universitetsutdanna pedagogar arbeider for eksempel i ideelle organisasjonar, media og med kulturformidling, som opplæringsleiarar, pedagogiske konsulentar og i liknande yrke både i offentleg og privat sektor. Fellesnemnaren for dei ulike yrkesvegane er at innsikt i og forståing av forholda mellom læring, kunnskap og kommunikasjon er etterspurt.

Dersom du bygger på med ein mastergrad, får du kvalifikasjonar for vidare forsking, formidling og undervisning på høgare nivå.
Merk at ein bachelor i pedagogikk ikkje er ei lærarutdanning.

Vidare studium

Master

Etter bachelorprogrammet kan du ta eit toårig masterprogram i pedagogikk, eller eit fireårig nettbasert deltidsstudium i pedagogikk. Du er også kvalifisert til å søkje andre masterprogram ved Det psykologiske fakultet.

Forsking

Ved Institutt for pedagogikk er forskinga organisert i tre forskingsgrupper: «Kunnskap, utdanning og demokrati», «Undervisningsprofesjonalitet og pedagogikk» og «Digitale læringsfellesskap». Forskingsgruppa «Kunnskap, utdanning og demokrati», har fokus på dei utfordringane og tilhøva utdanning, demokrati og kunnskapsutvikling møter i dagens kunnskapssamfunn. «Digitale læringsfellesskap» har forholdet mellom IKT, læring, vurdering og multimodale læringsmiljø som hovudinteresse. Undervisningsprofesjonalitet og pedagogikk forskar på teoretiske og praktiske aspekt ved undervisning.

 

Kva lærer eg

Læringsutbyte

Kandidaten skal ved avslutta program ha følgjande læringsutbyte definert i kunnskapar, dugleikar/ferdigheiter og generell kompetanse:

Kunnskapar:

Kandidaten

  • har kunnskap om og forståing for sentrale tema innan fagområdet pedagogikk.
  • har kunnskap om og forståing for fagområdet sin eigenart og historie.
  • ar kjennskap til relevante fag- og yrkesetiske problemstillingar.
  • an halde seg oppdatert på fagområdet pedagogikk.

Ferdigheiter:

Kandidaten

  • kan analysere og reflektere over spørsmål og tema knytt til læring og utdanning.
  • kan nytte fagstoff i planlegging, implementering, vidareutvikling og vurdering av opplærings- og utdanningstiltak.
  • kan søke, behandle og vurdere kunnskap og informasjon kritisk.

Generell kompetanse:

Kandidaten

  • kan skrive ein resonnerande tekst og beherske fagområdet sine normer for dokumentasjon.
  • kan arbeide både sjølvstendig og saman med andre i ei gruppe.
  • kan utføre prosjektbasert arbeid og planlegge og gjennomføre arbeidsoppgåver som strekker seg over tid.
  • kan kommunisere om og formidle faglege tema både skriftleg og munnleg.

Oppbygging

Oppbygging

Bachelorprogrammet er under revisjon våren 2016.

For studentar som får opptak til studiet frå og med hausten 2016, gjeld denne oppbygginga:

Studieprogrammet skal innehalde følgjande:

25 studiepoeng med innføringsemne.

90 studiepoeng med spesialisering (1½ års studium) innanfor pedagogikk, inkludert metode.

65 studiepoeng valfrie emne.

1. semester:

PED110 Innføring i pedagogikk (15 sp)

PED112 Pedagogiske perspektiv på læring (15 sp)

2. semester:

PED111 Pedagogisk filosofi (15 sp)

PED114 Utdanning i eit samfunn i endring (15 sp)

3. semester:

PED211 Læring og pedagogiske prosessar (15 sp)

Valfritt emne (tilrådd valemne PED115 Skulens læringsmiljø) (15 sp)

4. semester:

PSYK202 Metode (15 sp)

EXPHIL-PSSEM/EXPHIL-PSEKS Examen philosophicum (10 sp)

Valfritt emne (tilrådd valemne PED116 Pedagogisk kompetanse) (5 sp)

5. semester:

Valfrie emne (30 sp)

6. semester

Valfritt emne (15 sp)

PED212 Bacheloroppgåve (15 sp)

For studentar som fekk opptak hausten 2015 eller tidlegare, gjeld denne oppbygginga:

Studieprogrammet skal innehalde følgjande:

  • 30 studiepoeng med innføringsemne.
  • 90 studiepoeng med spesialisering (1½ års studium) innanfor pedagogikk, inkludert metode.
  • 60 studiepoeng valfrie emne.

1. semester:

  • EXPHIL-PSSEM/EXPHIL-PSEKS Examen philosophicum (10 sp)
  • EXFAC03P Examen facultatum, psykologi (10 sp)
  • PED100 Innføring i pedagogikk (10 sp)

2. semester:

  • PED112 Pedagogiske perspektiv på læring (15 sp)
  • PSYK202A Forskingsmetodar (15 sp)

3. semester:

  • PED111 Pedagogisk filosofi (15 sp)
  • PED114 Utdanning i eit samfunn i endring (15 sp)

4. semester:

Valfrie emne (30 sp)

5. semester:

Valfrie emne (30 sp)

6. semester

  • PED211 Læring og pedagogiske prosessar (15 sp)
  • PED212 Bacheloroppgåve (15 sp)

Korleis søke

Søknadsprosedyre

For søkjarar med generell studiekompetanse er søknadsfristen 15. april.

For spesielle søkjargrupper og for søkjarar med realkompetanse er fristen 1. mars.

Du søker gjennom Samordna opptak (SO). Du finn søknadsskjema og meir informasjon på nettet: www.samordnaopptak.no

Søk opptak til Universitetet i Bergen og til bachelorprogrammet i pedagogikk.

Opptakskrav

Generell studiekompetanse

Studere ved UiB?

Motta nyheter om studietilbud ved UiB, og få et gratis UiB-tøynett

Søk her

Søkerkode i Samordna opptak

184852

Kontakt

Meir informasjon

Ønskjer du å vite meir ta kontakt med studierettleiar:

studierettleiar.psyfa@uib.no

55 58 27 10