Bachelorprogram i offentleg organisering og leiing

Programmet utgår

Studentar vert ikkje tekne opp til dette studieprogrammet.

Graden

Bachelorprogrammet i offentleg organisering og leiing fører fram til graden bachelor i kultur- og samfunnsvitskap. Studiet er treårig (180 studiepoeng).

Omfang

Bachelorprogrammet i offentleg organisering og leiing er 3-årig (180 studiepoeng). Det skal innehalde 30 studiepoeng innføringsemne medrekna EXPHIL, 150 studiepoeng med emne innanfor ein godkjent fagkombinasjon.

Du må syte for å følgje alle dei obligatoriske emna som blir gitt. Programmet er sett saman av obligatoriske emne frå administrasjon og organisasjonsvitskap, historie, informasjonsvitskap, samfunnsøkonomi og psykologi. Siste semester skal du mellom anna skrive AORG250 Bacheloroppgåva (15 studiepoeng).

Mål og innhald

Offentleg forvaltning har gjennomgått store omstillingsprosessar dei seinare åra. Dette gjer at det blir stilt stadig større krav til kunnskap og analytiske evner hjå tilsette i offentleg forvaltning.

Forvaltningsreformer med vekt på marknadsretting, konkurranseutsetjing, mål- og resultatstyring, fristilling, (del)privatisering, managementtiltak, effektivitet og styring gjennom kontraktar og insentivsystem har utfordra tradisjonelle styringsformer i stat og kommune. Det er eit kjenneteikn ved offentlege forvaltningar at dei inngår i demokratisk styresett som er underlagt folkevalt styring og kontroll. Kryssande omsyn som fagstyreverdiar, deltaking, representasjon, verdiar om rettstaten, innsynsrettar, politisk styring og effektivitet er difor naudsynt. Studiet i offentleg organisering og leiing tar sikte på å gi kunnskap om verdigrunnlag, organisasjonsformer, omstilling, modernisering og fornying i offentleg sektor, og om effektar og implikasjonar av administrative reformer og omstillingsarbeid.

Studiet er tverrfagleg. Statsvitskaplege og organisasjonsteoretiske fag utgjer kjernen, men vert supplert med samfunnsøkonomi, informasjonsvitskap og historie. Studiet munnar ut i ei sjølvstendig bacheloroppgåve der du demonstrerer kunnskapane dine på eit praktisk problem.

Innføringsemne

Bachelorprogrammet i offentleg organisering og leiing startar første semester med ex.phil., AORG100 og anten SV100 eller ECON100.

Rekkefølje for emne i studiet

Bachelorprogrammet i offentleg organisering og leiing skal innehalde 30 studiepoeng innføringsemne medrekna ex.phil., 135 studiepoeng med obligatoriske emne innanfor ein godkjend fagkombinasjon, og 15 studiepoeng valfrie emne. Du må syte for å følgje alle dei obligatoriske emna som blir gitt. Programmet er sett saman av obligatoriske emne frå administrasjon og organisasjonsvitskap, historie, informasjonsvitskap, samfunnsøkonomi og ein valfri spesialiseringsdel. Siste semester skal du mellom anna skrive bacheloroppgåva.

Strukturen i Bachelorprogrammet i offentleg organisering og leiing vil sjå slik ut:

1. semester:

EX.PHIL

AORG100

Og eitt av:

ECON100 Innføring i samfunnsøkonomi

SV100 Samfunnsvitskaplege tenkjemåtar

2. semester

INFO110 Informasjonssystem

Og to av:

ECON110 Mikroøkonomiske grunnomgrep og marknadsøkonomi

ECON130 Makroøkonomi I

ECON140 Matematikk for økonomar

3. semester

AORG101 Organisasjonsteori

AORG103 Politikk og forvaltning

4. semester

MET102 Samfunnsvitskapleg metode

Og eitt av:

HIS115 Stat og styring i forvaltninga i Noreg etter 1945

AORG104 Politisk teori og styringsformar

5. semester

Anten 3 av:

ECON160 Bedriftsstrategi og konkurransepolitikk

ECON220 Velferdsstatens økonomi

ECON210 Velferd og økonomisk politikk (Føreset ECON110 og ECON140)

ECON230 Makroøkonomi II (Føreset ECON130 og ECON140)

Eller:

PSYK110 Arbeids- og organisasjonspsykologi

6. semester

AORG250 Bacheloroppgåve i administrasjon og organisasjonsvitskap

Og eitt av:

AORG209 Politisk og organisering

AORG210 Organisasjonsteori

TOTALT: 180 studiepoeng (3 år)

Sp = studiepoeng

Yrkesvegar

Studiet kvalifiserer fyrst og fremst for sakshandsamarar og leiarstillingar i offentlege etatar og selskap, men gir også god bakgrunn for administrativt arbeid i næringsliv, interesseorganisasjonar og frivillige organisasjonar.

Administrativ ansvarleg

Institutt for administrasjon og organisasjonsvitenskap.

Christiesgt. 17, 5007 Bergen

e-post: studieveileder@aorg.uib.no

tlf: 55582190

fax: 55589890