Masterprogram i norrøn filologi

Oppstart

Haust. Det kan bli aktuelt å ta opp studentar også til vårsemesteret. Ta kontakt for informasjon.

Graden

Dette masterprogrammet fører fram til graden master i norrøn filologi. Studiet er toårig (120 studiepoeng).

Programmet byggjer på bachelorgrad med spesialisering i norrøn filologi, eller anna utdanning som gjev tilsvarande kvalifikasjonar.

Mål og innhald

Mastergraden i norrøn filologi er eit forskingsretta studium med høve til konsentrasjon kring språklege, litterære eller kulturhistoriske emne. Studiet skal kvalifisere kandidatane til forsking, undervisning og formidling i norrøn filologi og tilstøytande emne. Dei skal setje seg inn i vitskapleg teori og metode og i historia til faget, og dei skal utvikle ei sjølvstendig og kritisk haldning til kjeldemateriale og vitskaplege framstillingar.

Masterprogrammet i norrøn filologi skil seg ut ved stor breidde i forskingsemna og individuell tilpassing av studiet i samråd med rettleiar. Fordi det er eit lite fag, vil det ha større innslag av sjølvstudium enn store fag.

Fagleg profil

Utover undervisningstilbodet ved Institutt for lingvistiske, litterære og estetiske studium kan det i nokre tilfelle vere plass for masterstudentar på dei nasjonale forskarkursa som mellomaldermiljøa i Bergen, Oslo og Trondheim samarbeider om å arrangere.

Oppstart

Haust. Det kan bli aktuelt å ta opp studentar også til vårsemesteret. Ta kontakt for informasjon.

Opptakskrav

Bachelorgrad med spesialisering i norrøn filologi, eller anna utdanning som gjev tilsvarande kvalifikasjonar.

Karakteren C eller betre i gjennomsnitt på dei emna som inngår i spesialiseringa.

Studentar som ønskjer å søkje opptak til masterprogram i norrøn filologi på anna grunnlag enn det som er oppgitt å vere godkjent spesialisering i norrøn filologi, bør søkje fakultetet om godkjenning på førehand, seinast innan 15. mars. Slike søknader må innehalde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering. Ei eventuell godkjenning må leggjast ved søknaden til masterprogrammet.

Kven kan søkje

Du søkjer opptak til Det humanistiske fakultet. Meir informasjon om opptak og søknadsprosedyrar finn du her:

http://www.uib.no/hf/utdanning/opptak/opptak-til-masterstudium-ved-det-humanistiske-fakultet

Delstudium i utlandet

Det er mogleg å ta delar av studiet ved institusjonar i utlandet. Studierettleiaren hjelper til med å finne relevante studium og ordne utvekslingsavtaler.

Meir infomasjon

studierettleiar@lle.uib.no

Omfang

Studiet er normert til to år, 120 studiepoeng.

Undervisningsspråk

Undervisningsspråket er norsk og i nokon grad dansk og svensk.

I sine skriftlege arbeid kan studentane bruke norsk, dansk, svensk, engelsk eller tysk.

Mål og innhald

Mastergraden i norrøn filologi er eit forskingsretta studium med høve til konsentrasjon kring språklege, litterære eller kulturhistoriske emne. Studiet skal kvalifisere kandidatane til forsking, undervisning og formidling i norrøn filologi og tilstøytande emne. Dei skal setje seg inn i vitskapleg teori og metode og i historia til faget, og dei skal utvikle ei sjølvstendig og kritisk haldning til kjeldemateriale og vitskaplege framstillingar.

Masterprogrammet i norrøn filologi skil seg ut ved stor breidde i forskingsemna og individuell tilpassing av studiet i samråd med rettleiar. Fordi det er eit lite fag, vil det ha større innslag av sjølvstudium enn store fag.

Læringsutbyte/resultat

Ein kandidat med mastergrad i norrøn filologi frå Det humanistiske fakultetet ved Universitetet i Bergen skal

- ha brei allmennkunnskap innanfor den norrøne filologien og djuptgåande kunnskapar innanfor eit avgrensa felt av denne

- ha grunnleggjande kunnskap om vitskapleg teori, metode og etikk

- kjenne til sentrale problemstillingar innanfor fagområdet og den aktuelle debatten om dei

- kunne uttrykkje seg klart og velstrukturert om faglege emne, både skriftleg og munnleg

- kunne bruke aktuelle metodar til sjølvstendig forsking

- kunne granske kritisk eksisterande teoriar, metodar og forståingsrammer innanfor den norrøne filologien

- kunne halde fram med kompetanseutvikling og spesialisering på eiga hand

- kunne formidle innsikt i alle grunnleggjande delar av den norrøne filologien, både språklege og litterære emne

- kunne undervise og rettleie elevar, studentar og andre i norrøn filologi

- kunne kommunisere med spesialistar og allmenta om faglege problemstillingar frå norrøn filologi

Opptakskrav

Bachelorgrad med spesialisering i norrøn filologi, eller anna utdanning som gjev tilsvarande kvalifikasjonar.

Karakteren C eller betre i gjennomsnitt på dei emna som inngår i spesialiseringa.

Studentar som ønskjer å søkje opptak til masterprogram i norrøn filologi på anna grunnlag enn det som er oppgitt å vere godkjent spesialisering i norrøn filologi, bør søkje fakultetet om godkjenning på førehand, seinast innan 15. mars. Slike søknader må innehalde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering. Ei eventuell godkjenning må leggjast ved søknaden til masterprogrammet.

Obligatoriske emne / spesialisering

Mastergraden i norrøn filologi omfattar fem emne: prosjektførebuande emne, to spesialiserte kurs, ei prøveførelesing og ei masteroppgåve.

Desse emna er obligatoriske:

NOLISP300 - Prosjektførebuande emne, 15 stp.

NOFI302 - Spesialisert emne i norrøn filologi, 15 stp.

NOFI304 - Spesialisert emne i norrøn filologi, 15 stp.

NOFI303 - Prøveførelesing i norrøn filologi, 15 stp.

NOFI350 - Masteroppgåve i norrøn filologi, 60 stp.

Etter søknad til instituttet kan emna NOFI302 og/eller NOFI304 skiftast ut med tilsvarande emne på same nivå.

Omfang masteroppgåva

60 studiepoeng.

Rekkefølje for emne i studiet

Tilrådd progresjon:

1. semester:

NOLISP300 - Prosjektførebuande emne

NOFI302 - Spesialisert emne i norrøn filologi

2. semester:

NOFI304 - Spesialisert emne i norrøn filologi (eventuelt LINGMET eller LITTEHF)

NOFI350 - Masteroppgåve: Empirisk og metodisk grunnlagsarbeid

3. semester:

NOFI350 - Masteroppgåve: Første gongs gjennomskriving av dei enkelte kapitla

4. semester:

NOFI303 - Prøveførelesing i norrøn filologi

NOFI350 - Masteroppgåve: Revisjon og korrektur av oppgåva

Krav til progresjon i studiet

Full studieprogresjon er 30 studiepoeng kvart semester.

Delstudium i utlandet

Det er mogleg å ta delar av studiet ved institusjonar i utlandet. Studierettleiaren hjelper til med å finne relevante studium og ordne utvekslingsavtaler.

Undervisningsmetodar

Førelesingar og seminar med aktiv deltaking frå studentane. For arbeidet med masteroppgåva blir det gitt rettleiing.

Vurderingsformer

Skriftlege og munnlege prøver, semesteroppgåve.

Masteroppgåve og prøveførelesing.

Karakterskala

Greidd/ikkje greidd på NOLISP300.

Karakterskala A-F på andre emne.

Kompetanse for vidare studium

Studiet kan gje grunnlag for vidare ph.d.-utdanning i norrøn filologi. Dette krev gjennomgåande gode karakterar på studiet.

Yrkesvegar

Masterprogrammet i norrøn filologi vil kvalifisere for arbeid innanfor museums- og formidlingssektoren og forskingsinstitusjonar på høgare nivå.

Evaluering

Evaluering av tilbodet vert gjennomført i tråd med UiB sitt kvalitetssikringssystem.

Adminstrativ ansvarleg

Det humanistiske fakultetet, Institutt for lingvistiske, litterære og estetiske studium

E-post: studierettleiar@lle.uib.no