Klinisk masterstudium for fysioterapeuter i manuellterapi (MFMT)

Oppstart

Januar 2013

Graden

Dette masterprogrammet fører fram til graden Master i helsefag, klinisk masterstudium i manuellterapi for fysioterapeuter (MMT)

Studiet byggjer på bachelorgrad i fysioterapi eller tilsvarende.

Mål og innhald

Mål:

Ein fysioterapeut med vidareutdanning i manuellterapi kan kallast manuellterapeut og skal

vera spesialisert i å undersøke og behandle pasientar med lidingar i muskel- og skjelettapparatet.

Studiet skal sikre at manuellterapeutar har dei kunnskapar, haldningar og ferdigheiter som ein primærkontakt med ansvar for pasientar med muskel- og skjelettlidingar treng for forsvarlig utøving.

Studiet vidareutviklar fysioterapeuten sin basis for kritisk analytisk tenking og fagutvikling etter vitskapsmetodiske kriterium.

Innhald/ studiet si oppbygging:

Innhaldsmessig består Klinisk masterstudium i manuellterapi (MMT) av fire modular:

Modul A: Manuellterapi - 10 + 25 + 30 studiepoeng

MANT311 / Manuellterapi del 1: Teori, dugleiksopplæring og praksis i manuellterapi

MANT312 / Manuellterapi del 2: Teori, dugleiksopplæring og praksis i manuellterapi

MANT395 / Manuellterapi teori og masteroppgåve

Modul B: Forskingsmetode - 10 + 5 studiepoeng

HEL320A / Forskingsmetode og -etikk

HELSTA / Statistikk i helsefagleg forsking

Modul C: Basalfag - 6 emne á 5 studiepoeng

MANT301A / Smertefysiologi

MANT302A / Anatomi

MANT303A / Radiologi

MANT304A / Rørslevitskap og treningsteori

MANT305A / Patologi

MAN307 / Biomekanikk

Modul D: Teoretiske støttefag - 10 studiepoeng

MANT306 / Helse, sjukdom, kommunikasjon, beslutningsteori og trygdelovgivning

Studiet har forskingsmetode felles med det tverrfaglige Masterprogrammet i helsefag.

I studiet skal studenten praktisere under rettleiing ved klinikk eller institutt som er godkjent av universitetet til dette formål, og kontrakt med praksisstaden vert gjort ved tildeling av studieplass.

Studiestart

Januar 2013

Opptakskrav

For å bli teken opp på masterprogrammet i helsefag, studieretning Klinisk masterstudium i manuellterapi for fysioterapeutar, må ein ha bachelorgrad i fysioterapi eller tilsvarande og norsk autorisasjon som fysioterapeut samt 1 år fysioterapipraksis etter autorisasjon.

Det er ein fordel, men ikkje eit krav, å ha relevant fysioterapipraksis i undersøking og behandling av pasientar med muskelskjelett lidingar.

Søker må forstå og snakke norsk flytande ettersom studiet inneheld mykje pasientbehandling.

Studiestart

Januar 2013

Mål og innhald

Mål:

Ein fysioterapeut med vidareutdanning i manuellterapi kan kallast manuellterapeut og skal

vera spesialisert i å undersøke og behandle pasientar med lidingar i muskel- og skjelettapparatet.

Studiet skal sikre at manuellterapeutar har dei kunnskapar, haldningar og ferdigheiter som ein primærkontakt med ansvar for pasientar med muskel- og skjelettlidingar treng for forsvarlig utøving.

Studiet vidareutviklar fysioterapeuten sin basis for kritisk analytisk tenking og fagutvikling etter vitskapsmetodiske kriterium.

Innhald/ studiet si oppbygging:

Innhaldsmessig består Klinisk masterstudium i manuellterapi (MMT) av fire modular:

Modul A: Manuellterapi - 10 + 25 + 30 studiepoeng

MANT311 / Manuellterapi del 1: Teori, dugleiksopplæring og praksis i manuellterapi

MANT312 / Manuellterapi del 2: Teori, dugleiksopplæring og praksis i manuellterapi

MANT395 / Manuellterapi teori og masteroppgåve

Modul B: Forskingsmetode - 10 + 5 studiepoeng

HEL320A / Forskingsmetode og -etikk

HELSTA / Statistikk i helsefagleg forsking

Modul C: Basalfag - 6 emne á 5 studiepoeng

MANT301A / Smertefysiologi

MANT302A / Anatomi

MANT303A / Radiologi

MANT304A / Rørslevitskap og treningsteori

MANT305A / Patologi

MAN307 / Biomekanikk

Modul D: Teoretiske støttefag - 10 studiepoeng

MANT306 / Helse, sjukdom, kommunikasjon, beslutningsteori og trygdelovgivning

Studiet har forskingsmetode felles med det tverrfaglige Masterprogrammet i helsefag.

I studiet skal studenten praktisere under rettleiing ved klinikk eller institutt som er godkjent av universitetet til dette formål, og kontrakt med praksisstaden vert gjort ved tildeling av studieplass.

Læringsutbyte/resultat

Studiet er tilrettelagt for fysioterapeutar som allereie har klinisk erfaring bak seg og som vil heva sin formelle og reelle kompetanse gjennom å vidareutvikle sine teoretiske kunnskapar og praktiske ferdigheiter, og lære seg å anvende vitskapelig basert kunnskap som grunnlag for fagutøvinga. MMT tar utgangspunkt i at studenten allereie har grunnutdanning i fysioterapi og dermed kunnskap og forståing av bl.a. anatomi, biomekanikk, fysiologi, patologi, treningsteori og -metodikk, og ein praksis fundert på et samfunnsorientert perspektiv for sjukdom.

Klinisk Masterutdanning er eit fordjupingsstudium for fysioterapeutar i undersøking og behandling av lidingar i muskel- og skjelettapparatet og etter fullført studium skal studenten:

• kunne vise ei akademisk-analytisk haldning til utvikling, kvalitetssikring og implementering av teoretisk og empirisk kunnskap innan fysioterapi og andre helsefag, med særleg relevans for manuellterapi
• kunne gjera greie for sentrale helsefaglege problemstillingar, og bruke dei i forståinga av kunnskap og kunnskapsutvikling
• kunne gjera greie for helse og sjukdom i eit heilskaplig bio-psyko-sosialt perspektiv
• ha inngåande kunnskap om lidingar i muskel- og skjelettapparatet og kunne analysera, vurdera og behandla nevro- muskulær- og biomekanisk funksjon
• ha inngåande kunnskap om ledd i kroppen med tilhøyrande vevsstrukturar og kunne vurdera mobilitet, stabilitet, smerte, funksjon og motorisk kontroll gjennom generell, lokal og spesifikk undersøking
• kunne utføra manipulasjonsteknikkar på ledd, det vil seie hurtig mekaniske handgrep for å betre lokal funksjon og redusera smerte
• kunne bruke spesifikke og generelle behandlingsmetodar for å betre eller vedlikehalde funksjon, eller forsinke ein progredierande funksjonssvikt, og kunne grunngje val av desse ut frå forsking, systematiserte erfaringar og pasientens behov og forventingar
• ha inngåande kunnskap om skader, sjukdom og lidingar knytt til rørsleapparatet, kompetanse i å tolke bildediagnostikk og foreta differensialdiagnostisering, og forståing for at feilfunksjonar i muskel- og skjelettapparatet også kan ha samanheng med psykologiske og sosiale forhold
• ha god kunnskap om trygdefaglege tema, vilkår for sjukepengar og verkemiddel for oppfølging av sjukemeldte personar og kunna ivareta primærkontaktfunksjonar med avgrensa rett til sjukmelding og vidare henvising av pasientar til spesialist eller fysioterapeut, samt kunne rekvirera radiologiske undersøkingar
• ha kunnskap om aktuelle kartleggingsverktøy og testar, og kunne vurdera deira relevans og gyldigheit, samt kunne bruka dei i å undersøkja og dokumentera effekt av behandling
• kunne vise ei etisk reflektert haldning til kunnskapsutvikling, forskingsprosess og klinisk arbeid
• kunne vurdera publiserte forskingsarbeid innan fysioterapi og andre helsefag etter vitskaplege kriteria
• kunne vise kritisk analytisk refleksjon relatert til eige forskingsarbeid og dokumentere og vise forståing av sentrale forskingsprinsipp
• kunne formidle aktuell fagkunnskap i fysioterapi på ein reflektert måte og bidra til utvikling av ny kunnskap, spesialt innan manuellterapi, ved bruk av vitskaplege metodar
• kunne vise sjølvstende til innhenting og bruk av relevant kunnskap og nytte høvelege forskingsmetodar og relevant teori i eige forskingsarbeid, og vise evne til systematisk og kritisk analyse av problemstillingar og datatilfang med relevans for eige fag

kunne undervise, rettleie og informera pasientar, pårørande, mindre erfarne fysioterapeutar og andre profesjonar om rørsleapparatet si nevromuskulære og biomekaniske funksjon og kva som kan vera aktuelle tiltak for førebygging av funksjonsproblem og styrking av funksjon

Opptakskrav

For å bli teken opp på masterprogrammet i helsefag, studieretning Klinisk masterstudium i manuellterapi for fysioterapeutar, må ein ha bachelorgrad i fysioterapi eller tilsvarande og norsk autorisasjon som fysioterapeut samt 1 år fysioterapipraksis etter autorisasjon.

Det er ein fordel, men ikkje eit krav, å ha relevant fysioterapipraksis i undersøking og behandling av pasientar med muskelskjelett lidingar.

Søker må forstå og snakke norsk flytande ettersom studiet inneheld mykje pasientbehandling.

Obligatoriske emne / spesialisering

Alle emne er obligatoriske.

Studiet vektlegg det teoretiske grunnlaget i faget, kliniske ferdigheiter og praktisk utøving. Teoriundervisning og ferdigheitstrening i manuellterapi føregår i felles obligatorisk undervisning ved universitetet, mens utøving skjer i pasientbehandlingssituasjon under supervisjon hos godkjent rettleiar. For å kunne gå opp til avsluttande klinisk eksamen i manuellterapi må studenten dokumentera at han/ho minimum har hatt 1800 pasientkonsultasjonar.

Før studenten får gå opp til avsluttande praktisk eksamen i manuellterapi, må ho/han ha fått godkjent alle tidlegare interne oppgåver og eksamenar. Studenten må ikkje ha et fråvær frå undervisninga som overskrider 20% i den eininga som skal prøvast ut til eksamen. Dokumentasjon frå rettleiar for gjennomført og godkjent klinisk praksis må innleverast før studenten får gå opp til avsluttande praktisk eksamen. Etter søknad kan masteroppgåva innleverast etter klinisk eksamen dersom særskilte grunner tilseier det.

Omfang masteroppgåva

I det andre studieåret skal studentane skrive ei masteroppgåve som bind teori og praksis saman innan manuellterapi, og kunnskap knytt til undersøking og behandling av pasientar med muskel- og skjelettplager skal synleggjerast.

Masteroppgåva utgjer 30 studiepoeng og skal vera eit frittståande arbeid eller inngå som ein avgrensa, men sjølvstendig del av eit pågåande forskingsprosjekt. Overordna mål med masteroppgåva er å fremja evna til kritisk analytisk tenking innan faget manuellterapi. Gjennom masteroppgåva skal studenten få erfaring i å gjennomføre ei systematisk studie ved hjelp av vitskaplige metodar og forskingsetiske godt funderte val, og å dokumentera forståing av sentrale forskingsprinsipp og vise evne til systematisk og kritisk analyse av problemstillingar og datatilfang knytt til manuellterapi.

Rekkefølje for emne i studiet

Dette er ei rettleiande oversikt over emne som går inn som ein del av studieprogrammet. Det kan kome endringar.

MANT311 / Manuellterapi del 1 føregår i 1. og 2. semester

MANT312 / Manuellterapi del 2 føregår i 3.og 4. semester

MANT395 / Masteroppgåva er i 3. og 4. semester

HEL320A / Forskingsmetode og -etikk er i 2. semester

HELSTA / Statistikk i helsefagleg forsking er i 2. semester

MANT301A / Smertefysiologi er 1. semester

MANT302A / Anatomi er i 1. semester

MANT305A / Patologi er i 1. semester

MANT307 / Biomekanikk er 1. og 2. semester

MANT303A / Radiologi er i 3. semester

MANT304A / Rørslevitskap og treningsteori 2. og 3. semester

MANT306 / Dei teoretiske støttefaga er i 3. semester

Undervisningsmetodar

I undervisninga vert det brukt mange ulike læringsformer: Forelesingar, gruppearbeid, studentpresentasjonar, seminar, sjølvstendige skriftlege arbeid og nettbasert læring der det er mogleg, samt praktiske samlingar og rettleia praksis.

Studiet sikrar at teori og handverkskunnskap er integrert i praktisk utøving av manuellterapi. Mellom kvar undervisningsbolk skal studentane bruke og vidareutvikle sine ferdigheiter ved ein klinisk praksisstad der ein godkjent rettleiar har ansvar for at teknikkar og metodar som er undervist ved universitetet vert anvendt.

Vurderingsformer

Ulike former for vurdering vert brukt; praktisk, munnleg og skriftleg.

I dei fagspesifikke emna testar ein kunnskap ved presentasjon av sjølvstendig arbeid og/eller gjennom avsluttande prøver, inklusiv vurdering av utføring i praksissituasjon. I fellesemnet i forskingsmetode har ein mappevurdering, der både medstudent og rettleiar gjer tilbakemelding undervegs, med ei skriftleg innlevering til slutt.

Karakterskala

Karakterskala (A-F). I nokre høve kan det nyttast bestått/ikkje bestått.

Yrkesvegar

Etter fullført Klinisk masterstudium i manuellterapi for fysioterapeutar er ein kvalifisert til:

• arbeid som primærkontakt for pasientar med plager knytt til muskel- og skjelettapparatet
• utdanningsarbeid på universitet og høgskolar
• fagutvikling i klinisk verksemd
• forsking og utvikling
• fagleg og administrativt arbeid innan forvalting og helsevesen.
• Studie gir grunnlag for vidare forsking og PhD-studium, nasjonalt som internasjonalt
• Studiet er godkjent av International Federation for Orthopaedic Manual Physical Therapy (IFOMPT) og kvalifiserer dermed til arbeid som manuellterapeut internasjonalt

Evaluering

Dei fagspesifikke emna har alle studentevaluering der sentrale spørsmål vert svart på munnleg og/eller skriftleg. Resultata av evalueringa vert drøfte i lærargruppa der ein vurderer vidare utvikling av emne og studieretning.

Adminstrativ ansvarleg

Det medisinsk-odontologiske fakultet,

Institutt for global helse og samfunnsmedisin

Kontaktopplysningar:

studie@isf.uib.no

http://www.uib.no/utdanning/studietilbud/medisin-odontologi-og-helsefag/helsefaga

Programansvarleg

Programutval for master i helsefag. Programutvalet har ansvar for fagleg innhald, oppbygging av studiet og kvaliteten på studieprogrammet

Kontakt: studie@isf.uib.no