Masterprogram i sosialantropologi

Oppstart

Haust

Graden

Dette masterprogrammet fører fram til graden master i sosialantropologi. Studiet er toårig (120 studiepoeng).

Mål og innhald

Masterprogrammet har som mål å utdanne profesjonelle sosialantropologar som kan ta på seg oppgåver i samfunnet der det er behov for sosialantropologisk ekspertise. I løpet av studiet skal studenten setje seg inn i litteratur der faget sine holistiske og komparative ambisjonar og generelle metodiske og teoretiske tilnærmingsmåtar vert drøfta. Det sentrale arbeidet i studiet er masteroppgåva, basert på eit sjølvstendig planlagt og gjennomført feltarbeid som tek eit semester, over eit emne etter eige val. Masterstudiet i sosialantropologi tek sikte på å kvalifisere studenten til å gjennomføre et sjølvstendig forskingsprosjekt som munnar ut i ei masteroppgåve.

Så fort det er praktisk mogleg får studenten tildelt ein fast rettleiar. I fyrste semester blir det halde eit obligatorisk kurs (SANT301) som kastar lys over ulike sider ved forskingsprosessen, så vel metodiske som kunnskapsteoretiske. Emnet avsluttast med ein skriftleg skuleeksamen (20 studiepoeng).

I dette semesteret følgjer studenten like eins prosjektutviklingsseminar (SANT302)som skal avsluttast med ei godkjent prosjektskildring (10 studiepoeng). Her skal studenten gjere greie for relevant antropologisk forsking på eit vald tema og på grunnlag av dette formulere nokre fruktbare forskingsspørsmål. Prosjektskildringa utarbeidast i samarbeid med rettleiar.

Feltarbeid (SANT320) er eit praktisk metodekurs som varer i eitt semester der studenten gjennomfører sjølvstendig antropologisk feltarbeid etter dei tematiske og regionale føringane som er definert i prosjektskissa. Studenten har plikt til å skrive minst ein fagleg feltrapport som rettleiar skal kommentere og godkjenne skriftleg. Feltrapporten skal leverast midtvegs i feltarbeidsperioden. Snarleg etter heimkomst frå feltarbeidet deltek studenten i eit obligatorisk skriveseminar som er ein integrert del av SANT350. Seminaret vert arrangert av instittutet berre i haustsemesteret. På bakgrunn av det empiriske materiale som er samla inn under feltarbeid(et) skriv studenten ei masteroppgåve (SANT350).

Masteroppgåve

I oppgåva skal studenten gjere greie for dei tematiske, metodiske og teoretiske føresetnadene arbeidet byggjer på. I vurderinga av oppgåva vert det lagt vekt på studenten si evne til sjølvstendig analyse av eige etnografisk materiale i lys av relevant antropologisk teori. Arbeidet vert utført under rettleiing. Studenten har rett på i alt 15 rettleiingstimar under studieløpet. Dersom studenten går ut over den normerte studietida mister ho rett til rettleiing etter 5. semester.

Metode

Den sentrale metodiske tilnærminga i faget er deltakande observasjon og det etnografiske feltarbeid. Feltarbeid inneber at ein i lang tid lever nært saman med andre menneske for å samle informasjon og for å forstå, i breiast mogleg forstand, det livet dei lever. Feltarbeid kan utførast over heile verda, og instituttet kan dessutan tilby feltarbeidsmogelegheiter knytt til forskingsprosjekt og forskingsgrupper.

Studiestart

Haust

Opptakskrav

Bachelor-/cand.mag.-grad med godkjent spesialisering/fordjuping (80-90 studiepoeng/1,5 års studium) i sosialantropologi.

Kven kan søkje

Du søkjer opptak til Det samfunnsvitskaplege fakultet. Søknadsfristen er 15.

april for studiestart i august. Dersom du har utdanning frå andre institusjonar

enn UiB som inngår i det faglege opptaksgrunnlaget for masterprogrammet,

må du søkje om innpassing innan samme frist. Det gjeld også utdanning som

blir avslutta i inneverande semester. Meir informasjon om opptak og

søknadsprosedyrar finn du på http://www.uib.no/svf/utdanning/opptak/opptak-til-masterstudium

Delstudium i utlandet

Dei fleste studentane velgjer å gjennomføre feltarbeidet utanfor Noreg sine grenser, ofte utanfor Europa. For mange studentar representerer feltarbeidet intense og gjevande møter med menneske viss sosiale og kulturelle føresetnader og materielle vilkår er svært annleis enn eins eigne. Difor bør den enkelte så tidleg som mogleg setje seg inn i kva for nokre utfordringar ein kan stå overfor - ikkje minst språkleg, og korleis ein best førebur seg på desse. Men uansett kor feltarbeidet vert gjennomført føresetjast det monaleg tilpassingsdyktigheit. Det er det vedvarande nærværet i andre menneske sitt liv, og den deltakinga i andre sin praksis slik nærvær inneberer, som er typisk for antropologar sin arbeidsmåte og kunnskapstileigning. På denne måten inneberer det antropologiske feltarbeid ikkje berre ein fagleg fordjuping, men også ei tileigning hos studenten av stor bredde i forståinga av samfunnsmessige og kulturelle problemstillingar.

Vidare studium

Studentar med mastergrad kan søkje om opptak til organisert forskarutdanning, ph.d.-utdanninga.

Meir infomasjon

studieveileder@sosantr.uib.no / 55 58 92 50

Omfang

Studiet er toårig (120 studiepoeng).

Undervisningsspråk

Norsk/engelsk

Studiestart

Haust

Mål og innhald

Masterprogrammet har som mål å utdanne profesjonelle sosialantropologar som kan ta på seg oppgåver i samfunnet der det er behov for sosialantropologisk ekspertise. I løpet av studiet skal studenten setje seg inn i litteratur der faget sine holistiske og komparative ambisjonar og generelle metodiske og teoretiske tilnærmingsmåtar vert drøfta. Det sentrale arbeidet i studiet er masteroppgåva, basert på eit sjølvstendig planlagt og gjennomført feltarbeid som tek eit semester, over eit emne etter eige val. Masterstudiet i sosialantropologi tek sikte på å kvalifisere studenten til å gjennomføre et sjølvstendig forskingsprosjekt som munnar ut i ei masteroppgåve.

Så fort det er praktisk mogleg får studenten tildelt ein fast rettleiar. I fyrste semester blir det halde eit obligatorisk kurs (SANT301) som kastar lys over ulike sider ved forskingsprosessen, så vel metodiske som kunnskapsteoretiske. Emnet avsluttast med ein skriftleg skuleeksamen (20 studiepoeng).

I dette semesteret følgjer studenten like eins prosjektutviklingsseminar (SANT302)som skal avsluttast med ei godkjent prosjektskildring (10 studiepoeng). Her skal studenten gjere greie for relevant antropologisk forsking på eit vald tema og på grunnlag av dette formulere nokre fruktbare forskingsspørsmål. Prosjektskildringa utarbeidast i samarbeid med rettleiar.

Feltarbeid (SANT320) er eit praktisk metodekurs som varer i eitt semester der studenten gjennomfører sjølvstendig antropologisk feltarbeid etter dei tematiske og regionale føringane som er definert i prosjektskissa. Studenten har plikt til å skrive minst ein fagleg feltrapport som rettleiar skal kommentere og godkjenne skriftleg. Feltrapporten skal leverast midtvegs i feltarbeidsperioden. Snarleg etter heimkomst frå feltarbeidet deltek studenten i eit obligatorisk skriveseminar som er ein integrert del av SANT350. Seminaret vert arrangert av instittutet berre i haustsemesteret. På bakgrunn av det empiriske materiale som er samla inn under feltarbeid(et) skriv studenten ei masteroppgåve (SANT350).

Læringsutbyte/resultat

Etter å ha fullført masterstudiet i sosialantropologi skal kandidaten kunne:

Kunnskap:

• Analysere og presentere kunnskap om eit sjølvvald tema i ljos av antropologisk teori.
• Nytte aktuelle teoriar, metodar og tolkingsmåtar innan antropologisk forsking.
• Utføre ei etnografisk forankra analyse av eit sosialt og kulturelt univers.
• Fortolke, forstå og formidle ulike perspektiv på verda.
• Gjere greie for etiske og metodiske sider ved den antropologiske forskingsprosessen.

Ferdigheit/evne:

• Planlegge og gjennomføre ei vitskapleg undersøking, inkludert feltarbeid, innanfor ei gjeven tidsmessig og ressursmessig ramme.
• Formidle innsikter om den regionen og tematikken som masteroppgåva omhandlar.
• Nytte ulike teoretiske perspektiv på eit variert empirisk materiale.
• Bruke deltakande observasjon, intervjumetodar, bibliotek- og nettressursar til å samle og analysere forskings-materiale og presentere resultat.

Generell kompetanse:

• Arbeide sjølvstendig med prosjektutvikling og gjennomføring i nye miljø.
• Omgåast og kommunisere godt med menneske som har ulik sosio-kulturell bakgrunn
• Veksle perspektiv og stille nye spørsmål i ljos av ny kunnskap.
• Utfordre antatte sanningar om kulturelle og naturgjevne skilnader og likskapar.

Opptakskrav

Bachelor-/cand.mag.-grad med godkjent spesialisering/fordjuping (80-90 studiepoeng/1,5 års studium) i sosialantropologi.

Omfang masteroppgåva

Masteroppgåva utgjer 60 studiepoeng og blir skriven i løpet av dei to siste semestra av programmet. I oppgåva skal du gjere greie for dei tematiske, metodiske og teoretiske føresetnadene som arbeidet byggjer på. Det empiriske materialet som blir analysert, skal framstillast på ein oversiktleg måte, og i vurderinga av avhandlinga blir det lagt vekt på kunnskapar i komparativ etnografi og relevant teori. Arbeidet blir utført under rettleiing.

Rekkefølje for emne i studiet

Masterstudiet startar med eitt semesters intensivt kurs i antropologisk teori og metode (SANT301, 20 studiepoeng). Samstundes skal studentane utarbeide ein prosjektskildring der det gjerast greie for kor og på kva måte materialet til avhandlinga skal bringes til veie. Prosjektskildringa (SANT302, 10 studiepoeng) må godkjennast før studenten kan begynne på feltarbeidet.

Alle emna er obligatoriske i programmet:

1. semester

• SANT301 Antropologisk forskingsmetode og teoriutvikling
• SANT302 Individuell prosjektutvikling

2. semester

• SANT320 Praktisk metodekurs: Antropologisk feltarbeid

3. og 4. semester

• SANT350 Masteravhandling

Delstudium i utlandet

Dei fleste studentane velgjer å gjennomføre feltarbeidet utanfor Noreg sine grenser, ofte utanfor Europa. For mange studentar representerer feltarbeidet intense og gjevande møter med menneske viss sosiale og kulturelle føresetnader og materielle vilkår er svært annleis enn eins eigne. Difor bør den enkelte så tidleg som mogleg setje seg inn i kva for nokre utfordringar ein kan stå overfor - ikkje minst språkleg, og korleis ein best førebur seg på desse. Men uansett kor feltarbeidet vert gjennomført føresetjast det monaleg tilpassingsdyktigheit. Det er det vedvarande nærværet i andre menneske sitt liv, og den deltakinga i andre sin praksis slik nærvær inneberer, som er typisk for antropologar sin arbeidsmåte og kunnskapstileigning. På denne måten inneberer det antropologiske feltarbeid ikkje berre ein fagleg fordjuping, men også ei tileigning hos studenten av stor bredde i forståinga av samfunnsmessige og kulturelle problemstillingar.

Undervisningsmetodar

Undervisninga vil normalt bestå av førelesingar og seminarundervisning i mindre grupper i kombinasjon med tilbakemelding på skriftleg arbeid undervegs i studiet.

Vurderingsformer

SANT301:

• Studiekrav: Oppgåveinnlevering undervegs.
• Eksamen: Avsluttande skriftleg eksamen.

SANT302

• Studiekrav: Innlevering av utkast til prosjektskildring.
• Eksamen: Munnleg forsvar av prosjektskildring.

SANT320

• Studiekrav: Gjennomføring av eit semesters feltarbeid. Innlevering av minst ein skriftleg rapport under feltarbeid.
• Eksamen: Innlevering og godkjenning av rapport.

SANT350

• Studiekrav: Produksjon av avhandling.
• Eksamen: Innlevering av avhandlinga, som vert gitt separat karakter, følgt av munnleg eksamen i særstudiet (SANT320, 320 og 350) som resulterer i endeleg karakter på masterstudiet.

Karakterskala

Karakterar ved Universitetet i Bergen vert gitt på ein av to måtar; anten

1. Som 'Bestått' eller 'Ikkje bestått', eller
2. Som ein bokstav, etter skalaen A, B, C, D, E, F.

Bokstavkarakterar er det mest utbreidde.

Kompetanse for vidare studium

Med mastergrad i sosialantropologi kan ein søkje seg vidare på phd-studier (forskarutdanning), både innan sosialantropologi og i enkelte tverrfaglege studium. Dersom ein har to undervisningsemne i graden sin kan ein med påfølgjande eittårig praktisk-pedagogisk utdanning også bli lektor.

Yrkesvegar

Sosialantropologar arbeider i mange ulike yrke, ofte i eit tverrfagleg samarbeid, og gjerne også i jobbar som krev internasjonal kompetanse og krysskulturell innsikt. Antropologar arbeider i den offentlege forvaltinga, i internasjonale organisasjonar, på forskingsinstitutt, universitet, museum og høgskolar. Meir spesifikt arbeider dei innan arbeidsmiljørådgiving, i helse- og sosialsektoren, i arbeid med flyktningar og innvandrarar, i bistandsprosjekt og innan miljøvern. I arbeidslivet er det sjeldan "ein antropolog" som vert tilsett, men derimot ein antropolog som har gjort feltarbeid ein viss stad og/eller har studert særskilde tema.

Evaluering

Programmet evaluerast med jamne mellomrom av ein ekstern sensor.

Adminstrativ ansvarleg

Institutt for sosialantropologi

Fosswinckelsgate 6

5007 Bergen

E-post: post@sosantr.uib.no

Telefonnr.: 55 58 92 50 / 55 58 94 51

Faxnr.: 55 58 92 60

Heimeside: http://www.uib.no/antro/