Masterprogram i sosiologi

Oppstart

Haust

Graden

Dette masterprogrammet fører fram til graden master i sosiologi. Studiet er toårig (120 studiepoeng).

Mål og innhald

Masterprogrammet i sosiologi ved Sosiologisk institutt, UiB, skal gje ei brei orientering om arbeidsfelt, teoriar og metodiske tilnærmingsmåtar i faget. Masterprogrammet kombinerer generell teori- og metodekunnskap med individuell spesialisering.

Masterprogrammet svarer til i alt 120 studiepoeng der kursdelen utgjer 5 emne à 10 studiepoeng. Følgjande emne er obligatoriske: SOS301 Sosiologisk analyse, SOS302 Sosiologiske teoritradisjonar, SOS303 Metode - statistisk analyse og SOS304 Metode- kvalitative tilnærmingar. I tillegg skal studenten velje eitt emne knytt til instituttet sitt profilområde.

I undervisning og forsking ved instituttet har dimensjonane kjønn, makt og ulikskap stått sentralt. I tillegg vert det arbeida mykje med institusjonell endring, globalisering, livsløp og modernisering. Dei følgjande problemområda er dei mest sentrale i den faglege aktiviteten ved instituttet: Velferd, ulikskap og livsløp; Migrasjon, miljø og utvikling; Arbeid, kunnskap, utdanning og økonomi.

Oppbygging av studiet

Masterprogrammet tilsvarer i alt 120 studiepoeng. Kursdelen utgjer 5 emne à 10 studiepoeng.

Følgjande emne er obligatoriske: SOS301 Sosiologisk analyse, SOS302 Sosiologiske teoritradisjonar, SOS303 Metode - statistisk analyse og SOS304 Metode - kvalitative tilnærmingar. I tillegg skal du velje eitt emne knytt til profilområdet til instituttet. Instituttet tilbyr minst to valemne per semester.

Eit masterprogram i sosiologi kan sjå slik ut:

• 1. semester: SOS301: Sosiologisk analyse (10 sp), SOS303: Kvantitativ metode (10 sp) og SOS340: Prosjektutvikling (10 sp)
• 2. semester: SOS302: Sosiologiske teoritradisjonar (10 sp), SOS304: Kvalitativ metode (10 sp) og valemne (10 studiepoeng.
• 3. og 4. semester: SOS360: Masteroppgåve (60 sp)

sp = studiepoeng.

Masteroppgåve

Masteroppgåva utgjer 60 studiepoeng. I tillegg kjem SOS340 Prosjektutvikling (10 studiepoeng) med oppstart i 1. semester og ferdigstilling seinast i 2. semester.

Oppgåva byggjer på eit sjølvstendig forskingsprosjekt som munnar ut i ei avhandling. Det er ønskjeleg at du vel eit prosjekttema som fell innanfor fagprofilen til instituttet. Arbeidet med valemnet skal inspirere deg til val av tema, byggje opp under utarbeidinga av ei prosjektskisse og på ulike måtar medverke til arbeidet med masteroppgåva.

Metode

Ved instituttet bruker ein eit breitt spekter av forskingsmetodar. I løpet av masterprogrammet skal du tileigne deg forståing, kunnskapar og dugleik i empirisk sosiologi ved bruk av statistiske analyseteknikkar og ulike kvalitative tilnærmingar. Du får rettleiing i utforming av prosjektskissa og i arbeidet med sjølve masteroppgåva. Du kan få rettleiing både individuelt og i grupper.

Oppstart

Haust

Opptakskrav

Bachelor-/cand.mag.-grad med godkjent spesialisering/fordjuping (80-90 studiepoeng/1 1/2 års studium) i sosiologi, samt karakteren C eller betre i gjennomsnitt på spesialiseringsdelen.

Kven kan søkje

Du søkjer opptak til Det samfunnsvitskaplege fakultet. Søknadsfristen er 15. april. Meir informasjon om opptak og søknadsprosedyrar finn du på

http://www.uib.no/svf/utdanning/opptak/opptak-til-masterstudium

Vidare studium

Studentar med mastergrad kan søkje om opptak til organisert forskarutdanning, ph.d.-utdanninga.

Meir infomasjon

Sosiologisk institutt

E-post: studieveileder@sos.uib.no Tlf.: 55 58 91 50 / 55 58 91 51

Omfang

Studiet er toårig (120 studiepoeng).

Undervisningsspråk

Norsk og engelsk

Mål og innhald

Masterprogrammet i sosiologi ved Sosiologisk institutt, UiB, skal gje ei brei orientering om arbeidsfelt, teoriar og metodiske tilnærmingsmåtar i faget. Masterprogrammet kombinerer generell teori- og metodekunnskap med individuell spesialisering.

Masterprogrammet svarer til i alt 120 studiepoeng der kursdelen utgjer 5 emne à 10 studiepoeng. Følgjande emne er obligatoriske: SOS301 Sosiologisk analyse, SOS302 Sosiologiske teoritradisjonar, SOS303 Metode - statistisk analyse og SOS304 Metode- kvalitative tilnærmingar. I tillegg skal studenten velje eitt emne knytt til instituttet sitt profilområde.

I undervisning og forsking ved instituttet har dimensjonane kjønn, makt og ulikskap stått sentralt. I tillegg vert det arbeida mykje med institusjonell endring, globalisering, livsløp og modernisering. Dei følgjande problemområda er dei mest sentrale i den faglege aktiviteten ved instituttet: Velferd, ulikskap og livsløp; Migrasjon, miljø og utvikling; Arbeid, kunnskap, utdanning og økonomi.

Læringsutbyte/resultat

Ein kandidat med mastergrad i sosiologi skal ha tileigna seg følgjande kvalifikasjonar:

Kunnskapar

• Kandidaten skal kunne gjere greie for dei teoretiske perspektiva, omgrepa og metodane som til vanleg blir nytta i faget.
• Kandidaten skal kunne forklare samanhengen mellom desse perspektiva, omgrepa og metodane og kva som gjer dei relevante ved ulike forskingsoppgåver.
• Etter fordjuping i minst eit sosiologisk spesialemne skal kandidaten kunne gjere grundig greie for teoretiske perspektiv, problemstillingar, modellar og resultat frå nyare forsking om dette emnet, og i tillegg nytte kunnskapen om emnet i eigne undersøkingar og analyser.

Dugleikar

• Kandidaten skal kunne nytta sine sosiologisk kunnskapar til å vurdere kor godt underbygde konklusjonane i eksisterande undersøkingar av samfunnstilhøve er, og til å analysere og delta i dei debattane som går føre seg om sosiale tilhøve både innom ulike samfunnsfaglege krinsar og i samfunnet elles.
• Kandidaten skal kunne sjå samfunnsproblema frå ulike synsstader, formulere nye problemstillingar om samfunnstilhøve og samfunnsendring
• Kandidaten skal kunne finne fram til relevant informasjon om slike tilhøve, gjere samanliknande analyser av ulike variantar av eit gitt sosialt fenomen, og gje konsise munnlege og skriftlege presentasjonar av kunnskapsstoda og eigne vurderingar.
• Kandidaten skal kunne utføre empiriske undersøkingar med både kvantitative statistiske metodar og kvalitative metodar av ulike slag.
• Gjennom arbeidet med masteroppgåva har kandidaten lært å planlegge og gjennomføre ei større undersøking. I et slikt arbeid inngår oppøving av ein lang rekke ferdigheiter; ein skal kunne velje og avgrense tema, utforme ei problemstilling, velje teoretisk tilnærming og relevante metodar, innhente, leggje til rette og analysere data, knyta empiri og teori saman gjennom analytiske spørsmål og sosiologisk drøfting og gje ein samanhengande skriftlig presentasjon av analyseresultat og konklusjonar.
• Kandidaten skal kunne skildre og diskutere fagleg-etiske problem innan samfunnsforsking og informasjonshandtering, og vurdere korleis slike problem bør handsamast i sine eigne undersøkingar.

Generell kompetanse

• Gjennom mastergradstudiet utviklar studenten
• sine generelle analytiske dugleikar
• sine evner til sakleg og grunngjeven argumentasjon, skriftleg og munnleg
• sine evner til sjølvstendig og målretta arbeid
• sine evner til å fagleg-profesjonelt ansvar for etiske standardar og prosedyrar i akademisk arbeid

Opptakskrav

Bachelor-/cand.mag.-grad med godkjent spesialisering/fordjuping (80-90 studiepoeng/1 1/2 års studium) i sosiologi, samt karakteren C eller betre i gjennomsnitt på spesialiseringsdelen.

Omfang masteroppgåva

Masteroppgåva utgjer 60 studiepoeng. I tillegg kjem SOS340 Prosjektutvikling (10 sp) med oppstart i 1. semester og ferdigstilling seinast i 2. semester.Oppgåva byggjer på eit sjølvstendig forskingsprosjekt som munnar ut i ei avhandling. Det er ønskjeleg at du vel eit prosjekttema som fell innanfor instituttet sin fagprofil. Arbeidet med valemnet skal spore deg til val av tema, byggje opp under utarbeidinga av ei prosjektskisse og på ulike måtar medverke til arbeidet med masteroppgåva.

Rekkefølje for emne i studiet

• 1. semester: SOS302, SOS304, SOS340 Del I, valemne (SOS320-322) (ein kan ta valemnet i 2. semester)
• 2. semester: SOS301, SOS303, SOS340 Del II, valemne (SOS320-322) (ein kan ta valemnet 1. semester)
• 3. semester: SOS360
• 4 semester: SOS360

Undervisningsmetodar

Undervisninga er vanligvis samansett av førelesingar og seminar i mindre grupper kombinert med tilbakemelding på skriftlege arbeider undervegs i studiet.

Vurderingsformer

Emna som inngår i det anbefalte studielaupet bruker stort sett ulike kombinasjonar av dei følgjande eksamensformene: heimeeksamen, skriftleg eksamen, og munnleg eksamen.

Karakterskala

Karakterar ved Universitetet i Bergen vert gitt på ein av to måtar; anten

1) Som 'Bestått' eller 'Ikkje bestått', eller

2) Som ein bokstav, etter skalaen A, B, C, D, E, F.

Bokstavkarakterar er det vanlegaste.

Yrkesvegar

Masterprogram i sosiologi gir praktisk analytisk kompetanse for ulike typar arbeidsoppgåver, som mellom anna planlegging og iverksetjing av prosjektarbeid, forskings-, utgreiings- og dokumentasjonsverksemd, informasjonsarbeid, personaladministrasjon og organisasjonsutvikling. Kandidatar med bachelor- og masterprogram i sosiologi kvalifiserer til å undervise i skuleverket. Sosiologar arbeider både i offentleg og privat sektor.

Evaluering

Emna som inngår i masterprogrammet blir evaluert med jamne mellomrom.

Adminstrativ ansvarleg

Sosiologisk institutt

E-post: studieveileder@sos.uib.no Tlf.: 55 58 91 50 / 55 58 91 51