Praktisk-pedagogisk utdanning i utøvande musikk

Undervisningsspråk

Norsk

Studiestart

Haustsemesteret.

Mål og innhald

I samsvar med gjeldande Rammeplan for Praktisk-pedagogisk utdanning skal studentane gjennom programmet utvikla:

• fagleg kompetanse
• didaktisk kompetanse
• sosial kompetanse
• endrings- og utviklingskompetanse
• yrkesetisk kompetanse

Programmet har fire emne og praksisopplæringsemne:

-MUPED201 Pedagogikk 1 (15 stp)

-MUPED202 Pedagogikk 2 (15 stp)

-MUDI201 Musikkdidaktikk 1 (15 stp)

-MUDI202 Musikkdidaktikk 2 (15 stp)

og praksisopplæring tilsvarande 12-14 veker.

Musikkdidaktikkemna inneheld musikkdidaktisk teori, grunnskuledidaktikk, didaktikk for vidaregåande opplæring, ensembledidaktikk og instrumentspesifikk didaktikk.

Praksisopplæringa er på fire område:

-MUPRA201 Praksisopplæring 1: Kulturskulepraksis

-MUPRA202 Praksisopplæring 2: Grunnskulepraksis

-MUPRA203 Praksisopplæring 3: Vidaregåande opplæring

-MUPRA204 Praksisopplæring 4: Ensemblepraksis

I arbeidet med pedagogikk og musikkdidaktikk skal studentane munnleg og skriftleg reflektere over og drøfte praksiserfaringar.

For å få godkjent PPU i utøvande musikk må alle åtte emna vere greidd.

Læringsutbyte/resultat

Studentane skal kunne fylle lærarrolla på ein god måte i grunnskule, i vidaregåande opplæring, i

kulturskular og i frivillig musikkliv. Studentane skal munnleg og skriftleg kunne analysere og

drøfte praksiserfaringer i lys av fagteori og musikkpedagogiske verksemder, og på grunnlag av

dette få eit medvite forhold til eiga rolle som lærar, slik at dei vert skikka til å

planlegge, gjennomføre, vurdere og utvikle eigen lærarpraksis, åleine og i samspel med andre.

Opptakskrav

Universitets- eller høgskuleutdanning på 180 stp, av desse skal 120 stp vera musikkfaglege. For

søkarar som ikkje har minimum 60 studiepoeng i musikkutøving, kan prøvespel verte aktuelt.

PPU i utøvande musikk kan gå inn i bachelorgradprogram i utøvande musikk eller komposisjon

ved Griegakademiet - Institutt for musikk.

Rekkefølje for emne i studiet

Programmet kan gjennomførast som fulltidsstudium over to semester eller deltidsstudium over

fire semester.

Fulltidsstudium: Dei fire emna går parallelt over to semester. Praksis i kulturskule og grunnskule

i haustsemesteret. Praksis i vidaregåande opplæring og ensemble i vårsemesteret.

Deltidsstudium: Pedagogikk 1 og Musikkdidaktikk 1 parallelt i første og andre semester.

Pedagogikk 2 og Musikkdidaktikk 2 parallelt i tredje og fjerde semester. Praksis i kulturskule i

første semester, i grunnskule i andre semester, i vidaregåande opplæring i tredje semester og i

ensemble i fjerde semester.

Krav til progresjon i studiet

Studentane må følgje planforslaget til fulltidsstudiet eller deltidsstudiet.

Fulltidsstudium

Fulltidsstudium

Sem.

Emne

Emne

Emne

Emne

Emne

Emne

1

MUDI201, 7,5 stp

MUDI202, 7,5 stp

MUPED201, 7,5 stp

MUPED202, 7,5 stp

MUPRA201, eksamenssem.

MUPRA202 eksamenssem.

2

MUDI201, 7,5 stp eksamenssem

MUDI202, 7,5 stp eksamenssem

MUPED201, 7,5 stp eksamenssem

MUPED202, 7,5 stp eksamenssem

MUPRA203, eksamenssem.

MUPRA204, eksamenssem..

Deltidsstudium

Sem.

Emne

Emne

Emne

1

MUDI201, 7,5 stp

MUPED201, 7,5 stp

MUPRA201, eksamenssem.

2

MUDI201, 7,5 stp eksamenssem

MUPED201, 7,5 stp eksamenssem

MUPRA202 eksamenssem.

3

MUDI202, 7,5 stp

MUPED202, 7,5 stp

MUPRA203, eksamenssem.

4

MUDI202, 7,5 stp eksamenssem

MUPED202, 7,5 stp eksamenssem

MUPRA204, eksamenssem..

Undervisningsmetodar

Undervisninga omfattar fellesundervisning, smågruppeundervisning, individuell rettleiing på

skriftlege arbeid og kontinuerleg rettleia praksisopplæring.

Programmet krev at studentane kan ta til seg pensumlitteratur på eiga hand, og at dei har evne til

munnleg og skriftleg å analysere og drøfte praksiserfaringane sine i lys av pensumlitteraturen.

Som førebuing til eksamen vert slik dugleik trena i diskusjonar, gruppearbeid,

studentpresentasjonar, skriftlege prøver og heimearbeid.

Fellesundervisninga i pedagogikk og musikkdidaktikk er på dagtid, medan praksis kan vere lagt

både på dag- og kveldstid, og i helger i samband med konsertar og prosjekt.

Vurderingsformer

Studenten sitt arbeid vert vurdert i høve til mål for og innhald i programmet og emna. Vurdering

og eksamensformer er spesifisert i kvar emneplan. Alle obligatoriske undervisningsaktivitetar

må vere godkjende før eksamen.

Yrkesvegar

Programmet Praktisk-pedagogisk utdanning i utøvande musikk kvalifiserer for arbeid som

godkjend lærar, adjunkt eller lektor på mellom- og ungdomstrinnet i grunnskulen, i vidaregåande

opplæring, i kulturskule og i frivillig musikkliv.

Fagansvarleg

Griegakademiet - Institutt for musikk

Adminstrativ ansvarleg

Griegakademiet - Institutt for musikk

Obligatoriske aktivitetar

All undervisning er obligatorisk. Fråver på meir enn 20% fører normalt til tap av eksamensrett.

Praksisopplæring og instrumentspesifikk musikkdidaktikk krev 100% frammøte. Obligatoriske

undervisningsaktivitetar må vere godkjende før eksamen. Gjennomførte obligatoriske undervisningsaktivitetar er gyldige i to semester etter normert eksamenssemester.

Praksisopplæring

Praksisopplæringa omfattar arbeidsinnsats tilsvarande 12-14 veker og skal ha kontinuerleg

rettleiing i autentiske yrkessituasjonar med elevar. Praksis skal vere allsidig, med stigande krav

til sjølvstende og ansvar. Opplæringa kan vere individuell eller i par/grupper, og vil samla

omfatte einskildelevar og ulike grupperingar i både obligatorisk skule og sjølvvald

musikkopplæring. Dei fire praksisperiodane har same timetal og gjeld dei arbeidsfelta

programmet kvalifiserer for: hovuddisiplin/kulturskule, grunnskule, vidaregåande opplæring og

ensemble.

Studentane skal etter gjennomført praksis kunne: undervise i samsvar med aktuelle læreplanar og

lovverk, leie og tilpasse undervisninga og opplæringa etter elevane sine behov og føresetnader,

kommunisere og samarbeide med elevar, kollegaer, leiing, foreldre og andre partar i

opplæringssystemet, erfare ulike sider ved lærarrolla og skulen som organisasjon, ta grunngjevne

yrkesetiske val, kritisk vurdere og reflektere over eigen praksis, og delta i ulike typar

utviklingsarbeid.

Erfaringar frå praksis skal studentane drøfte og reflektere over skriftleg og munnleg i arbeidet

med pedagogikk og musikkdidaktikk.

Etter kvar praksisperiode skal studenten ha ei vurdering med karakteruttrykket godkjend/ikkje

godkjend.