Masterprogram i psykologi

Mål og innhald

Studiet har som mål å gje deg forskingsbasert kunnskap om korleis ein kan forstå og utvikle enkeltmenneske, grupper og organisasjonar i ein arbeidsmessig samanheng. Det vil bli særskilt fokusert på rolla som endringsagent, og på kartleggings- og intervensjonsmetodar for leiar-, gruppe og organisasjonsutvikling.

Opptakskrav

Bachelorgrad i psykologi, med fordjuping i arbeids- og organisasjonspsykologi tilsvarande emna PSYK110 og PSYK200.

Mål / Innhald

Studiet har som mål å gje deg forskingsbasert kunnskap om korleis ein kan forstå og utvikle enkeltmenneske, grupper og organisasjonar i ein arbeidsmessig samanheng. Det vil bli særskilt fokusert på rolla som endringsagent, og på kartleggings- og intervensjonsmetodar for leiar-, gruppe og organisasjonsutvikling.

Læringsutbyte/resultat

Kunnskap:

Ved fullført emne skal kandidaten ha:

• Forskingsbasert kunnskap om sentrale teoriar og modellar for utvikling av leiarar, grupper og organisasjonar.
• Inngåande kunnskap om fagetiske problemstillingar knytt til utvikling av leiarar, grupper og organisasjonar, med spesiell vekt på konsulentrolla i høve til det.
• Inngåande kunnskap om dei sentrale brukte metodane for utforming, etablering, kartlegging og utvikling av leiarar, grupper, team og arbeidsmiljø.
• Kjennskap til viktige føringar i norske lovverk for organisasjonspsykologisk praksis.

Dugleik:

Ved fullført emne skal kandidaten kunne:

• Reflektere over og drøfte sentrale teoriar og modellar for utvikling og kartlegging av leiarar, grupper og organisasjonar.
• Reflektere over og drøfte sentrale metodar for utvikling og kartlegging av leiarar, grupper og organisasjonar.
• Nytte sentrale metodar innan utvikling og kartlegging av leiarar, grupper og organisasjonar.
• Reflektere over og drøfte ulike etiske, faglege og praktiske aspekt ved rolla som konsulent og endringsagent.
• Planleggje og gjennomføre kartlegging med sikte på å designe og gjennomføre adekvate utviklingsprogram.

Generell kompetanse:

Ved fullført emne skal kandidaten kunne:

• Identifisere og reflektere over sentrale problemstillingar knytt til utvikling av leiarar grupper og organisasjonar.
• Tileigne seg forskingsbasert kompetanse med omsyn til å kartleggje og utvikle leiarskap, leiarar, grupper og organisasjonar.
• Identifisere og reflektere over konsulenten si betyding, rolle og moglege konsekvensar for organisasjonen og organisasjonsmedlemmane.
• Tileigne seg ny forskingsbasert kompetanse med tanke på å utvikle sine kunnskapar og evner som psykologivitar i dette fagfeltet.
• Identifisere og utvikle relevante organisasjonspsykologiske problemstillingar og forskingsprosjekt.
• Vurdere kvalitet og relevans av eksisterande organisasjonspsykologisk forsking.

Opptakskrav

Bachelorgrad i psykologi, med fordjuping i arbeids- og organisasjonspsykologi tilsvarande emna PSYK110 og PSYK200.

Obligatoriske emne / spesialisering

Krav til mastergrad i psykologi med studieretning arbeids- og organisasjonspsykologi er ei spesialisering på til saman 90 studiepoeng som består av dei følgjande emna: MAPSYK311 Organisasjons- og leiarutvikling (15 stp), MAPSYK312 Team- og arbeidsmiljøutvikling (15 stp) og mastergradsoppgåve (60 stp), eller mastergradsoppgåve (30 stp) og godkjende relevante valemne (30 stp).

Yrkesvegar

Kandidatar med ein mastergrad i psykologi med studieretning arbeids- og organisasjonspsykologi kan arbeide innan personalutvikling, arbeidsmiljøutvikling, leiarutvikling og organisasjonsutvikling, både i privat og offentleg sektor, og i organisasjonar på lokalt, nasjonalt og internasjonalt nivå.

Kandidatane vil typisk kunne arbeide i personal/HR-avdelingar, innan bedriftshelsetenester, i konsulentselskap og innan forsking og utdanning.

Studiet kvalifiserer for vidare forskarutdanning. Studiet gjev praktisk analytisk kompetanse for ulike typar arbeidsoppgåver, som mellom anna sjølvstendig planlegging og iverksetjing av prosjektarbeid, forskings-, utgreiings- og dokumentasjonsverksemd samt informasjonsarbeid.