Masterprogram i psykologi

Mål og innhald

Studieprogrammet byggjer på fullført bachelorgrad i psykologi eller tilsvarande for studentar som ønskjer ei vidare utdanning i faget. Studiet har fokus på forsking og går i djupna på tradisjonar, nytenking, metodar og bruk av analytiske verktøy i faget. Studiet byggjer på både grunnforsking og bruksretta forsking innanfor psykologifeltet. Studentane kan velje fordjuping i Behavioral Neuroscience eller generell psykologi.

Mastergraden kvalifiserer for doktorgradsstudium og anna forsking i psykologi. Studiet kvalifiserer for ulike typar arbeid der informasjonskompetanse, kritisk tenking, formidling og evna til å arbeide både sjølvstendig og i team er etterspurde evner.

Opptakskrav

Bachelorgrad i psykologi eller tilsvarande. Fordjupinga i Behavioral Neuroscience krev kurs tilsvarande Biologisk psykologi (5 stp) i PSYK101.

Mål / Innhald

Studieprogrammet byggjer på fullført bachelorgrad i psykologi eller tilsvarande for studentar som ønskjer ei vidare utdanning i faget. Studiet har fokus på forsking og går i djupna på tradisjonar, nytenking, metodar og bruk av analytiske verktøy i faget. Studiet byggjer på både grunnforsking og bruksretta forsking innanfor psykologifeltet. Studentane kan velje fordjuping i Behavioral Neuroscience eller generell psykologi.

Mastergraden kvalifiserer for doktorgradsstudium og anna forsking i psykologi. Studiet kvalifiserer for ulike typar arbeid der informasjonskompetanse, kritisk tenking, formidling og evna til å arbeide både sjølvstendig og i team er etterspurde evner.

Læringsutbyte/resultat

Kunnskap:

Kandidaten skal ved fullført grad ha:

• Inngåande kunnskap om psykologifaget sine vitskaplege teoriar, metodar og funn innan detvalde fordjupingsområdet i psykologisk vitenskap.
• Inngåande kunnskap om fagetiske problemstillingar knytt til valt fordjupingsområde.

Dugleik:

Kandidaten skal ved fullført grad kunne:

• Nytte sine kunnskapar og evner på nye område for å gjennomføre prosjekt og oppgåveløysingar innanfor fordjupingsområdet.
• Analysere eksisterande teoriar, metodar og fortolkingar og arbeide sjølvstendig med teoretisk og praktisk problemløysing innanfor fordjupingsområdet.
• Gjennomføre eit sjølvstendig, avgrensa forskings- eller utviklingsprosjekt som er i tråd med gjeldande forskingsetiske normer og reglar.

Generell kompetanse:

Kandidaten skal ved fullført grad:

• Kunne tileigne seg ny forskingsbasert kompetanse med tanke på å utvikle eigne kunnskapar og evner i psykologi.
• Identifisere og utvikle relevante psykologiske problemstillingar og forskingsprosjekt.
• Vurdere kvalitet og relevans av eksisterande psykologisk forsking.
• Reflektere over og drøfte etiske, faglege og praktiske aspekt i si framtidige yrkesrolle.

Opptakskrav

Bachelorgrad i psykologi eller tilsvarande. Fordjupinga i Behavioral Neuroscience krev kurs tilsvarande Biologisk psykologi (5 stp) i PSYK101.

Obligatoriske emne / spesialisering

Krav til mastergrad i psykologi med studieretning psykologisk vitenskap er ei spesialisering på til saman 90 studiepoeng som består av 30 stp fordjuping i generell psykologi eller 30 stp nevrovitskap.

I tillegg må ein gjennomføre mastergradsoppgåve (60 stp) eller mastergradsoppgåve (30 stp + valemne 30stp).

For studentar som vel fordjuping i Behavioral Neuroscience vil det vere krav om masteroppgåve på 60 stp.

Emnetilbodet i generell psykologi kan variere.

Yrkesvegar

Studiet gjev praktisk analytisk kompetanse for ulike typar arbeidsoppgåver, som mellom anna sjølvstendig planlegging og iverksetjing av prosjektarbeid, forskings-, utgreiings- og dokumentasjonsverksemd og informasjonsarbeid. Kandidatar kvalifiserer til å arbeide i både offentleg og privat sektor. Studiet er såleis relevant for arbeid i akademia, offentleg forvalting, helseføretak, skuleverk, så vel som i privat sektor. Eksempelvis passar utdanninga til arbeid med utreiings- og førebyggjande helsearbeid, HR og personalutvikling, sakkunnskapsarbeid, undervisning og andre jobbar. Fullført grad gjev undervisningskompetanse for vidaregåande skule viss han blir supplert med eittårig praktisk-pedagogisk utdanning. PPU ved UiB krev at studenten også har 60 studiepoeng i eit anna fagområde enn psykologi, som til dømes samfunnsfag, språkfag, realfag m.m.