Utdanningsmelding

Fakulteta sine utdanningsmeldingar

Alle utdanningstilbod ved UiB er basert på forskinga ved fakulteta. Kvart
fakultet skal utarbeide ein årsrapport om utdanningsverksemda ved
fakultetet innan 15. april (utdanningsmelding). Utdanningsmeldinga gjeld for
kalenderåret.

Fakultet si utdanningsmelding skal:

• Ta utgangspunkt i institutta sine utdanningsmeldingar og/eller emne- og
• programrapporter, samt studentstatistikk
• Gi ein analyse av utfordringar og måloppnåing i kvalitetsarbeidet, både i
• fagmiljøa og på fakultetsnivået, og studentane sin medverknad
• Gi ei vurdering av kvalitetsarbeidet som grunnlag for ressursstyring og
• prioriteringar (menneskelege ressursar, infrastruktur, rammevilkår)
• Gi ei vurdering av studiekvaliteten ved fakultetet og oversikt over resultat og
• tiltak i kvalitetsarbeidet
• Identifisere eventuelle behov som fakultetet ikkje kan løyse åleine
• Melde inn kva for studieprogram ein ønskjer å opprette eller nedlegge
• Foreslå allokering av interne studieplassar for neste år (dimensjonering av
• studietilbodet)

Utdanningsmeldinga skal munne ut i ei samla vurdering av undervisninga og
utdanningstilbodet ved fakultetet og eit framlegg til vidareutvikling på grunnlag
av fakultetet sin strategi for forsking og utdanning.

Universitetet si utdanningsmelding

Fakulteta sine utdanningsmeldingar er svært viktige for kvalitetssikringa av heile universitetet. Derfor må både dei vitskapleg tilsette og studentane vere med på å utforme og drøfte innhaldet i utdanningsmeldingane.

På grunnlag av fakulteta sine utdanningsmeldingar vert den årlege utdanningsmeldinga for heile institusjonen utarbeidd. Denne meldinga skal gi ei samla og overordna vurdering av studiekvaliteten ved institusjonen, samt ei oversikt over opplegget for og tiltaka i kvalitetsarbeidet.

Utdanningsutvalet handsamar utdanningsmeldinga før denne vert lagt fram for Universitetsstyret. Utdanningsmeldinga er eit grunnlagsdokument for langsiktig planlegging av utdanningsverksemda ved universitetet.