Studentdemokrati

Arbeidsutvalet 2011/12

Arbeidsutvalet er Studentparlamentet (SP) sitt saksførebuande og utøvande organ. Dei fire leiande representantane er studentar som er valde av Studentparlamentet. Representantane i Arbeidsutvalet sit i eitt år.

Fremmer studentsaker

Nokre av Arbeidsutvalet sine viktigaste arbeidsoppgåver er å fremme studentane sine saker opp mot Universitetsstyret ved UiB. Arbeidsutvalet jobbar med saker som står på arbeidsprogrammet og er vedteke i SP. Ansvaret som kviler hos dette utvalet, er å setje ut i live den politikken som blir vedteken av Studentparlamentet.

Samarbeid for gjennomslag

Initiativet til saker som blir behandla i Arbeidsutvalet kjem i stor grad frå studentar. Arbeidsutvalet samarbeidar med studentorganisasjonar regionalt og nasjonalt, blant anna for å påverke stortingsbenken under budsjettforhandlingar. For å få gjennomslag jobbar Arbeidsutvalet også aktivt opp mot Studentsamskipnaden i Bergen (SiB), Bergen Kommune, media, Norsk Studentorganisasjon (NSO) sentralt og andre som er talerør og pådrivarar for studentane sine interesser.

Les meir om Studentparlamentet og Arbeidsutvalet her.