UiB på messe

Hilde Tordal har bestemt seg for å bli lektor med spesialisering i realfag. Foto: Karoline Vårdal

Venninnene Charlotte Høiesen og Anna Waage Ramussen som er studentar ved Tanks videregåande skole, vil studere økonomi. Foto: Karoline Vårdal

Maren Karlsen og Fredrik Hagen er interessert i forskjellige fag. For Hagen er språkfag og samfunnsfag mest interessant. Foto: Karoline Vårdal

På messe står Berit Angelskår, Kjersti Lillegraven og Marie Ernstsen klare for å informere om UiB. Foto: Karoline Vårdal

Messa vert besøkt av elevar frå vidaregåande- og ungdomskoler. I løpet av dei to dagane messa varer, skal elevane forsøke å orientere seg i jungelen av studietilbod. Målet er å finne utdanninga som passar for dei.

Deler erfaringar

På stand står representantar for UiB klare til å hjelpe dei framtidige studentane med studievalet sitt. Fire kyndige personar skal informere dei besøkjande elevane om alt som høyrer utdanningar ved UiB til.

Tordag føremiddag vrimlar det av elevar rundt standen. Spørsmål om studieliv, trivsel og val av studieby er tema som går igjen.

Marie Ernstsen er student på medievitskap og representant på messe. Det er første gang ho stiller som messedeltakar for UiB.

- Eg trudde ikkje at eg hadde så god peiling på universitetet. Men eg innser jo at etter å ha vore student i nokre år,  så har ein lært del om studenttilveret og om universitetet, fortel ho med eit smil. Ernstsen synes det er ein kjekk jobb:

- Det er spesielt gøy å få den positive tilbakemeldinga frå elevane når dei har fått svar på det dei lurer på. Dei set stor pris på å få hjelp, seier ho.

Vil bli lærar

Stine Balevik frå UiB hjelper Hilde Tordal (18) som er elev ved Sotra vidaregåande skule.

- Eg er usikker på om eg skal velje lektorutdanning innan realfag, eller om eg skal studere dei realfaga eg ønskjer og bygge på med eitt årig PPU-utdanning, seier Tordal.

Men at ho vil bli lærar, det er ho sikker på. Og UiB er ein sikker vinnar på studiefronten.

- Om eg blir student ved UiB, slepp eg å flytte langt heimanfrå. I tillegg har universitetet det studiet eg vil ta. Valet om studiestad er eigentleg tatt, seier Tordal.

Frå Odda til utdanningsmesse

Elevane frå Odda vidaregåande skule, Maren Karlsen og Fredrik Hagen, har saman med klassa køyrd ein tre timers busstur for å besøkje utdanningsmessa torsdag.

Karlsen og Hagen er nysgjerrige på studietilbodet ved UiB.

- Eg har ikkje bestemt meg for kva eg vil studere, men eg har veldig lyst til Bergen, seier Karlsen.