Huset med det rare i

- Eg har spelt teater før, og likar meg godt som skodespelar, seier Ellen Sverdrup (til venstre) i ein liten pause under sin audition for Studentteateret Immaturus. På audtion: Ellen Sverdrup, Martin Wessel, Terese Tønnesen og til høgre: Sarah Imar Hane Viken. Foto: Karoline Vårdal

Jan Haaland, NHH, Carsten Helgesen, HiB og Sigmund Grønmo ved UiB debatterar entreprenørskap og gründerverksemd i høgare utdanning. Foto: Karoline Vårdal

Austlandsbaserte The Goo Men underheldt med livlig rock i Tegelverket.

Kveldens hovudartist Sahg, viste glede over å vere tilbake på Tegelverket-scena.

Den siste veka har avviklinga av opningsprogrammet resultert i fullt hus på Kvarteret.

Leiaren for Det Akademiske Kvarter, Stian Dahle, oppsummerar den første veka slik:

– Det har vore lange køar, masse folk og veldig god inntening.

Publikum har på lik linje med drifts- og studentorganisasjonane, teke i mot studenthuset med opna armar. Men kva er det eigentleg for ein student å oppleve på det nyopna kulturhuset?

Alt for ei kvar interesse, må vere det korrekte svaret, iallfall om ein tek eksempel i torsdagens program.

Teatralsk audition

Første arrangør ut denne ettermiddagen er Studentteateret Immaturus som held audition for stykket: ”Den skallede sangerinnen”.

– For oss er det fantastisk bra å få tilbake Kvarteret, seier leiaren for Studentteateret Immaturus, Millan Persdotter Persson.

– No har vi i tillegg ein heilt ny sal å drive teater i. Det er utrulig viktig å få tilbake eit ordentlig kulturhus midt i byen, der studentorganisasjonane er samla, meiner ho.

På golvet i Storelogen står fem meir eller mindre erfarne skodespelarar som tar i mot instruksar frå dommarpanelet. Dei improviserar karakterar, medan dei diktar livlige dialogar. Skodespelarane har eit mål for auget: Ei rolle i stykket.

Innovasjonsdebatt

I den nye fleirbrukssalen Tivoli er det duka for debatt blant rektoratet ved dei største utdanningsinstitusjonane i Bergen. Det er Studentersamfunnet som arrangerar debatten.

Samtaletemaet er innovasjon og entreprenørskap sin plass i høgare utdanning, samt dei praktiske utfordringane som lærestadane står ovanfor i denne samanhengen.

Rektor Sigmund Grønnmo ved UiB forklarar universitetet sine mål i saken.  

– Det er viktig for oss å på best mogleg måte, legge til rette for at studentane kan realisere sine innovative idear, seier han.

Rockekveld

Kvelden begynner å gjere seg gjeldande på Kvarteret. Neste post på programmet er musikalsk underhaldning. Dermed er det på tide og finne fram rockefoten.

I Speilsalen har ein liten trupp samla seg for å spele Guitar Hero saman, før live-musikken tek over i Tegelverket. Her er det Bergen Realistforening (RF), ein av driftsorganisasjonane ved Kvarteret, som arrangerar dei to konsertane for kvelden.

The Goo Men og Sahg

Først ut i Tegelverket er bandet ”The Goo Men”. Med rampete sceneshow varmar dei opp publikum for kveldens hovudattraksjon: Sahg.

– Det er godt å vere tilbake i Tegelverket, gode gamle Tegelverket! ropar vokalist Olav Iversen i Sahg frå scena, før han introduserar bandmedlemmane for publikum.

Det har blitt sein kveld og snart er stengetid på Kvarteret. Frå scena tek Sahg publikum med inn i natta, med sin mørke, tunge rock, flankert av pyroeffektar og brennande faklar.