Nasjonal demonstrasjon

Trude Strøm Pedersen (til venstre) og Marita Solaas deltok under demonstrasjonen for 11 månaders studiestøtte. Foto: Karoline Vårdal

I tillegg til demonstrasjonen i Bergen, held også studentar i Oslo, Tromsø, Trondheim og Harstad demonstrasjon til same tidspunkt.

– På denne måten gjev vi signal om at dette er noko studentar over heile Noreg står samla om, forklarer fortel Velferds-, miljø- og internasjonalt ansvarlig i Arbeidsutvalet, Erik Nyman Rydningen.

I Bergen vert arrangementet støtta opp om av blant anna Studentparlamentet ved UiB og Studentparlamentet ved Høgskolen i Bergen.

Trude Pedersen, student i kunsthistorie og Marita Solaas som studerar miljø- og ressursfag ved UiB, er blant demonstrantane. Pedersen har teke ein deltidsjobb ved sidan av studiet for å lette den finansielle situasjonen.

I følgje Sveinung Rotevatn, nestleiar for Unge Venstre, som held appell under demonstrasjonen, jobbar om lag 60 % av studentane ved sidan av studia.

Rydningen håpar at dagens demonstrasjon kan legge press på regjeringa:

– Studiestøtte i elleve månader er ei kjempeviktig sak fordi studieåret varer til ut i juni. Vi håper at regjeringa vil legge merke til demonstrasjonen i dag, og dermed ha saken i mente når statsbudsjettet skal reviderast.

Charlotte Spurkeland (til venstre) er konferansier for demonstrasjonen som trakk mange studentar til Torgallmenningen onsdag. Foto: Karoline Vårdal