Sørviserklæringa om delstudium i utlandet samt godkjenning og innpassing av studium tatt i utlandet

Sørviserklæringa om delstudium  i utlandet samt godkjenning og innpassing av studium tatt i utlandet

Mange ønskjer å ha eit utvekslingsopphald ved ein utanlandsk lærestad som ein del av graden sin. Den beste måten å ta eit delstudium i utlandet på er gjennom organiserte utvekslingsavtalar og -program. Mange av bachelorprogramma tilbyr særskilt tilrettelagde og førehandsgodkjente delstudium i utlandet som kan inngå i utdanninga di ved UiB.

Universitetets plikter og ansvar når det gjeld delstudium i utlandet samt godkjenning og innpassing av studium tatt i utlandet:

• Gi nøyaktig og oppdatert informasjon, retningslinjer og søknadsskjema for delstudium i utlandet gjennom utvekslingsavtalar og -program, førehandsgodkjenning og godkjenning/innpassing av fag
• Gi god rettleiing frå fakultet/institutt i faglege spørsmål, samt informasjon om korleis du får innpassa dine utanlandske eksamenar i ein norsk grad
• Passe på at søknadshandsaminga for godkjenning av utanlandske eksamenar frå delstudium i utlandet gjennom utvekslingsavtalar og -program ikkje tar meir enn 6-8 veker
• Syte for at studentanes tryggleik vert ivaretatt ved avtalte utanlandsopphald

Universitetet forventar at du som student:

• I god tid gjer deg kjend med kva fristar og reglar som gjeld for søknader delstudium i utlandet gjennom utvekslingsavtalar og -program, førehandsgodkjenning og godkjenning/innpassing av utdanning i utlandet
• Set deg godt inn i kva reglar som gjeld for å få lån og stipend til studium i utlandet
• Legg ved all nødvendig dokumentasjon når du skal søkje om førehandsgodkjenning og om godkjenning/innpassing av utanlandsk utdanning
• Som utvekslingsstudent  held inngåtte avtalar i forhold til både heimeinstitusjonen og vertsinstitusjonen