Opptak til praktisk-pedagogisk utdanning

Søknadsfrist

Søknadsfrist er 15. april for opptak til haustsemestra.
Søknadsfrist er 15. oktober for opptak til vårsemestra.
Søknadsweb opner omlag ein månad før søknadsfristens utgang.

Søknadsprosedyre

• Søknad skjer elektronisk via SøknadsWeb. Alle som har norsk personnummer kan bruke SøknadsWeb. Søknadsweb opnar 15. september for opptak til vårsemesteret, og 15. mars for opptak til høstsemesteret. Når du søkjer om opptak gjennom SøknadsWeb er det viktig at du fyller ut alle felta i skjemaet med søkjaropplysningar; inkludert privat e-post, noverande adresse og telefonnummer. Ver merksam på at du må søkje på minimum to fagdidaktikkemne som du er kvalifisert i for at søknaden din kan bli behandla.
• Du får tilsendt kvittering på mottatt søknad pr. e-post med ein gong du har sendt søknaden, og på denne kvitteringa vil det også stå opplysningar om vidare saksgang for opptaket.
• Etter at du har registrert søknaden i SøknadsWeb, vil du få tilsendt eit omslagsark i posten laga for å samle dokumentasjon som er naudsynt for å vurdere søknaden. Her skal du leggje ved:
  - Attestert kopi av vitnemål/karakterutskrift for alle høgare utdanning som ikkje er teken ved UiB. Har du tidlegare fått vurdert eller innpassa ekstern utdanning ved UiB må du likevel sende inn dokumentasjonen på nytt.
  - Svarbrev frå UiB gjeldande vurderingar av opptaksgrunnlag for PPU og vurderingar av tilrådd undervisningskompetanse skal også leggjast ved her. Dette gjelder søkjarar med utdanning fra eksterne universitet/høgskolar eller dei med utdanning frå utlandet.
  - Evt. eksamensmeldingar for inneverande semester, viss ikkje eksamen blir avlagt ved UiB.
  - Viss du kun har utdanning frå utlandet må du òg dokumentere tilfredsstillande kunnskapar i norsk og engelsk. Les meir om språkkrav/language requirements.
• Omslagsark med dokumentasjon skal returnerast til UiB til den adressa og innan den fristen som står oppgitt på omslagsarket. Merk konvolutten Opptak til PPU. Søkjarar som har heile utdanninga si frå UiB treng ikkje å sende inn dokumentasjon på utdanninga si og heller ikkje returnere omslagsarket.
• Ettersendingsfristen er 1. juli/1. januar. Dette gjeld dokumentasjon for eksamenar der sensuren fell i inneverande semester og attestert kopi av vitnemål for grader som vert oppnådd i inneverande semester. All annan relevant dokumentasjon må sendast saman med omslagsarket.

NB! Søknadar frå søkjarar der opptaksgrunnlag ikkje er dokumentert innan fristen vil ikkje bli behandla. Manglande dokumentasjon vil ikkje bli etterspurd. Det er søkjar sitt ansvar at all relevant dokumentasjon er lagt ved søknaden.

Opptaksgrunnlag

• Minimum 180 studiepoeng fra universitet eller høgskole.
• Fagleg fordjuping i to fag med minimum 60 studiepoeng i kvart fag.
• Fagleg fordjuping i fag som gir undervisningskompetanse i skulen og som universitetet tilbyr fagdidaktikk i. Fagtilbodet kan variere frå semester til semester.
• Eventuelt tilsvarande utanlandsk utdanning.
• Normalt må en ha et snitt på minst C i de undervisningsfag som er opptaksgrunnlaget. Det er dei einskilde fagmiljøa ved UiB som vurderer om utdanninga er relevant som opptaksgrunnlag til PPU. Avvik fra krav om C vil bli behandlet individuelt.

For å telle med i opptaksrangeringa av søkarane må grader og eksamenar vere fullført innan semesterstart det semesteret du ønskjer å begynne på PPU. Opptaket kan bli gjort under føresetnad av at eksamenar meldt inneverande semester blir bestått. Trekk du deg eller stryk på eksamenar meldt inneverande semester kan du miste tildelt studieplass (ikkje levert eksamensmeldt masteroppgave er også å rekne som ikke-avlagt eksamen).

Sjå elles eige opptaksreglement.

Førehandsvurdering av utdanning for opptak

Søkjarar med utdanning frå andre universitet og høgskular der faget eller fagsamansetjinga ikkje er direkte samanliknbart med tilbodet ved UiB, bør i god tid få utdanninga vurdert i høve til opptaksgrunnlag til PPU (minimum grunnfag/60 studiepoeng) før dei søkjer om opptak. Dette gjeld i første rekke søkjarar med profesjonsutdanningar (eksempelvis sivilingeniørar og siviløkonomar), søkjarar med matematiske/naturvitskaplege fag og søkjarar med utanlandsk utdanning. Har du ekstern utdanning som du ikkje har fått vurdert for opptaksgrunnlag innan søknadsfristen, risikerer du å få avslag på søknaden om opptak. Søkjarar med utanlandsk utdanning må få denne godkjent før dei søker opptak til PPU. Bruk eige søknadsskjema (nynorsk / bokmål) for vurdering av opptakgrunnlag til PPU.

Politiattest

Jf. § 42 a i Lov om universitet og høgskular kan det bli kravd at det blir lagt fram politiattest for studium der studentar kjem i kontakt med elevar i praksisopplæring. Alle søkarar til PPU ved UiB må leggja fram politiattest ved semesterstart som stadfestar at dei ikkje tidlegare er sikta, tiltalt eller dømt for seksuelle overgrep mot barn. Denne attesten kan ikkje vere eldre enn tre månader. Nærare opplysningar om dette blir sendt ut saman med evt.opptaksbrev.

Skikkethetsvurdering

Jf. Lov om skikkethetsvurdering i lærarutdanningane fastsett av Kyrke-, utdannings- og forskingsdepartementet 16. august 1999 med heimel i lov av 12. mai 1995 nr. 22 om universitet og høgskular § 54 c nr. 7. skal alle studentar i lærarutdanninga ved UIB skikkethetsvurderast. Dette inneber at institusjonen har ansvar for ”ei heilskapsvurdering av studenten sine faglege, pedagogiske og personlege føresetnader for å kunne fungere som lærar. Ein student som utgjer ein mogleg fare for barnehagebarn og elever sine rettar, tryggleik og psykiske og fysiske helse er ikkje skikka for læraryrket.” Frå Forskrift om skikkethetsvurdering i høgare utdanning. Sjå òg eigne nettsider om skikkethetsvurdering i lærarutdanningane.

Kvalifikasjonsgrunnlag

Du må vere kvalifisert for å følgje to av fagdidaktikkemna som UiB har tilbod i for å kunne byrje på PPU (Eigne regler gjeld for opptak til PPU med matematikk og naturfagskombinasjonen). For å kvalifisere må du ha 60 studiepoeng i kvart at faga du søkjer opptak til PPU med. I tillegg vert det stilt krav til kva emne du har tatt i desse faga (kvalifikasjonsgrunnlag).

Sjå her for oversikt over kvalifikasjonsgrunnlag til dei ulike fagdidaktikkemna.

Fagtilbud

Det fagdidaktiske tilbodet kan variere frå semester til semester.

Våren 2012 har vi tilbod i følgande fag:

• Norsk
• Norsk som andrespråk
• Engelsk
• Spansk
• Historie
• Geografi
• Samfunnskunnskap
• Medievitskap
• Psykologi*
• Kjemi
• Biologi
• Fysikk
• Matematikk**
• Naturfagskombinasjonen

 *Blir òg tilbode som eittfagsmodell. Med etterhald om oppstart. 

**Våren 2012 er det tilbod om opptak til PPU med eitt fag - matematikk.

Følgande krav blir stilte til søkjarar med kun matematikk:

• Søkjarar må ha 180 sp totalt, derav 90 sp matematikk.
• Søkjarar med kun matematikk, blir prioritert etter søkjarar som kvalifiserer i to fag.
• Søkjarar med matematikk og informatikk blir prioriterte over søkjarar med kun matematikk