Opptak til psykologstudiet

Søknadsfrist

Frist for å søkje opptak til psykologstudiet er 15. april.

Kvart år vert 82 studentar tekne opp. Av desse har 41 av studentane studiestart om hausten i august, medan 41 studentar har studiestart vårsemesteret i januar.  

Søknadsprosedyre

Søknad skjer elektronisk via SøknadsWeb. All dokumentasjon skal òg lastast opp på SøknadsWeb. Alle som har norsk personnummer kan bruke SøknadsWeb. Søknadsweb opnar om lag ein månad før søknadsfristen.

Når du søkjer om opptak gjennom SøknadsWeb er det viktig at du fyller ut alle felta i skjemaet med søkjaropplysningar; inkludert privat e-post, noverende adresse og telefonnummer.

I SøknadsWeb har du to søknadsalternativ for profesjonsstudiet i psykologi: oppstart haust eller oppstart vår. Om du ønskjer at søknaden din skal bli vurdert for begge alternativa, må du søkje på begge alternativ i prioritert rekkefølgje. 

Dokumentasjon
Alle søkarar må laste opp dokumentasjon på greidd årsstudium i psykologi, inkludert Examen philosophicum og Examen facultatum. Søkarar som har heile utdanninga si frå UiB må óg laste opp karakterutskrift. Karakterutskrift kan du tinge via StudentWeb. Du er sjølv ansvarleg for at all relevant dokumentasjon vert lasta opp. Høve som ikkje er dokumenterte i søknaden, vil det ikkje bli teke omsyn til. Du må laste opp:

•    Original evt. attestert kopi av karakterutskrift/vitnemål på all høgare utdanning. NB! Husk å ta med alle sidene av vitnemålet/ karakterutskrifta. Utanlandske vitnemål på andre språk enn engelsk eller skandinaviske språk må vere omsett til eitt av dei nemnte språka av ein autorisert translatør.
•    Vurderingsmeldingar (for eksempel utskrift frå StudentWeb eller stadfesting frå lærestaden) for inneverande semester, viss ikkje eksamen blir avlagt ved UiB.

Dersom du har utdanning frå utlandet må du i tillegg laste opp:

•    Emneplanar (inkludert pensum/litteraturliste) på engelsk, norsk eller anna skandinavisk språk som dokumenterer innhaldet i utdanninga.
•    Utgreiing av vektingssystemet (dvs. kor mange credits/ECTS som utgjer eit fulltidsstudium) og karakterskalaen som den utanlandske lærestaden nyttar.

Viss du berre har utdanning frå utlandet må du òg laste opp:

•    Dokumentasjon på tilstrekkelege engelskkunnskapar.
•    Dokumentasjon på tilstrekkelege norskkunnskapar.

Les meir om gyldig dokumentasjon av  språkkrav/language requirements

Kvittering på mottatt søknad
Du får tilsendt kvittering på mottatt søknad per e-post med ein gong du har sendt søknaden, og på denne kvitteringen vil det også stå viktige opplysningar om vidare saksgang for opptaket.

Ettersending
1. juli er frist for omprioritering og ettersending av dokumentasjon.
Det vil seie at du kan omprioritere dine søknadsalternativ (men ikkje leggje til nye) på SøknadsWeb innan denne dato.

Dersom sensur ikkje er klar innan søknadsfristen, må du laste opp dokumentasjon på dette så snart sensuren føreligg, og seinast innan 1. juli. Dette gjeld dokumentasjon for eksamenar der sensuren fell inneverande semester. All anna relevant dokumentasjon må lastast opp innan søknadsfristen. 

NB! Søknadar fra søkjarar der opptaksgrunnlaget ikkje er dokumentert innan fristen vil ikkje bli behandla. Manglande dokumentasjon vil ikkje bli spurt etter. Det er søkjar sitt ansvar at all relevant dokumentasjon er lagt ved søknaden.

Opptaksgrunnlag

Opptaket til psykologstudiet ved UiB baserer seg på årsstudiet i psykologi. Årsstudiet i psykologi består av Examen philosophicum, Examen facultatum og introduksjonsemne i psykologi. Alle søkjarar må ha fullført denne eller tilsvarande utdanning i utlandet, sjå Opptaksreglement for opptak til psykologstudiet ved UiB.

Dette utgjer opptaksgrunnlaget frå Universitetet i Bergen:

• EXPHIL-PSSEM eller EXPHIL-PSEKS (eller annan variant av ex.phil. på minimum 10 studiepoeng)
• EXFAC03P Examen facultatum, psykologi
• PSYK100 Innføring i psykologi
• PSYK101 Generell psykologi 1
• PSYK102 Generell psykologi 2

Eksamenar på emne som inngår i opptaksgrunnlaget må vere avlagt frå og med haustsemesteret 2003 (ved innføringa av nytt årsstudium i samband med kvalitetsreforma), med unntak av ex.phil. Søkjarar med opptaksgrunnlag der eksamenar er avlagde før hausten 2003 (med unntak av ex.phil.) vil bli vurdert individuelt basert på utdanning og arbeidserfaring.

For å bli rekna som kvalifisert søkjar må du ha eit karaktersnitt på C eller høgare.

Du er òg kvalifisert for å søkje dersom du har årsstudium i psykologi frå følgjande universitet og høgskolar:

• Universitetet i Oslo
• Norges teknisk-naturvitenskaplige universitet
• Universitetet i Tromsø
• Høgskolen i Lillehammer
• Ansgar teologiske høgskole

Særlege høve ved klagebehandling og opptak til psykologstudiet
Gjeld kandidatar som har klaga på karakterfastsetting medan dei samstundes søkjer opptak til psykologstudiet.

For opptak til psykologstudiet er søknadsfristen 15. april, med ettersendingsfrist 30. juni.

Ved opptak til psykologstudiet nyttast dei karakterane du har oppnådd når du sender inn søknaden som opptaksgrunnlag, sjølv om du har sendt inn klage over karakterfastsetting. På det tidspunktet klagekommisjonane har behandla ferdig klagesakene, vil opptaket til psykologstudiet normalt vere fullført.

Dersom du får betra ein eller flerie karakterar som resultat av klagebehandlinga, kan du søkje om opptak til psykologstudiet neste år på grunnlag av nye karakterar.

Rangering

Søkjarne vert rangert på grunnlag av gjennomsnittskarakter i dei karakterbelagde psykologiemna som inngår i opptaksgrunnlaget frå eitt av universiteta i Noreg, eller tilsvarande utdanning.

Rangering skjer ved at bokstavkarakterane blir erstatta med tallekvivalenter etter følgjande skala: A = 5, B = 4, C = 3, D = 2, E = 1. For kvart emne blir tallekvivalenten multiplisert med antall studiepoeng og produkta blir summert. Denne summen blir dividert med totalt antall studiepoeng, og resultatet blir rekna ut med to desimalar.

Døme:

Gjennomsnittet blir 3,88

Talkarakterane blir erstatta med ein talekvivalent etter følgjande skala: 

Universitetet i Bergen tar opp 82 studenter til psykologstudiet kvart år. For å bli rekna som kvalifisert søkjar må du ha eit karaktersnitt på C eller høgare. Dersom fleire søkjarar har lik poengsum, vil opptaket bli avgjort ved loddtrekking.

Poenggrenser

Oversynet nedanfor viser kva karaktergrensa har vore ved opptak til psykologstudiet dei siste semestra*, samt tal på studieplassar og søkjarar ved kvart opptak.

*Fram til våren 2012 hadde profesjonsstudiet i psykologi opptak to gonger i året.

Resultat av opptaket

Svar på søknad

Resultatet av opptaket blir publisert på SøknadsWeb. Alle søkjarar får òg e-post til oppgitt e-postadresse med svar på søknad om opptak. Det er tre moglege utfall på søknad om opptak: tilbod, venteliste og avslag (ikkje kvalifisert).

NB. Alle som får studieplass og har ekstern utdanning vil bli bedt om å framvise originale vitnemål/karakterutskrifter ved studiestart. (Ekstern utdanning= utdanning som ikkje er tatt ved Universitetet i Bergen.)

Datoer og frister i opptaket med studiestart hausten 2012 / våren 2013