English A A A

Opptak til masterstudium ved Det humanistiske fakultet


Hovudopptaket til masterprogramma ved HF er i vårsemesteret (søknadsfrist 15. april) for start i august. Nokre masterprogram vil ha suppleringsopptak til vårsemesteret dersom det er ledige plassar etter hovudopptaket - her er søknadsfristen 1. november.

Suppleringsopptaket - søknadsfrist 1. november 2012 for oppstart våren 2013:

  • allmenn lingvistikk
  • allmenn litteraturvitskap
  • arabisk
  • arkeologi
  • datalingvistikk og språkteknologi
  • digital kultur
  • filosofi - studieretning filosofi
  • filosofi - studieretning idéhistorie
  • fransk
  • gresk
  • italiensk
  • latin
  • nordisk språk og litteratur
  • norrøn filologi
  • spansk språk og latinamerikastudium
  • teatervitskap
  • tysk

    • Viktig informasjon for søknadsfristen  1. november

    Important information regarding the admittance process and requirements

    Hovudopptaket - søknadsfrist 15. april 2012 for studiestart august 2012:

    Vidareutdanning (eigne opptakskrav og søknadsfrist 1. mai):

    Søknad

    Søknad skjer elektronisk på Søknadsweb, http://soknadsweb.uib.no/. Søknadsweb kan nyttast av alle søkjarar som har norsk personnummer. Dokumentasjonen skal lastast opp på Søknadsweb. Søknadsfristen er 15. april for hovudopptaket til haustsemesteret og 1. november for suppleringsopptaket til vårsemesteret. Dei to erfaringsbaserte masterprogramma har søknadsfrist 15. april (berre eitt opptak i året). Søknadsweb opnar 8. oktober for opptaket til våren 2013.

    Dokumentasjon

    Når du søkjer på Søknadsweb, lastar du óg opp all relevant dokumentasjon i søknadsprosessen. Du er sjølv ansvarleg for at all relevant dokumentasjon vert lasta opp (til dømes førehandsgodkjenningar, godkjenningar, innpassingssaker, utsetjingar, sein sensur og liknande). Høve som ikkje er dokmenterte i søknaden, vil det ikkje bli teke omsyn til. Søkjarar som har innpassingssaker som ikkje er ferdig handsama, må informere om dette i eit brev som lastast opp som Andre dokument.

    Har du utdanning frå utlandet som ikkje tidlegare er godkjend ved Universitetet i Bergen, må du sende inn vitnemål og karakterutskrift som er omsett til norsk, evt. engelsk (autorisert omsetjing og eventuelt attestert kopi). Du må også sende oss ei oversikt over karaktersystemet som er brukt, pensumlister for fag/emne som inngår i spesialiseringa og ei eventuell godkjenning frå NOKUT.

    Ettersending

    Dersom sensur ikkje er klar innan søknadsfristen, må du laste opp dokumentasjon på dette så snart du får sensuren. Vi tek omsyn til sein sensur, men opptaket blir ikkje gjort før dei naudsynte resultata er på plass.

    For spørsmål, ta kontakt med Det humanistiske fakultet på e-post maj-brit.iden@hf.uib.no.

    Om opptaket

    Opptaksgrunnlaget er ein fullført bachelorgrad (eller tilsvarande) med spesialisering i det aktuelle masterfaget. Til masterprogrammet i region og regionalisering og til masterprogrammet i digital kultur er det også mogleg å søkje opptak med ein fullført bachelorgrad (eller tilsvarende) i andre, relevante fagkombinasjonar. Studentar med utanlandsk utdanning som opptaksgrunnlag kan bli tekne opp til eit masterstudium etter særskilt fagleg vurdering. Gå inn på lenkja til det enkelte programmet for å sjå nærare omtale. Programma Erfaringsbasert master i undervisning med fordjuping i engelsk og Erfaringsbasert master i undervisning med fordjuping i norsk har også eigne opptakskrav.

    NB: Eigne søknadsfristar og opptakskrav gjeld for masterprogrammet i utøvande musikk eller komposisjon.

    Opptaket er basert på kvoter. Fakultetet fastset fordelinga av studieplassar for kvart semester. Dersom det er fleire søkjarar til eit fag enn det er plassar, vil søkjarane bli rangerte etter resultata i spesialiseringsfaget. Dersom det er fleire søkjarar som har same resultat i spesialiseringsfaget, vil ein bruke loddtrekning for å tildele plassar.

    Det er forholdet mellom talet på søkjarar og talet på studieplassar som avgjer kva opptakskravet blir, og krava vil variere frå semester til semester. Vi kan difor ikkje seie på førehand kva karakterkravet vil bli.

    Berre søknadar med utdanning som er godkjent innan søknadsfristen vil bli handsama.

    Svar på opptaket

    Tilbud om opptak blir lagt ut på http://soknadsweb.uib.no/. Du vil også få ein e-post om dette.

    Sist endret: 22.10.2012

    Tilhører