Helseinnovasjon

Kurset er meint å inspirere kursdeltakarane, og utstyre studentane med tilstrekkeleg kompetanse og kunnskap til å forstå korleis dei kan gå fram for å sikre rettigheitene til, og utforske moglegheitene for å kommersialisere sine framtidige forskingsresultater.

Kurset vil:

A) introdusere innovasjons- og entreprenørskapskonseptet

B) dele erfaringar frå gründerar i forskingsfelta lokalt, ved CCBIO's INTPART samarbeidsorganisasjon Harvard Medical School, Neuro-SysMed sin kanadiske partnar Lawson Health Research Institute

C) inkludere praktiske oppgåver der studentane blir bedne om å utvikle ein forretningsidé og planlegge for sikring av intellektuelle rettigheiter

Lokal fagekspertise og medisinske gründerar frå ulike fagfelt vil delta med presentasjonar på kurset, og vil dele og diskutere sin motivasjon og sine erfaringar med å utnytte innovasjonspotensialet i eiga forsking og/eller å starte ei bedrift.

Som avsluttande oppgåve blir studentene bedne om å jobbe i grupper for å utarbeide ein søknad om støtte til å gjennomføre ei validering og/eller testing av appliserbarheiten av ein innovasjonsidé (produkt, metode eller teneste) som har oppstått som resultat av eiga eller andres forsking. Oppgåva vert levert som ein skriftleg søknad med prosjektbeskriving og vert også framstilt muntlig i form av ein kort presentasjon/'pitch' inspirert av kurspensum, medisinske gründerar som ein møter i kurset, og rettleiing av desse undervegs. Studentane vil bli presentert for tilgjengelege ressursar, lokale og internasjonale innovatørar, samt innovasjonsprosjekt i ulike utviklingstrinn.

Etter at kurset er gjennomført skal kandidaten ha følgande læringsutbytte definert i form av kunnskaper, ferdigheiter og generell kompetanse:

Kunnskaper
Studenten skal tileigne seg

- inngåande innsikt i grunnleggande prinsipp for innovasjon og entreprenørskap, og kjenne til dei viktigaste typane innovasjon

- god innsikt i sentrale begrep innan innovasjonsteori- og metodar

- god kjennskap til regelverket som regulerer beskyttelse og utnytting av idéar frå forsking, og kva plikter og rettar det gir til dei forskjellige involverte partane

Ferdigheiter
Studenten skal kunne

- planlegge vidareutvikling av ein innovativ idé til eit produkt eller ei teneste av kommersiell verdi eller helsemessig nytte. 'Kven kontakter ein, og kva gjer ein?'

- identifisere og vurdere behov og moglegheiter for innovasjon i og utanfor organisasjonen, og vurdere kvalitet og levedyktigheit for prosjekt og idéar

- bruke metodar ('design thinking') for utvikling av konsept som har potensiale for innovasjon

- beherske fagområdets uttrykksformer og kunne presentere sin innovasjonsidé som ein 'pitch'

- kunne gjere ei vurdering av innovasjonspotensialet i forskjellige tenkte forskingsprosjekt

Generell kompetanse
Studenten skal kunne

- bruke innovasjonstankegang som ein naturlig del av dagleg arbeid som forskar, og vere bevisst potensiell verdi av eige framtidig åndsverk ('patenterbar idé').

- formidle og diskutere teoriar, metodar og eksempler på innovasjon og entreprenørskap

- oppdatere kunnskapen sin om utviklings- og innovasjonsarbeid innan sektoren, og orientere seg om tilgjengelege finansieringsmoglegheiter for innovasjonsprosjekt

- vurdere korleis ein tar hensyn til moglege intellektuelle rettar når ein planlegg ein publikasjon i eit forskingsprosjekt

Hovuddelen av synkron undervisning vert halden ved Eitri Medical incubator. Kurset kan haldast digitalt ved behov. Andelen synkron/asynkron undervisning vil bli verande den same.

Eitri ligg mellom Ulriksbanen sin nedre stasjon, labbygget ved Haukeland universitetssjukehus, og BB-bygget ved Universitetet i Bergen. Eksterne besøkande kan bruke hovudinngangen nær Ulriksbanen. Adressa er Jonas Lies veg 91.