Examen philosophicum - skuleeksamen

Lågaregradsemne

Emnebeskrivelse

Mål og innhald

Examen philosophicum inngår i det integrerte masterstudiet i rettsvitskap. Emnet skal gi studentane filosofiske perspektiv på juridisk verksemd og fagkompetanse som gjer dei i stand til å nytte denne på ein kritisk og analytisk måte i rettsdogmatiske og rettspolitiske samanhengar. Emnet gir ei innføring i rettsfilosofi og andre filosofiske tema med særleg relevans for rettsvitskapen. I tillegg gir emnet ei innføring i språk- og argumentasjonsteori, med sikte på å fremje juridiske ideal om presisjon og stringens.

Læringsutbyte

Kunnskapar

Ved fullført emne har studenten kjennskap til utvalde filosofiske emne som har relevans for rettsvitskapen, til dømes rettsfilosofi, etikk og politisk filosofi. I tillegg har studenten kjennskap til sentrale omgrep i språk- og argumentasjonsteori med relevans for rettsvitskapen, til dømes skiljet mellom fleirtydige uttrykk og vage tydingar, skiljet mellom deskriptive og normative tydingar og skiljet mellom haldbarheit og relevans av argument.

Dugleikar og kompetanse

Studenten meistrar

- å bruke filosofiske omgrep i analytiske og prinsipielle drøftingar av problemstillingar i jussen

- å drøfte etiske og rettspolitiske problemstillingar ved å anvende teoriar frå moralfilosofien og politisk filosofi

- å drøfte kva som kjenneteiknar gjeldande rett ut frå ulike rettsfilosofiske posisjonar

- å tolke juridisk ordlyd mellom anna med sikte på å avdekke fleirtydigheit

- å lage og vurdere definisjonar av språklege uttrykk

- å argumentere for eit normativt eller deskriptivt standpunkt og å vurdere dei einskilde argumenta i slik argumentasjon

Studiepoeng, omfang

10

Studienivå (studiesyklus)

Integrert masterstudium i rettsvitskap

Undervisningssemester

Det er inga undervisning på emnet, men emnets pensum er det samme som på EXPHIL-JUSEM, som har undervisning i vårsemesteret. Sjå meir info under «Arbeids- og undervisningsformer»

NB: kun vurdering i haustsemester.

Undervisningsstad

UiB / Sjå "Arbeids- og undervisningsformer"
Krav til forkunnskapar
Ingen
Studiepoengsreduksjon
Alle emna med ein emnekode som begynner med EXPHIL- er fakultetsvariantar av det same emnet. Det er derfor full fagleg overlapp mellom desse emnekodane, slik at ein berre kan få utteljing i studiepoeng for eitt av dei, og talet på vurderingsforsøk blir telte på tvers av fakultetsvariantane, jf. Forskrift om opptak, studier, vurdering og grader ved Universitetet i Bergen, § 6.8.
Krav til studierett
Emnet er ope for studentar med studierett ved Universitetet i Bergen. Kandidatar utan studierett kan søkje om å gå opp til særskilt eksamen i emnet. Sjå informasjon om korleis du søkjer om dette på: http://www.uib.no/hf/utdanning/opptak/saerskilt-eksamen-ved-det-humanistiske-fakultet
Arbeids- og undervisningsformer

Emnet er berekna på studentar som var melde opp til EXPHIL-JUSEM i fjerde semester av masterstudiet i rettsvitskap, men som ikkje fekk gjennomført emnet. EXPHIL-JUEKS er formelt sett eit sjølvstudium, men pensum er det same som på EXPHIL-JUSEM som har undervisning i vårsemesteret.

Eksamen på EXPHIL-JUEKS vert tilbydd berre i haustsemesteret.

Undervisningsformer og omfang av organisert undervisning
Undervisninga har form av førelesingar.
Obligatorisk undervisningsaktivitet
Det er inga obligatorisk undervisningsaktivitet på emnet.
Vurderingsformer

Ein skriftleg skuleeksamen (4 timar).

Ingen hjelpemiddel er tillatne på eksamen. (Men studentar utan norsk som morsmål kan vende seg til instituttet for informasjon om bruk av ordbøker.)

Karakterskala
I vurderinga på emnet nyttar ein karakterskalaen A-F.
Vurderingssemester
Haust
Litteraturliste
Examen philosophicum har spesialtilpassa pensum for kvar fakultetsvariant.
Emneevaluering
Evaluering av ex.phil. vert gjort med jamne mellomrom.
Programansvarleg
-
Administrativt ansvarleg
Institutt for filosofi og førstesemesterstudium