Hjem
Studentsider
Masteremne

Italiensk særemne

  • Studiepoeng15
  • UndervisingssemesterVår
  • EmnekodeITAL306
  • Talet på semester1
  • SpråkItaliensk
  • Ressursar

Hovedinnhold

Studiepoeng, omfang

15

Studienivå (studiesyklus)

Master

Undervisningssemester

Vår

Undervisningsstad

Bergen og digitalt

Mål og innhald

ITAL306 er eit masteroppgåveførebuande emne og har som mål at studentane får utdjupa innsikt i eit særemne innanfor italiensk språk-, litteratur- eller kulturvitskap. Emnet har derfor klår fagleg relevans for italienskstudiet og dannar grunnlaget for studenten si spesialisering i ein disiplin.

Læringsutbyte

Studenten skal ved avslutta emne ha følgjande læringsutbytte definert i kunnskap, dugleik og generell kompetanse:

Kunnskap

  • Studentane har utdjupa innsikt innanfor eit særemne i italiensk språk-, litteratur- eller kulturvitskap.

Ferdigheiter

  • Studentane har opparbeidd seg god kjeldekritisk sans i omgang med forskingslitteratur.
  • Studentane har trena seg i formidling av vitskaplege problemstillingar.

Generell kompetanse

  • Studentane er i stand til å arbeide på sjølvstendig vis med forskingslitteratur, kjeldekritikk og vitskaplege problemstillingar.
  • Studentane kan gjennomføre eit prosjekt som strekkjer seg over tid.
  • Studetentane kan vidareutvikle kunnskapane sine og har evna til å gjere bruk av dei i ein større samanheng.

Krav til forkunnskapar

Ingen formell krav.

Tilrådde forkunnskapar

Italienskkunnskapar minst på nivå med dei ein bachelorgrad med spesialisering i italiensk gjev. For fagleg forkunnskap: ITAL301 og ITAL302 eller tilsvarande emne.

Studiepoengsreduksjon

Ikkje aktuelt.

Krav til studierett

Emnet er ope for studentar med opptak til masterprogrammet i italiensk ved UiB.

Arbeids- og undervisningsformer

Kurset blir vanlegvis gitt som eit lesekurs med tre rettleiingsmøte i semesteret. Under rettleiing skal studenten utarbeide ei pensumliste tilpassa emnet. Dersom det er relevant, kan også film inngå i pensum.

Det vert også halde jamlege oppgåveseminar for masterstudentane der studentane kan leggje fram prosjektskisser av masteroppgåva eller delar av det tilpassa pensumet. 

Emnet er også ope for studentar som ikkje følgjer stadbunden campusundervisning. Rettleiing, presentasjonar o.a. vil derfor kunne finne stad på digitale plattformer ved behov.

Obligatorisk undervisningsaktivitet

Studentane må halde ein obligatorisk munnleg presentasjon på campus eller digitalt på om lag 20 minutt i løpet av semesteret. Emnet for presentasjonen blir fastsett i samråd med rettleiar og framføringa blir lagt til eit av oppgåveseminara for masterstudentane. Presentasjonen vert vurdert godkjent/ikkje godkjent.

Godkjenninga av det obligatoriske arbeidskravet er gyldig i undervisningssemesteret og semesteret etter.

Vurderingsformer

Vurderingsforma i emnet er ein heimeeksamen utan rettleiing skriven på italiensk mot slutten av semesteret med ei vekes innleveringsfrist. Omfanget på oppgåva bør liggje på mellom 3000 og 4000 ord.

Hjelpemiddel til eksamen

Alle hjelpemiddel er tillatne, men eksamensarbeidet skal utførast individuelt av den einskilde student.

Karakterskala

Det blir nytta gradert karakterskala frå A til F, der F er stryk.

Vurderingssemester

Vår. Det er òg vurdering tidleg i haustsemesteret for studentar med gyldig godkjenning av det obligatoriske arbeidskravet frå semesteret før.

Litteraturliste

Pensumet, på om lag 1500-2000, skal fastsetjast i samråd med rettleiar.

Emneevaluering

Undervisningsopplegget blir evaluert i tråd med UiB sitt kvalitetssikringssystem.

Programansvarleg

Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.

Emneansvarleg

Programstyret for italiensk

Administrativt ansvarleg

Det humanistiske fakultet ved Institutt for framandspråk har det administrative ansvaret for emnet og studieprogrammet.

Kontakt

Studierettleiar: studierettleiar.if@uib.no

Eksamensadministrasjon: eksamen.if@uib.no