Hjem
Studentsider
Laveregradsemne

Klimaforteljingar

Studiepoeng, omfang

5 studiepoeng

Studienivå (studiesyklus)

Bachelor

Fulltid/deltid

Ikkje relevant

Undervisningssemester

Emnet blir undervist første gong vårsemesteret 2021. Undervisningssemester er haust frå og med hausten 2021.

Undervisningsstad

Bergen

Mål og innhald

Klimaendringane er ei av dei største samfunnsutfordringane i vår tid. Frå å vere eit fysisk fenomen, må klimaendringane i dag òg forståast som eit sosialt, politisk, etisk og kulturelt fenomen. Derfor er det viktig å belyse klimautfordringane frå mange ulike disiplinar og perspektiv, inkludert humanistiske. Emnet KLIMA200 har som mål å gje innsikt i humanistiske og tverrfaglege tilnærmingar til klimaspørsmåla.

Formålet med emnet er å reflektere rundt formidling av  klimaspørsmål gjennom ulike diskursar og korleis ein kan tolke desse forteljingane. Studentane vil studere teksteksempel frå naturvitskap, skjønnlitteratur, media og politikk. Sentrale spørsmål vil vere språket si rolle i klimadiskursen og korleis forteljingar kan auke forståinga vår av klimautfordringane. Emnet vil i tillegg gje ei innføring i sentrale omgrep som diskurs og forteljing, og gje innblikk i nokre utvalde tekstar knytte til humanistisk miljøforsking og økokritikk.

Læringsutbyte

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Studenten

  • skal kjenne til ulike forteljingar om klima frå ulike felt
  • skal kunne gjere greie for nokre sentrale problemstillingar og tilnærmingar i den humanistiske klimaforskinga

Ferdigheiter

Studenten

  • kan presentere, drøfte og analysere ulike forteljingar om klima i lys av teori og relevante metodiske tilnærmingar
  • kan bruke kunnskapen frå emnet til å utvikle fagleg funderte problemstillingar knytte til klimaforteljingar

Generell kompetanse

Studenten

  • kan forstå korleis klimaspørsmål blir formidla gjennom forteljingar
  • er i stand til å identifisere klimaforteljingar og vurdere deira oppbygging og hensikt i ulike samanhengar

Krav til forkunnskapar

Ingen formelle krav, sjå tilrådde forkunnskapar

Tilrådde forkunnskapar

Det er tilrådd å ha minimum 60 studiepoeng før oppmelding til emnet.

Studiepoengsreduksjon

Ingen

Krav til studierett

Emnet er ope for alle med studierett ved Universitetet i Bergen.  

Arbeids- og undervisningsformer

Det blir normalt gitt to timar førelesing/seminar i  veka i ti veker. Om det melder seg færre enn fem studentar til eit emne, kan undervisningstilbodet bli tilpassa studenttalet. Studentane vil i så fall bli informerte om det alternative undervisningsopplegget ved semesterstart og før semesterregistreringsfristen 1. februar/1. september.

Obligatorisk undervisningsaktivitet

Ein munnleg presentasjon på 10-15 min.

Godkjenninga av obligatoriske arbeidskrav er gyldig i undervisningssemesteret og semesteret etter.

Vurderingsformer

3-dagars heimeeksamen med eit omfang på 2000 ord. 

Hjelpemiddel til eksamen

Ved heimeeksamen er alle hjelpemiddel tillatne.

Karakterskala

Det blir nytta gradert karakterskala frå A til F, der F er stryk.

Vurderingssemester

Vurderingssemester er våren 2021, deretter haustsemesteret. Der er òg vurdering tidleg i det påfølgjande semesteret for studentar med gyldig godkjenning av obligatoriske arbeidskrav.

Litteraturliste

Litteraturlista vil vere klar innan 01.06 for haustsemesteret og 01.12 for vårsemesteret.

Emneevaluering

Emneevalueringar blir gjennomførte i tråd med UiB sitt kvalitetssikringssystem.

Programansvarleg

Institutt for framandspråk

Emneansvarleg

Institutt for framandspråk

Administrativt ansvarleg

Det humanistiske fakultet ved Institutt for framandspråk har det administrative ansvaret for emnet og studieprogrammet.

Kontakt

Kontaktinformasjon

Studierettleiar: studierettleiar@if.uib.no Eksamensadministrasjon: eksamen@if.uib.no

Eksamensinformasjon

  • Vurderingsordning: Heimeeksamen

    Oppgave utleveres
    04.05.2021, 09:00
    Innleveringsfrist
    07.05.2021, 13:00
    Trekkfrist
    20.04.2021
    Eksamenssystem
    Inspera
    Digital eksamen