Forskingsfelt og prosjektutvikling

Målet med emnet er å utforme ei prosjektskildring for den individuelle masteroppgåva. Studenten skal velje tema for oppgåva i samråd med rettleiar, setje seg inn i relevant forsking på området som vert valt, avgrense eiga undersøking og formulere ei fagleg relevant problemstilling. Gjennom seminar og individuell rettleiing skal studenten arbeide med å finne fram til kjeldemateriale og gjere forskingsetiske vurderingar om bruken av det. Prosjektskildringa skal også omfatte val av metodiske og teoretiske perspektiv som skal brukast i masteroppgåva.

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap:

Studenten

• kan setje seg inn i eit forskingsfelt.
• kan gjennomføre litteratursøk knytt til eit avgrensa fagleg felt eller ein tematikk.
• kan formulere og avgrense ei kulturvitskapleg problemstilling

Ferdigheiter:

Studenten

• kan vurdere kritisk kva slags kjeldemateriale som er føremålstenlege for å svare på bestemte kulturvitskaplege problemstillingar.
• kan utforme og planlegge eit kulturvitskapleg forskingsprosjekt.

Generell kompetanse:

Studenten

• kan arbeide systematisk med kjelder og litteratur som ledd i skriving av fagtekstar.
• kan gjere forskingsetiske vurderingar i samband med planlegginga av eit forskingsprosjekt.
• kan utarbeide ei prosjektskildring.

15

Master

Vår

Bergen