Observasjonspraksis

Mål og innhald

Praksis skal medverke til oppøving av kliniske ferdigheiter, og skal hjelpe til at studenten vert i stand til å integrere teoretisk kunnskap med praktisk, klinisk arbeid. I observasjonspraksis skal studenten gjere seg kjend med logopediske arbeidsmetodar, og knyte band mellom teori og praksis.

Etter fullført emne:

Kunnskapar

• har studenten grunnleggande kunnskapar om kartleggingsinstrument og adekvate arbeidsmodellar for klinisk logopedisk arbeid med born og vaksne
• kjenner studenten til dei relevante tilvisingsinstansane, og prosedyrane for vidare tilvising
• kjenner studenten til relevante rutiner og metodar i logopedisk yrkesutøving

Ferdigheter

• kan studenten reflektere over innhaldet i ei tilvising eller ei epikrise
• kjenner studenten til prosedyrer for gjennomføring av kartleggingsintervju, eventuelt med anamneseopptak
• kan studenten reflektere over resultat frå testing og kartlegging
• kan studenten tilpasse språk og kommunikasjon på ein formålstenlig måte til ulike personar, grupper og situasjonar

Generell kompetanse

• kan studenten reflektere over logopeden si rolle i ein klinisk situasjon
• kan studenten drøfte påverknaden ulike miljøfaktorar kan ha på gjennomføring av tiltak
• viser studenten forståing for logopeden si rolle i tverrfaglege grupper ved helse-, omsorgs eller utdanningsinstitusjonar
• kan studenten reflektere over relevante yrkesetiske problemstillingar
• tek studenten omsyn til og viser respekt for integriteten til den enkelte brukar.
• samarbeider studenten konstruktivt med rettleiarar, kollegaer og medstudentar
• kan studenten reflektere over prinsippa for evidensbasert praksis
• syner studenten forståing for tydinga sosiale og kulturelle faktorar kan ha for eit logopedisk behandlingsløp
• syner studenten evne til å tilpasse seg reglar, rutinar og kultur på ulike arbeidsplassar.