Stil, sjanger og tradisjon

Mål:

Emnet har som mål å gje etnomusikologisk og historisk kunnskap om nordisk tradisjonsmusikk med sideblikk til andre europeiske tradisjonar. Døme på ulike måtar å formidle folkemusikk på i nordiske land skal stimulere til å utvikle studentane si eiga formidling.

Innhald:

Ei kort orientering om folkemusikkforsking i dei nordiske landa inngår. Hovudvekta blir lagt på instrumental og vokal praksis i ulike periodar og sjangrar. Omgrepa stil, sjanger og tradisjon skal drøftast og problematiserast, Nokre musikkdøme vil bli innstudert instrumentalt/vokalt av studentane.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten ..

* har fordjupa kunnskap om nordisk tradisjonsmusikk og kan sjå kva plass den eigne tradisjonen har i ein større samanheng

* har kunnskap om eldre og nyare samspelsformer, og om retningar som har vakse fram når det gjeld arrangering og sjangereksperimentering.

Ferdigheiter

Studenten ..

* kan spele/syngje nokre døme på tradisjonsmusikk frå andre nordiske land

Generell kompetanse

Studenten ..

* viser evne til å setje seg inn i faglitteratur og musikkdøme frå eit breitt fagområde, og til å leggje fram sentrale problemstillingar i munnleg form.