Bachelorprosjekt i Nanoteknologi

Målet med emnt er å gje studenten erfaring med vitskapelig arbeid, i form av planlegging, gjennomføring og munnleg og skriftleg presentasjon av resultat frå eit vitskapeleg prosjekt med nanovitskapleg innretning. Studentane definerer ei avgrensa teoretisk eller praktisk forskingsoppgåve i samarbeid med interne eller eksterne rettleiarar, gjennomfører arbeidet og presenterer det munnleg i grupper og i ein skriftleg individuell rapport/oppgåve. I kurset vil studentane nyttegjøre seg mellom anna innføringa i biblioteksarbeid og kjeldebruk, HMS-vurderingar og presentasjonsteknikkar tileigna tidlegare i bachelorprogrammet.

Innhald

Emnet går ut på å gjennomfre eit nanovitskapleg prosjekt i ei forskingsgruppe e.l. under fagleg rettleiing. Ein prosjektrapport i vitskapleg stil skal skrivast, og problemstilling og resultat skal presenterast munnleg for andre emnedeltakarar.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse

Kunnskapar

Studenten kan

• setje seg grundig inn i ein ny nanoteknologisk problemstilling
• arbeide systematisk med ei problemstilling over lengre tid
• kan tileigne seg djupare kunnskapar om eit tema gjennom eigne arbeid

Ferdigheiter

Studenten kan

• finne informasjon om eit gitt tema i vitskapleg litteratur
• strukturere arbeidet i eit sjølvstendig prosjekt
• nytte vitskaplege metodar til å undersøkja ei nanoteknologisk problemstilling
• skrive ein strukturert og fagleg korrekt rapport for eit nanoteknologisk prosjekt

Generell kompetanse

Studenten kan

• ta nødvendige steg for å sikre framdrift av eit prosjekt
• vurdere kvalitet og relevans av eigne resultat
• formidle resultat av eige arbeid skriftleg og munnleg
• delta i faglege diskusjonar rundt eiga arbeid