Praksis PPU 1.semester

Praksis inneber rettleia undervisning i skulen og er knytt til pedagogikk- og fagdidaktikkemne. Praksis inneber normalt både observasjon av undervisning, undervisning åleine og i samarbeid med medstudent(-ar), samt deltaking i andre skulerelevante aktivitetar. Studentane skal lære å planlegge og gjennomføre gode lærings- og undervisningsøkter og vurdere slike ut frå didaktiske og pedagogiske perspektiv.

Studenten skal etter å ha fullført praksis ha følgjande samla læringsutbyte i form av kunnskapar, ferdigheiter og generell kompetanse.

Kunnskapar:

Studenten

• Har kunnskap om vilkår for god læring og klasseleiing.
• Har innsikt i kva faktorar som påverkar utøvinga av lærarrolla.

Ferdigheiter:

studenten

• kan planlegge undervisninga - enkelttimar og lengre periodar - med eiga formulering av læringsmål, metodar i undervisninga og kunne vurdere dette ut frå didaktisk og pedagogisk innsikt.
• kan kommunisere med elevane ut frå nivået deira generelt og fagleg og om læringa deira.

Generell kompetanse:

Studenten

• evnar å ta omsyn til og vise respekt for integriteten til den enkelte elev.
• klarer å samarbeide konstruktivt med rettleiarar, kollegaer og medstudentar om elevane si læring.
• kan utvikle og betre eiga undervisning over tid på bakgrunn av kritisk refleksjon over eigne kunnskapar, eigne erfaringar og innspel frå kollegaer og rettleiarar.

Fulltid

Praktisk-pedagogisk utdanning

Haust

Praksisskular og UiB