Profesjonsforberedelse 3 - Kommunikasjon og relasjonskompetanse

Emnet gir ei innføring i kor viktig kommunikasjonsevner og relasjonell kompetanse er i utøvinga av psykologfaget, inkludert kunnskap om kommunikasjon, samhandling og samarbeid, og måten språk og kultur påverkar dette. Tema som blir gjennomgått inkluderer grunnleggande kunnskap om emosjonar og kommunikasjon, verksame relasjonelle faktorar i psykoterapi, krysskulturell kommunikasjon, og effektiv kommunikasjon i samanheng med teamarbeid og yting. Kurset skal fremme refleksjon om kva profesjonelt psykologarbeid krev av yrkesmessig og personleg utvikling, samt gjere studentane medvitne om forholdet mellom personlege føresetnader og profesjonell kompetanse

Kunnskap

Studenten:

• kan gjere greie for og drøfte kor viktig kommunikasjonsevner og relasjonell kompetanse er i utøvinga av klinisk psykologarbeid
• har kunnskap om måten forståing av psykisk helse og behandling kan variere på tvers av grupper og kulturar
• kan gjere greie for og forklare situasjonar der kunnskap om krysskulturell kommunikasjon er viktig i utøvinga av psykologfaget, inkludert situasjonen for samane som urfolk i Noreg
• kan gjere greie for sentrale prosessar knytt til effektiv kommunikasjon for å oppnå teamarbeid med tilpassings- og prestasjonsevne
• har kunnskap om ulike kommunikasjonskrav knytt til ulike roller i psykologfagleg arbeid, til dømes som terapeut versus kollega

Ferdigheiter

Studenten kan:

• observere og identifisere grunnleggande emosjonelle uttrykk
• bruke prinsipp for terapeutisk kommunikasjon som har til formål å etablere kontakt og samarbeid
• reflektere over aspekt ved eiga personleg utvikling som er viktig for klinisk psykologarbeid
• observere og identifisere situasjonar der ulikskap i kommunikasjonsstil hindrar psykologfagleg arbeid
• reflektere over kulturelle og språklege aspekt som kan påverke kommunikasjon og psykologfagleg arbeid, inkludert mangfaldet og variasjonen internt i ulike subkulturar og betydinga diskriminering og minoritetstilhøyrsle kan ha for forventningar og forståing av psykiske lidingar og behandling
• balansere mellom aktiv undersøking av andre sitt perspektiv og tydeleggjering av eige perspektiv som basis for god kommunikasjon

Generell kompetanse

Studenten er:

• medviten om og evnar å reflektere over samanhengen mellom personleg fungering og profesjonell yrkesutøving
• medviten om og evnar å reflektere over samanhengen mellom kulturell kontekst, meiningsdanning og kommunikasjon

Fulltid

5

Master

Vår

Bergen