Biologisk og kognitiv psykologi

Lågaregradsemne

Emnebeskrivelse

Mål og innhald

Emnet skal gje studentane ei innføring i psykologifaget sitt biologiske og kognitive fundament. Emnet tek sikte mot å gje eit første grunnlag til forståing av menneskeleg åtferd og åtferd i andre organismar. Studentane vil gjennom dei to hovudblokkane i emnet verte kjende med psykologien sitt biologiske og kognitive fundament.

Biologisk psykologi skal gje studenten ei grunnleggjande forståing av nervesystemets oppbygning og funksjon, korleis hjernen produserer åtferd og kommuniserer med andre organ. Sentrale fenomen som læring, hugs og emosjonar vert presentert. Studenten skal også bli kjend med det evolusjonsteoretiske grunnlaget for dyr og menneske sin adapsjon/tilpassing til miljøet.

Kognitiv psykologi skal gje studenten ei generell innføring i teoriar om, perspektiv på, og metodar til å studere kognisjon. Studiet skal gje ein gjennomgang av sentrale funn og ein diskusjon av nokre viktige applikasjonar av kognitiv psykologi.

Læringsutbyte

Biologisk psykologi (5 studiepoeng)

Kunnskapar

Ved fullført emne skal kandidaten kunne gjere greie for:

  • organiseringa av det sentrale og perifere nervesystem samt hovedmekanismar for korleis nevronar kommuniserer
  • moderne metodar for å studere hjernestrukturar involvert i språk og kognisjon, som til dømes CAT, PET og fMRI
  • hovudtankane i evolusjonsteori, evolusjonspsykologi og sosiobiologi; særskild omgrepa "naturleg utval", "inclusive fitness", "kin selection" og "resiprok altruisme"
  • basale genetiske prinsipp, særskild omgrepa kromosom, gen, DNA og RNA, genotype og fenotype
  • hovudtrekka ved relasjonen mellom hjernestrukturar og åtferd; særskild emosjonar, læring, hugs, språk og kognisjon
  • språk og lateralisering
  • emosjonsteoriar og forholdet mellom stimulus/kontekst og emosjonar
  • homeostase og homeostatisk regulering av til dømes spiseadferd
  • korleis hjernen regulerer kroppslege organ via det autonome nervesystemet og det endokrine systemet
  • stressreguleringsmekanismar og faktorar som er av betyding for utvikling av stressrelaterte sjukdommar

Ferdigheiter

Ved fullført emne skal kandidaten kunne:

  • Diskutere læring og emosjonar sin funksjon i eit evolusjonsperspektiv
  • Diskutere ulike teoriar om forholdet mellom stimulus/kontekst og emosjonar, som til dømes James-Lange og Cannon-Bard
  • Diskutere forholdet mellom biologiske og psykologiske aspekt ved emosjonar, hugs, språk og spiseadferd
  • Drøfte korleis langvarig aktivering kan føre til utvikling av kroppsleg sjukdom
  • Kunne diskutere sosiobiologi og evolusjonspsykologi som forklaring for menneskets åtferd.

Generell kompetanse

Ved fullført emne skal kandidaten:

  • Ha opparbeidd en grunnleggande kompetanse om dei ulike elementa som til saman utgjer biologisk psykologi, og anvende kunnskap frå biologisk psykologi til å forklare fenomen som involverer menneskeleg tenkning og åtferd

Kognitiv psykologi (5 studiepoeng)

Kunnskapar

Ved fullført emne skal kandidaten kunne:

  • Gjere greie for sentrale aspekt ved menneskleg persepsjon
  • Gjere greie for sentrale teoriar om oppmerksemd og medvit
  • Gjere greie for teori og forskningsfunn om ulike typar hukommelse: sensorisk-, korttids-, arbeids-, og langtidshukommelse
  • Gjere greie for teori og forskingsfunn om læring og gløymsel
  • Kjenne til ulike minnestrategiar
  • Gjere greie for karakteristika ved mentale bilete
  • Gjere greie for omgrepet "skjema" i kognitiv psykologi
  • Gjere greie for sentrale teoriar om omgrepsdanning
  • Gjere greie for problemløsning, inkludert ulike problemløsningsstrategiar
  • Gjere greie for sentrale teoriar om og kjenneteikn ved menneskets resonnering og avgjerdstaking

Ferdigheiter

Ved fullført emne skal kandidaten kunne:

  • Demonstrere nokre sentrale eksperimentelle oppsett for å studere ulike delar av kognitiv psykologi
  • Diskutere nokre gjennomgåande tendensar i menneskeleg tenkning
  • Forklare korleis elementar frå kognitiv psykologi, som til dømes hugs, oppmerksemd og persepsjon, fungerer i samspel med kvarandre
  • Anvende kunnskap frå kognitiv psykologi til å planlegge effektiv studieteknikk
  • Drøfte den historiske utviklinga av kunnskap innanfor dei ulike områda i kognitiv psykologi

Generell kompetanse

Ved fullført emne skal kandidaten:

  • Ha opparbeidd ein grunnleggande kompetanse om dei ulike elementa som til saman utgjør kognisjon, og anvende kunnskap frå kognitiv psykologi til å forklare fenomen som involverer menneskeleg tenkning
  • Studenten skal sjølvstendig, og uten hjelpemiddel, gjere greie for sentrale problemstillingar, kunnskapar og metoder innan biologisk og kognitivpsykologi.

Studiepoeng, omfang

10

Studienivå (studiesyklus)

Bachelor

Undervisningssemester

Vår

Undervisningsstad

Bergen
Krav til forkunnskapar
Ingen
Fagleg overlapp

PSYK120 + PSYK114 = 10 studiepoeng i reduksjon.

PSYK120 + PSYK101 = 10 studiepoeng i reduksjon.

Studiepoengsreduksjon

PSYK120 + PSYK114 = 10 studiepoeng i reduksjon.

PSYK120 + PSYK101 = 10 studiepoeng i reduksjon.

PSYK121 + PSYK120 = 5 studiepoeng i reduksjon.

Krav til studierett

Emnet krev studierett på bachelorprogrammet i kognitiv vitskap.

Arbeids- og undervisningsformer

Samla undervisning utgjer 20 x 2 t undervisning, fordelt mellom 12 x 2 t forelesingar, og 8 x 2 t seminar. Seminara er spesielt tilpassa bachelorprogrammet i kognitiv vitskap, slik at studentane lærer om korleis biologisk og kognitiv psykologi er knytt til datamodellar og simulasjonar. Derfor blir seminar tilbudt separat for studentane i kognitiv vitskap. Det er ikkje ein føresetnad at alle moment i målsettingane skal verte dekt av forelesingar og seminar. Det ventast derfor at desse kompletterast med sjølvstudiar. For å lette studenten sitt arbeid med stoffet vert det tilbudd IKT-basert stønad på Internett.

Undervisninga er den same som for den biologiske og den kognitive delen av PSYK114.

Obligatorisk undervisningsaktivitet
Ingen
Vurderingsformer
4 timars skuleeksamen der ein skal svare på 2 av 4 essayoppgåver - 1 av 2 innanfor bolken biologisk psykologi, og 1 av 2 innanfor bolken kognitiv psykologi.
Karakterskala

Ved sensur av emnet nyttast karakterskalaen A-F.

Vurderingssemester
Haust og vår
Litteraturliste
Tilrådd litteratur skal vere klar innan 1. desember i vårsemesteret.
Emneevaluering

Studentane skal evaluere undervisninga i tråd med UiB sitt kvalitetssikringssystem.

Hjelpemiddel til eksamen
Ingen
Programansvarleg
Institutt for samfunnspsykologi
Administrativt ansvarleg
Det psykologiske fakultet