Hjem
Studentsider
Laveregradsemne

Det visuelle språket

Hovedinnhold

Studiepoeng, omfang

30 studiepoeng

Studienivå (studiesyklus)

Bachelor

Undervisningssemester

Vår

Undervisningsstad

Media City Bergen

Mål og innhald

Emnet har som mål å gi studenten teoretiske perspektiv på, og praktiske øvingar med, dei levande bileta og lyden sine ekspressive eigenskapar. Emnet har tre modular.

Modul 1 er teoretisk, og gir ei innføring i korleis filmskaparar på byrjinga av 1900-talet utvikla filmspråklege konvensjonar som orienterte publikum i tid og rom, og som danna grunnlaget for den klassiske Hollywoodfilmen, som representerer den vanlegaste måten å setje saman audiovisuelle forteljingar på. I den historisk retta delen av emnet lærer studenten også om alternative filmtradisjonar, samt om estetikken i ulike typar tv-fiksjon. I tillegg skal studenten gjennom førelesingar og seminar få kunnskap om handverksmessige prinsipp og audiovisuelle verkemiddel.

Dei to andre modulane er praktisk retta:

Modul 2: består av tre øvingsoppgåver med tilhøyrande teknisk opplæring.

Modul 3: består av ein produksjon der studentane skal anvenda kunnskapen og ferdigheitene dei har tileigna seg i modul 2 i praksis.

Læringsutbyte

Studenten skal ved avslutta emne ha følgjande læringsutbyte:

Kunnskap:

Studenten

  • har kunnskap om framveksten og utviklinga av filmspråklege konvensjonar
  • har brei kunnskap om alternative filmtradisjonar, og kan setje dei inn i relevante faglege og historiske samanhengar
  • kan gjere greie for dei stilistiske konvensjonane som kjenneteiknar ulike typar tv-fiksjon (situasjonskomedie, dramaseriar, skilnaden på einkamera- og fleirkameraproduksjonar)

Ferdigheiter:

Studenten

  • har historisk og teoretisk kunnskap om ulike handverksmessige oppgåver og audiovisuelle verkemiddel, samt deira ekspressive potensial og formidlingsmessige funksjonar i film- og tv-produksjon
  • skal gjennom praktiske øvingar og tilbakemeldingar frå fagleg stab kunne innlemme og utnytte dei akademiske perspektiva på mise-en-scene, kamerarørsler, kameravinklar, bildeutsnitt, dybdeskarpheit, aksebrot, produksjonsdesign, lyddesign, klipping og lyssetjing (i studio og utandørs) i eigen praksis

Generell kompetanse:

Studenten

  • har innsikt i relevante teoretiske og praktiske problemstillingar innan fagområda dei levande bileta og lydens ekspressive eigenskapar
  • kan utveksle synspunkt og erfaringar med andre som har ein teoretisk og praktisk bakgrunn innanfor desse fagområda, og såleis bidra til å utvikle god praksis

Krav til forkunnskapar

TVP101

Tilrådde forkunnskapar

MEPRO100

Studiepoengsreduksjon

-

Krav til studierett

Bachelorprogram i TV-produksjon.

Arbeids- og undervisningsformer

Førelesningar, teknisk trening og workshops.

Obligatorisk undervisningsaktivitet

Deltaking på teknisk opplæring i samband med øvingsoppgåver.

Tre praktiske øvingsoppgåver:

  • Lydoppgåve
  • Klippoppgåve
  • Foto/lys-oppgåve

Dei obligatoriske arbeidskrava må vere godkjende før studenten kan gå opp til eksamen.

Godkjende obligatoriske krav har inga tidsavgrensing.

Vurderingsformer

Eksamen består av to delar:

  1. Ein praktisk deleksamen: Ein gruppeproduksjon der studentane skal omsetja kunnskap og ferdigheiter innan lyd, klipp og foto/lys i praksis.
  2. Ein teoretisk/analytisk deleksamen: Analyse av filmspråkleg verkemiddel i fritt vald film eller tv-serie. Analysen kan leverast anten som skriftleg oppgåve (4500 ord, pluss/minus 10%) eller som videoessay (10-15 minutt, med voiceover).

Det vert nytta bokstavkarakterar (A-F) i vurderinga av både produksjonen og det skriftelege arbeidet, som tel høvesvis 60% og 40% ved utrekning av samla karakter.

Karakterskala

Karakter A-F

Vurderingssemester

Eksamen blir normalt berre tilbydd i undervisningssemesteret.

Ved sjukdom under heimeeksamen eller ved oppgåveinnlevering, har ein ikkje rett til ny eksamen påfølgande semester. Instituttet kan likevel innvilge utsetting av innleveringsfrist. Normalt blir det gitt utsetting på 1-3 dagar. Ved sjukdom eller andre særskilde forhold må du ta kontakt med studiekonsulent (studiekonsulent.praktiskinfomedia@uib.no) før innleveringsfristen. Ved innleveringsutsetting må legeattest/dokumentasjon visast.

Litteraturliste

Litteraturlista vil vere klar innan 01.06. for haustsemesteret og  01.12. for vårsemesteret. 

Emneevaluering

Alle emne blir evaluert i tråd med UiBs kvalitetssystem for utdanning.

Programansvarleg

Programstyret ved Institutt for informasjons- og medievitskap

Administrativt ansvarleg

Det samfunnsvitskaplege fakultet ved Institutt for informasjons- og medievitskap har det administrative ansvaret for emnet.

Eksamensinformasjon

  • Vurderingsordning: Praktisk gruppeproduksjon og teoretisk oppgåve

    Trekkfrist
    15.04.2022
    • Eksamensdel: Praktisk deleksamen i gruppe

      Innleveringsfrist
      29.04.2022, 14:00
      Eksamenssystem
      Inspera
      Digital eksamen
    • Eksamensdel: Teoretisk/analytisk deleksamen

      Innleveringsfrist
      27.05.2022, 14:00
      Eksamenssystem
      Inspera
      Digital eksamen