Home
Faculty of Mathematics and Natural Sciences

Warning message

There has not been added a translated version of this content. You can either try searching or go to the "area" home page to see if you can find the information there
Kommunikasjon

Asbjørn og Jens hjelper deg

Vil du nå ut med forskingsresultata dine, rekruttere dei beste studentane eller har noko anna å melde? Ta kontakt med MatNat-fakultetet sine to kommunikasjonsrådgjevarar.

Asbjørn Leirvåg, Jens H. Ådnanes
KOMMUNIKASJON PÅ FAKULTETET: Asbjørn Leirvåg og Jens Helleland Ådnanes er kommunikasjonsrådgjevarar på Det matematisk-naturvitskaplege fakultet.
Photo:
Jan Kåre Wilhelmsen, UiB

Main content

Det matematisk-naturvitskaplege fakultet ynskjer at forskinga og utdanninga skal verte endå meir synleg og satsar på meir kommunikasjon. I 2016 fekk fakultetet sin første kommunikasjonsrådgjevar,  Asbjørn Leirvåg.

No er talet på kommunikasjonsrådgjevarar dobla, etter at  Jens Helleland Ådnanes  vart tilsett i januar 2017.

Begge to har etterkvart god kjennskap til fakultetet, men håpar mange vil ta kontakt med dei.

– Det skal vere lett å ta kontakt med oss. Vi skal vere ressurspersonar for alle som vil nå ut med forskingsresultat, studentstoff eller få blest om spanande fagkonferansar. I tillegg jobbar vi mykje med å styrke den interne kommunikasjonen, seier Asbjørn.

Medan Asbjørn kjem frå ei journaliststilling i TV2, har Jens dei siste åra arbeidd ved Kommunikasjonsavdelinga ved UiB. Han ser fram til å kome tettare på folka og miljøa på fakultetet.

– Eg håpar forskinga og utdanninga ved fakultetet kan nå endå fleire! Å arbeide som kommunikasjonsrådgjevar ved MatNat er eit luksusproblem – det er ikkje langt mellom dei gode sakene og prosjekta, seier Jens.