Seminar om Erasmus Mundus felles studieprogram
Studieadministrativ avdeling og HK-DIR inviterer til seminar om Erasmus Mundus felles studieprogram (EM) ved UiB. Mykje er nytt i den nye utlysinga av EM som no er gjort enklare å administrere.
Main content
Deltaking i felles studieprogram, herunder Erasmus Mundus Joint Masters, er framleis eit prioritert internasjonaliseringstiltak ved UiB, og mange fagmiljø har etter kvart god erfaring med dette. I det nye erasmusprogrammet har det kome ein del endringar når det gjeld finansieringsmodellen av EM og det er no også høve til å søke om midlar til forprosjekt (Design Measures).
Unni Sagberg Kvernhusvik og Bård Hekland frå HK-DIR (tidlegare DIKU) vil informere om dette og om programmet i det heile. Beate Rensvik (IMBRsea – Institutt for biovitskap) og Bjørn Grung (EMQAL – Kjemisk institutt) vil fortelje om erfaringar frå sine fellesgradar. Det vil også vere høve til å stille spørsmål til representantane frå HK-DIR og kollegaer frå UiB undervegs og i etterkant av møtet.
Program:
08:30-08:40
- Velkomst.
Om fellesgrader ved UiB som del institusjonens internasjonaliseringsstrategi.
Om Arqus og fellesgrader
08:40-09:10
- Kort om Norges Erasmus+ strategi med vekt på Erasmus Mundus
- Kort om tiltaket og viktige endringar som Design Measures og finansieringsmodellen
- Status for Erasmus Mundus i Norge
- Prosjektetableringsstøtte frå DIKU
- Info om planlagt workshop om felles studieprogram 3. og 4. november 2021
09:10-09:30
- Korte presentasjonar av erfaringar frå EMQAL og IMBRsea.
09:20-10:00
- Samtale med Bjørn Grung og Beate Rensvik. Spørsmål frå salen.
- Innspel frå studentrepresentant. Kvifor er det så lite kunnskap og interesse for fellesgrader blant norske studentar?
Frist påmelding: 1. oktober kl 14.00