Sørviserklæringa om studierettleiing

UiB gir rettleiing til studentane på tre nivå: instituttet, fakultetet og sentralt. Rettleiingstenesta ved UiB tilbyr rådgivande tenester gjennom bl.a. studierettleiing, rettleiing til dei som ønskjer å studere i utlandet, og rettleiing til funksjonshemma studentar. Studentsamskipnaden på Vestlandet (Sammen) tilbyr også rådgivande tenester, gjennom bl.a. Sammen Råd & Karriere, det psyko-sosiale tilbodet og studentprestkontoret.

Universitetets plikter og ansvar når det gjeld studierettleiing:

• Gi god informasjon om universitetet sine rettleiingstenester, lett tilgjengelege tenester og oppdatert informasjon, og ha rettleiarar som svarer på spørsmål frå studentar på ein imøtekommande måte, også på engelsk 
• Syte for at universitetet sine rettleiingstenester er tilgjengeleg for deg etter nærmare avtale
• Ha studierettleiarar som kan gje rettleiing ved val av emne og studieprogresjon
• Ha gode og effektive sakshandsamingsrutiner

Universitetet forventar at du som student:

• Set deg godt inn i tilgjengeleg informasjon om fag, studium og grad
• Held inngåtte avtalar om rettleiing

Universitetet tilrår at du som student:

• Bruker rettleiingstenestene når du står overfor vanskelege faglege val og har behov for hjelp