Marin biooptikk og fjernmåling
Dette arbeidet går ut på å få en best mulig forståelse av de optiske egenskapene til havet, og hvordan dette kan anvendes i forbedrede metoder for overvåkning av de marine ressurser. Ved Institutt for fysikk og teknologi har vi arbeidet en årrekke innen dette feltet, og har oppnådd internasjonal anerkjennelse i fagmiljøene. Arbeidet har her hele tiden foregått i tett samarbeid med Institutt for biologi ved UiB. Internasjonalt har vi samarbeidspartnere som vi har arbeidet tett sammen med i USA, Frankrike, Kina og Uganda.
Hovedinnhold
Visste du at lyset er ein av dei viktigaste faktorane for vekst av planteplankton i havet, og at dette planktonet er den primære matkjelda, direkte eller indirekte for nesten alle sjøorganismar. Planteplanktonet produserer store delar av jordas oksygen, samtidig som det tek opp karbondioksyd og kan dermed bidra til å bremse drivhuseffekten. Det er det opprinnlege grunnlaget for olja, det kan brukast som mat og gi industrielle produkt. Auka forståing for vekst av plankton kan bli nøkkelen til framtidig industriell utvikling.
Det er den synlege delen av lysspekteret som gjer planteplanktonet i stand til å drive fotosyntese, mens den ultrafiolette delen er skadeleg for veksten. Derfor jobbar vi ved Optikk og Laserfysikk med å undersøke korleis det ultrafiolette og det synlege lyset forplantar seg nedover i havet, og kva intensiteten på dei ulike djupa har å seie for veksten av planktonet. Dette blir gjort ved ein kombinasjon av datasimulering, feltmålingar og kontrollerte eksperiment i det marinoptiske laboratoret vårt.
Ein sentral del av feltarbeidet går ut på å måle lysintensiteten nedover i havet og ta vassprøver som vi analyserer for å finne mengde og kva type plankton vatnet inneheld. Ein annan måte å måle mengden av plankton på er å bruke instrument ombord i satelittar til å måle lysintensiteten på dei ulike bølgelengdene som blir reflekterte frå havet.
Planktonet finst i mange storleikar og fasongar (sjå figuren over for eksempel på ein kuleforma og ein sylinderforma variant). For å kunne simulere lysforplantning treng vi informasjon om korleis lyset blir absorbert og spreidd når det treff desse ulike typane. Derfor jobbar vi òg med å rekne ut og måle korleis lyset blir absorbert og spreidd når det treff partiklar med ulike former.
Det er ikkje all planktonvekst som er av det gode. Av og til får vi oppblomstring av skadeleg plankton. Dette kan ha uheldige konsekvensar for bl.a. oppdrettsnæringa. Derfor er det viktig at vi utviklar metodar som gjer oss i stand til å oppdage og overvake veksten av det skadelege planktonet.
Eit langsiktig mål med Lys og Liv prosjektet er å kunne bruke ein kombinasjon av satelittmålingar, målingar frå båt, og datamodellar til å få auka kunnskap om lysets innverknad på veksten av plankton i havet. Denne kunnskapen skal kunne brukast til å overvake og forvalte dei marine ressursane best mogleg.
