kurs

UTSATT TIL VÅREN: Kurs i digital formidling for ph.d.-kandidatar

Skriv du doktorgradsavhandling med mellomalderen som tema? Lær å formidle forskinga di digitalt, på ein kortfatta og engasjerande måte på eit to-dagars kurs i regi av mellomalderklynga.

Lær å formidle forskinga di gjennom produksjon av korte videosnuttar.

Foto/ill.:

Vanilla Bear Films / Unsplash

Hovedinnhold

Velkomen til eit to dagars kurs i digital formidling!

Første dagen vil du få ei grunnleggande innføring i videoproduksjon. Du får også hjelp til manusarbeid og spissing av bodskap, og dessutan gode råd om korleis du kan bruke stemma di og andre språklege virkemidlar.

Etter første kursdag har du litt over ei veke på deg til å lage ein videosnutt der du fortel om eiga forsking. Vurdering og tilbakemeldingar vil bli gitt på kursets andre dag. Då får du også råd og tips om korleis du kan drive fagleg formidling i sosiale media.

Lunsj er inkludert begge dagar.

Dag 1 (15. november kl. 9–15)

Kl. 09–11	Videoteknisk Kurshaldar er Andre Giæver Kvalvågnes, rådgjevar ved UiB læringslab Grunnleggande prinsipp (mål, målgrupper, format/sjanger) Tekniske aspekt (lyd, visuelle element, utstyr) Produksjonsprosessen (manus, planlegging, opptak, redigering, distribusjon)
Kl. 11–12	Workshop Arbeid med skript/manus Råd og rettleiing ved Kvalvågnes
Kl. 12–13	Lunsj
Kl. 13–14	Workshop Arbeid med skript/manus Råd og rettleiing ved Kvalvågnes
Kl. 14–15	Presentasjonsteknikk Instruksjon i presentasjonsteknikk, stemmebruk etc. ved Ingvill Rosenlund. Ho har blant anna lang erfaring med coaching i samband med Forskar Grand Prix.

Dag 2 (25. november kl. 9–15)

Kl. 09–10	Formidling i sosiale media Kva kan du som forskar bruke sosiale media til? Kva får du igjen for tida du brukar og kva treng du for å kome i gang? Kommunikasjonsrådgjevar Siri Helena Halvorsen. Bruk av ulike sosiale media Forskar Dorothy Dankel. Om fagleg formidling gjennom Twitter
Kl. 10–12	Gjennomgang av videosnuttane Stipendiatane viser fram resultatet av arbeidet (videofilm). Resultata blir gjennomgått og vurdert av kurshaldar og fagleg rettleiarar.
Kl. 12–13	Lunsj
Kl. 13–15	Gjennomgang av videosnuttane Stipendiatane viser fram resultatet av arbeidet (videofilm). Resultata blir gjennomgått og vurdert av kurshaldar og fagleg rettleiarar.

Etter kurset

Dei ferdige filmane vert lagt ut på facebooksida og nettsidene til mellomalderklynga – for dei som ønskjer det.

Kurs - kommunikasjon

15.11.2021 - 09.00–25.11.2021 - 15.00

Harald Hårfagres gate 1, første etasje

Irene Baug

Legg til i din egen kalender

ECTS

Kurset vil gi 2 ECTS-poeng.

Læringsutbytte

Ph.d.-kandidatane får innsyn i korleis ein kan legge fram tematikken i eige prosjektet, forskingsspørsmål, resultat og ny kunnskap på ein kortfatta og engasjerande måte. Ph.d.-kandidatane skal bli bevisst på blikk og stemmebruk, og korleis dei skal bruke kamera og omgivnadane dei er i.

Digital formidling av forsking kan bidra til å auke kunnskapen både i og utafor akademia, og målet er at ph.d.-kandidatane skal bli flinkare til å formidle fag og forsking. Kurset vil også gi innblikk i korleis ein brukar både sosiale og andre digitale mediar i forskingsformidling.

10.02.2023