Bygrunn og tomtegrenser – historiske og juridiske synspunkt
Universitetet i Bergen og Stiftelsen Bryggen inviterer til seminar om bygrunn og tomtegrenser 29.–30. november i Pütterstuen i Svensgården, Bryggen.
Hovedinnhold
Retten til å disponera grunn, i dag vanlegvis kalla tomter, er avgjerande for byanes økonomiske utvikling og sosiale og topografiske form. Slik er det i dag, og slik var det også når ein by oppstod som ei tettbygd, økonomisk spesialisert og juridisk avgrensa eining. Grunnar var definerte innanfor grenselinjer (tomtegrenser), og samla danna dei større strukturar avgrensa av gater, kaiområde, torg og liknande plassdanningar. Den vanlegaste disposisjonsforma var grunnleige, dvs. at huseigarane leigde grunnane dei bygde hus på. Dessutan var grunnane svært stabile innanfor klart definerte grenser mot nabogrunnar. Grenselinjene overlevde bybrannar, og blei bestemmande for gjenreisinga slik at denne skjedde innanfor den eldre grunn- eller tomteinndelinga. På denne måten blei det eldre byggemønsteret reprodusert. I studiet av utviklinga av eldre byar er dermed tomtemønster vesentleg, og eldre tomtestrukturar og grenselinjer er viktige kulturhistoriske objekt.
Program
TORSDAG 29. NOVEMBER
Denne dagen blir det fokusert på tomtegrenser og grunnleiger som kulturminne.
11.15 | Geir Atle Ersland (UiB, AHKR): Innleiing – frå grunneigedomsgrenser på Bryggen til eigedomsdanning i byar. |
11.45 | Lunsj |
12.15 | Finn-Einar Eliassen (Professor emeritus, USN): Grunnleie og tomtestruktur i norske byer i enevoldstida |
13.15 | Rory Dunlop (NIKU): Arkeologiske spor etter eigedomsstrukturer |
13.45 | Kaffe |
14.00 | Arne Solli (1. amanuensis, AHKR, UiB): Registrering av eigedomsobjekt i Danmark – Norge på 1700-tallet |
14.30 | Hege Agate Bakke-Alisøy Verdensarvkoordinator (Byantikvaren): Eigedomsgrenser på Bryggen i eit verdsarvperspektiv |
15.00 | Oppsummerande runde - spørsmål og synspunkt |
TORSDAG 29. NOVEMBER
Denne dagen blir det sett fokus på tomtegrenser og grunnleiger i juridisk perspektiv som del av eigedomsdanning og element i kulturminneforvaltinga.
09.00 | Geir Atle Ersland (UiB, AHKR): Grunneige og grunnleige – eksempelet Bryggen og Bergen |
09.30 | Bernt-Håvard Øyen: Eiendomsforholdene på Bryggen i dag |
10.00 | Kaffe |
10.15 | Erlend Hofstad (Seniorrådgivar, Fylkeskonservatoren i Hordaland: Tomtegrenser og gatelinjer, beskytta kulturminne? |
10.45 | Børge Aadland (Jurist, 1. lektor HSV): Ein norsk grunnleigeskandale? |
11.15 | Lars Kvestad (Jurist UiB, 1 lektor HSV): Oppsummering og kommentarar |
12.00 | Lunsj og slutt |
Seminaret er eit samarbeid mellom Stiftelsen Bryggen og Institutt for arkeologi, historie, religion- og kulturvitenskap, UiB.