Engelsk 1a: Utvikling av språkleg og kommunikativ kompetanse
Lågaregradsemne
- Studiepoeng
- 15
- Undervisningssemester
- Haust
- Emnekode
- ENG621
- Talet på semester
- 1
- Undervisningsspråk
- Engelsk
- Ressursar
- Timeplan
Emnebeskrivelse
Mål og innhald
Mål:
Emnet har som mål å gi studenten kunnskap om og forståing av engelsk som språksystem. Emnet skal også formidle innsikt i og forståing for sentrale aspekt av engelsk som undervisningsfag, slik at studenten både kan arbeide målretta med å styrkje eigen kompetanse i engelsk og fremje elevar si utvikling av kommunikativ kompetanse og tekstkompetanse i faget. God engelskundervisning krev fagleg trygge og reflekterte lærarar, som kan bruke forskingsbasert kunnskap til å utforske og utvikle eigen praksis. Emnet er relevant for lærarar både i ungdomsskolen og vidaregåande skole.
Innhald:
Emnet tar opp tema som
Kommunikasjon
- Utvikling av grunnleggjande ferdigheiter i engelskfaget
- Kommunikativ kompetanse
- Forholdet mellom språk og kultur
Språklæring
- Eiga språkutvikling
- Oppbygging av språket: fonetikk, fonologi, syntaks
Møte med engelskspråklege tekstar
- Grunnleggjande multimodal literacy
- Evne til å bruke korpusar til å utforske språkstrukturar.
Læringsutbyte
Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:
Kunnskap
Studenten
- kjenner til sentrale teoriar om kommunikasjon og språklæring med relevans for engelskfaget
- har kunnskap om innhald og mål for engelskfaget og kjennskap til sentrale styringsdokument for faget
- kan beskrive det engelske lydsystemet
- kan beskrive dei engelske intonasjonsmønstra og deira funksjonar
- kan beskrive og forklare (hovud)forskjellane mellom det engelske og det norske lydsystemet, og mellom dei engelske og norske intonasjonsmønstra
- kan definere og bruke sentrale omgrep i fonetikk og fonologi
- kan beskrive det engelske ordklassesystemet
- kan beskrive og forklare kriteria for inndeling av ordforrådet i ordklassar
- kan beskrive (hovud)forskjellane mellom det engelske og det norske ordklassesystemet
- kan beskrive og analysere syntaktiske strukturar på frase- og setningsnivå
- kan beskrive (hovud)forskjellane mellom engelsk og norsk syntaks
- kan definere og anvende sentrale omgrep i syntaks
Ferdigheiter
Studenten
- kan ta i bruk forskingsbaserte strategiar for språklæring og kommunikasjon for å utvikle eigen kompetanse i engelskfaget
- kan undervise og rettleie elevar i bruk av språklærings- og kommunikasjonsstrategiar i engelskfaget
- kan utvikle eigne undervisningsopplegg og kritisk drøfte og evaluere eigne og andre sine undervisningsopplegg i engelskfaget
- kan reflektere rundt eigen læringsprosess og eiga utvikling av språkleg, kommunikativ og didaktisk kompetanse i engelskfaget
- kan undersøkje transfer mellom morsmålet og målspråket
- kan evaluere eigen og elevane sin fonologiske kompetanse
- kan analysere autentiske setningar i engelsk
- kan evaluere eigen og elevane sin syntaktiske kompetanse
Generell kompetanse
Studenten
- kan uttrykkje seg munnleg og skriftleg på engelsk om tema som tilhøyrer emnet
- kan ta i bruk ulike digitale verktøy til undervisnings- og kommunikasjonsføremål
- kan anvende tileigna kunnskap og ferdigheiter på nye område, f.eks. forholdet mellom fonologi og ortografi
- kan anvende tileigna kunnskap og ferdigheiter på nye område, f.eks. syntaktiske strukturar i tekstproduksjon
Studiepoeng, omfang
Studienivå (studiesyklus)
Undervisningssemester
Undervisningsstad
Krav til forkunnskapar
Tilrådde forkunnskapar
Studiepoengsreduksjon
Krav til studierett
Arbeids- og undervisningsformer
Obligatorisk undervisningsaktivitet
Det er obligatorisk oppmøte på samlingane i ENG621. Det er mogleg å vere vekke frå maksimalt ei samling med gyldig fråvær.
Emnet har også to obligatoriske oppgåver:
- Omvendt undervisning (flipped classroom) der kvar student spelar inn ein eigenprodusert video. Videoen vil inngå som del av vurderingsmappa.
- Gje tilbakemelding til medstudent på bakgrunn av videoen.
Godkjenninga av obligatoriske arbeidskrav er gyldig i undervisningssemesteret og semesteret etter.
Vurderingsformer
Vurderingsmappe der tre arbeid inngår:
- Eigenprodusert video etter prinsipp om omvendt undervisning.
- Skriftleg tekst knytt til feilanalyse.
- Skriftleg tekst knytt til utprøving i klasserommet.
Dei skriftlege tekstane skal vere på 3000 ord til saman, litteraturliste og vedlegg ikkje medrekna.
Det vert sett éin felles karakter på mappa på slutten av semesteret. Kvar av delane i mappa tel like mykje i utrekninga av karakteren.