Kulturhistorisk fordjuping

Lågaregradsemne

Emnebeskrivelse

Mål og innhald

Mål

Emnet tek sikte på å gi studentane fordjuping i aktuelle tema av relevans både for historie og kulturvitskap

Innhald

Instituttet tilbyr normalt undervisning i eitt tema. Fordjupingstema kan skifta, avhengig av undervisningskreftene som er tilgjengelege, og aktuell forsking. Instituttet gir informasjon om kva tema som blir tilbydd, i god tid før undervisningssemesteret.

Emnet kan inngå i ei spesialisering i historie, og er obligatorisk i spesialiseringa i kulturvitskap.

Læringsutbyte

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

KunnskapStudenten

  • har gode kunnskapar om og kjennskap til sentrale teoriar og debattar innan det valde temaet.
  • kjenner til sentrale metodar og metodespørsmål knytt til relevant forsking.

FerdigheiterStudenten

  • kan drøfte aktuelle problemstillinger innafor temaet, samt kritisk vurdere framstillinger i forskingslitteraturen og i studentarbeid.
  • demonstrerer ferdigheiter i å analysere relevante kjelder og litteratur, og kan trekke eigne konklusjonar på grunnlag av dette formidla i skriftleg arbeid.

Generell kompetanseStudenten

kan argumentere og dokumentere akademisk.

Studiepoeng, omfang

15

Studienivå (studiesyklus)

Bachelor

Undervisningssemester

Vår (emnet vil bli tilbydd når det er ressursar til det)

Undervisningsstad

Bergen
Krav til forkunnskapar
Ingen
Tilrådde forkunnskapar
Gode kunnskapar i engelsk er viktig.
Studiepoengsreduksjon
Ingen.
Krav til studierett
Emnet er ope for alle studentar med studierett ved Universitetet i Bergen.
Arbeids- og undervisningsformer
Undervisninga består av normalt tolv førelesingar samt skriftleg rettleiing på oppgåver, jf. avsnitt obligatoriske krav.
Obligatorisk undervisningsaktivitet

Studenten skal undervegs i undervisningssemesteret levere 1 skriftleg øvingsoppgåve på om lag 1000 ord. Oppgåve blir vurdert til godkjend/ikkje godkjend av faglærar.

Studentar som ikkje leverer oppgåva innan fastsett frist, mister retten til å gå opp til eksamen.

Obligatoriske krav er gyldig i to semester etter det undervisningssemesteret dei var godkjend.

Vurderingsformer
Ein 5-dagars heimeeksamen over oppgitt tema. Oppgåva skal vere på om lag 3000 ord.
Karakterskala
Det vert nytta gradert karakterskala frå A til F, der F er stryk.
Vurderingssemester
Vår / haust
Litteraturliste

Litteraturlista vil vere klar innan 01.06. for haustsemesteret og 01.12. for vårsemesteret.

Instituttet utarbeider litteraturliste for emnet på om lag 1200 sider.

Emneevaluering
Emnet vert evaluert jamnleg.
Hjelpemiddel til eksamen
Alle
Programansvarleg
Programstyret har ansvar for fagleg innhald og oppbygging av studiet og for kvaliteten på studieprogrammet og alle emna der.
Administrativt ansvarleg
Det humanistiske fakultet v/ Institutt for arkeologi, historie, kultur- og religionsvitskap har det administrative ansvaret for emnet og studieprogrammet.