Italiensk språk og lingvistikk

Lågaregradsemne

Emnebeskrivelse

Mål og innhald

Emnet har som mål å fremje ei djupare forståing av det italienske språksystemet og av språkleg variasjon i Italia.

Emnet omfattar studium av sentrale grammatiske problem og gjev ei innføring i problem knytte til grenseflata mellom standardspråket og variantar som ligg i utkanten av standardspråket. Teoretiske og metodiske aspekt ved språkskildringa inngår i den litteraturen som ligg til grunn for emnet.

Læringsutbyte

Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:

Kunnskap

Dei studentane som har gjennomført emnet:

  • kjenner godt språksystemet i standarditaliensk
  • har kunnskap om teori og metodar som ligg til grunn for språkskildringa
  • har kunnskap om sentrale problem i italiensk variasjonslingvistikk

Ferdigheiter
Dei studentane som har gjennomført emnet:

  • kan bruke dei tileigna omgrepa i sjølvstendige analysar av italiensk tekst og tale
  • kan drøfte, skriftleg og munnleg, problemstillingar knytte til pensum
  • kan formidle kunnskapar innanfor eige fagområde på munnleg og skriftleg italiensk

Generell kompetanse

Dei studentane som har gjennomført emnet:

  • kan planleggje og gjennomføre arbeidsoppgåver som strekkjer seg over ei viss tid
  • kan formidle sentralt fagstoff både skriftleg og munnleg
  • kan arbeide sjølvstendig med ei problemstilling som krev teoretisk innsikt
  • kan kommunisere på italiensk på eit relativt høgt nivå

Studiepoeng, omfang

15

Studienivå (studiesyklus)

Bachelor

Undervisningssemester

Vår

Undervisningsstad

Bergen
Krav til forkunnskapar
Ingen formelle krav, men undervisninga skjer på italiensk.
Tilrådde forkunnskapar
100-nivå i italiensk eller tilsvarande.
Studiepoengsreduksjon
På grunn av fagleg overlapp blir studiepoengutteljinga for ITAL203 redusert med 10 studiepoeng dersom emnet blir kombinert med ITAL201.
Krav til studierett
Emnet er ope for alle med studierett ved Universitetet i Bergen.
Arbeids- og undervisningsformer
Omfanget av undervisninga i emnet vil normalt vere ein dobbeltime seminar i veka (til saman to undervisningstimar) i ein periode på 10 veker.
Obligatorisk undervisningsaktivitet

I løpet av semesteret skal studenten halde eit munnleg innlegg knytt til pensum på omlag 15 minutt. Innlegget blir vurdert til godkjent/ikkje godkjent.

Godkjenninga av det obligatoriske arbeidskravet er berre gyldig i det semesteret det blir gjennomført og i semesteret etter.

Vurderingsformer
Eksamen er ei skriftleg prøve på 4 timar med eitt eller fleire spørsmål frå pensum. Prøva skal skrivast på italiensk.
Karakterskala
Ved sensur av emnet nyttar ein karakterskalaen A-F, der F er stryk.
Vurderingssemester
Vår. Det er og vurdering tidleg i haustsemesteret for studentar med gyldig godkjenning av det obligatoriske arbeidskravet frå semesteret før.
Litteraturliste
Litteraturlista opplyser om dei tekstar som til ei kvar tid gjeld for emnet. Litteraturlista vil vere klar innan 1. juni for haustsemesteret og 1. desember for vårsemesteret.
Emneevaluering
Undervisninga blir evaluert i tråd med UiB sitt kvalitetssikringssystem.
Hjelpemiddel til eksamen
Italiensk-italiensk ordbok, som studentane sjølve lyt ha med seg til eksamen.
Programansvarleg
Programstyret har ansvaret for fagleg innhald og oppbygging av studiet, og for kvaliteten på studieprogrammet og alle emna der.
Emneansvarleg
Programstyret for italiensk
Administrativt ansvarleg
Det humanistiske fakultet ved Institutt for framandspråk har det administrative ansvaret for emnet og studieprogrammet.