Pedagogikk 1
Årsstudium
- Studiepoeng
- 15
- Undervisningssemester
- Haust
- Emnekode
- KMDPED201
- Talet på semester
- 2
- Undervisningsspråk
- Norsk
- Ressursar
- Timeplan
- Litteraturliste
Emnebeskrivelse
Mål og innhald
Mål
Emnet har som mål å gje studentane kunnskap om barn og unge i utvikling og læring, allment og i høve til tilpassa opplæring, med særleg fokus på kunstpedagogiske verksemder, i og utanfor skulen.
Grunnleggande i emnet er kjennskap til og forståing for skulen som organisasjon og formelle rammer for utdanning i Noreg (aktuelle lov- og planverk og deira historikk).
Pedagogikkemna gjev studentane, saman med dei fagdidaktiske emna, reiskapar for planlegging, gjennomføring og vurdering av undervisning.
Innhald
Emnet tek opp tema som:
- utvikling, læring og motivasjon.
- barne- og ungdomskultur.
- generell didaktikk.
- klasseleiing og læringsfellesskap.
- sosial kompetanse og kommunikasjon.
- tilpassa opplæring.
- skulen sitt samfunnsmandat.
- skulehistorie med særleg fokus på kunstfaga i skulen.
Læringsutbyte
Studenten skal ved avslutta emne ha følgande læringsutbyte:
Kunnskap
Studenten..
- har god kunnskap om barn og unge som lærande individ og deira utvikling, motivasjon og sosialisering.
- har god kunnskap om grunnprinsipp i god undervisningsplanlegging.
- har god kunnskap om didaktisk bruk av digitale læremiddel og verktøy, og utfordringar og vinstar kring dette.
- har god kunnskap om skulen sitt samfunnsmandat, slik det er gitt i aktuelle lov- og planverk.
- har god kunnskap om overgrep mot barn og unge, om vanskelege livssituasjonar som barn og unge kan komme i, samt kjennskap til hjelpeinstansar.
Ferdigheiter
Studenten..
- kan analysere og drøfte undervisningssituasjonar i lys av etablert kunnskap om eleven og skulen.
- kan analysere og drøfte utfordringar i læreplanar og andre styringsdokument, og sjå dette i lys av skulen sitt danningsoppdrag.
- kan leie, motivere og vurdere elevar i fagleg arbeid, og skape eit trygt og inkluderande læringsfellesskap for alle elevar.
- kan planlegge undervisning med bruk av relevante arbeidsmetodar og tilpassa den einskilde elev sine læringsføresetnader.
- kan vurdere bruk av digitale verktøy i undervisninga, og utfordringar og moglegheiter knytt til dette.
Generell kompetanse
Studenten..
- er tydeleg på kva som er ansvaret og oppgåvene i skulen, og er i stand til å balansere dette.
- har ei profesjonell haldning og kan kunnskapsbasert og kritisk reflektere over spørsmål som gjeld elevane si læring og utvikling.
- kan med stor grad av sjølvstende identifisere, problematisere, vidareutvikle og kommunisere kunnskap innanfor lærarprofesjonen.
Fulltid/deltid
Studiepoeng, omfang
Studienivå (studiesyklus)
Undervisningssemester
Krav til studierett
Arbeids- og undervisningsformer
Undervisninga vert gitt i form av forelesingar, seminarundervisning, gruppearbeid og diskusjonar og presentasjonar - både individuelt og i gruppe.
Obligatorisk undervisningsaktivitet
Emnet har to obligatoriske arbeidskrav:
- skriftleg innlevering basert på aktuell pensumlitteratur, omfang: ca. 1000 ord (haustsemesteret).
- munnleg presentasjon av eit tema fastsett av emneansvarleg (vårsemesteret).