Kunsthistorie: prosjektførebuing og oppfølging

Masteremne

Emnebeskrivelse

Mål og innhald

Emnet er ein praktisk og teoretisk innføring i forskingsarbeid og akademisk kultur. Tema for kurset er litteratursøk og referansesystem, digitale verktøy og elektronisk bruk av bilete, kunstvitskaplege metodar og framstillingsformer. Tema for seminaret er aktuelle forskingsfelt for ei mastergradsoppgåve. Her møter studentane vitskapleg tilsette og forskingsmiljø og kulturinstitusjonar som samarbeider med fagmiljøet.

Emnet skal gje studentane ei djupare forståing av forsking generelt og i kunsthistorisk forsking spesielt.

Læringsutbyte

Emnet gjev kompetanse i vitskapleg forsking og framstilling.

Kunnskapar

Etter fullført emne har studenten

  • grunnleggjande kunnskap om eit avgrensa tematisk fagområde som skal handsamast i masteroppgåva
  • ei klart formulert problemstilling for masteroppgåva
  • kjennskap til relevant faglitteratur og kjelder for masteroppgåva
  • god forståing for tydinga av problemstilling, vitskapeleg metode og disponering i samband med arbeidet med ei masteroppgåve

Ferdigheiter

Etter fullført emne kan studenten

  • planleggje eit større sjølvstendig forskingsprosjekt under rettleiing
  • vurdere nytteverdien til ulike kunsthistoriske metodar for eiga forsking

Generell kompetanse

Etter fullført emne kan studenten

  • formulere eit tematisk og metodisk avgrensa forskingsprosjekt på masternivå
  • tileigne seg ny kunnskap om teater og i samråd med fagfeller føreslå vitskapeleg handsaming av dette
  • utforme ei prosjektskildring i tråd med akademiske normer

Studiepoeng, omfang

15 studiepoeng

Studienivå (studiesyklus)

Master.

Undervisningssemester

Haust

Undervisningsstad

Bergen.
Krav til forkunnskapar
Ingen.
Tilrådde forkunnskapar
Bachelor med spesialisering i kunsthistorie, eller tilsvarande.
Studiepoengsreduksjon
Ingen.
Krav til studierett
Emnet er ope for alle med studierett ved masterprogrammet i kunsthistorie.
Arbeids- og undervisningsformer

Førelesingar og seminar

Om del melder seg færre enn fem studentar til eit emne, kan instituttet innføre redusert undervisning, jamfør instituttets retningslinjer for dette på Mitt UiB. På emne der dette kan vere aktuelt vil studentane får informasjon om det ved semesterstart, og før semesterregistreringsfrista 1. februar / 1. september.

Obligatorisk undervisningsaktivitet

Studenten skal delta på eit kurs og eit seminar. Deltaking på kurset og seminaret er obligatorisk, og blir godkjend med 20 prosent fråvær.

Studenten skal halde eit munnleg innlegg på seminaret om eit sjølvvald emne for ei masteroppgåve. Det munnlege innlegget skal ikkje vara lenger enn 30 minutt. Studenten får rettleiing etter behov av ein kontaktperson/mellombels rettleiar som fagkoordinator oppnemnar.

Obligatorisk aktivitet er berre gyldig i undervisingssemesteret.

Vurderingsformer
På bakgrunn av det munnlege innlegget og rettleing skal studenten utarbeide ei prosjektoppgåve. Prosjektoppgåva utgjer endeleg vurdering i emnet. Omfanget av prosjektoppgåva er 3000 ord, sett opp i tekst med halv annan linjeavstand og 12 punkt Times eller liknande skrifttype. Prosjektoppgåva skal leverast til ein oppgitt frist.
Karakterskala
Bestått/ikkje bestått
Vurderingssemester
Haust. Eksamen vert berre tilbydd i undervisningssemesteret. Ny eksamen påfølgande semester berre for studentar med rett til ny vurdering.
Litteraturliste
Litteraturlista vil vere klar 01.06 for haustsemesteret.
Emneevaluering
Evaluering av tilbodet vert gjennomført i tråd med UiBs kvalitetssikringssystem.
Hjelpemiddel til eksamen
Ikkje relevant.
Programansvarleg
Programstyret for kunsthistorie
Emneansvarleg
Fagmiljøet i kunsthistorie
Administrativt ansvarleg
Institutt for lingvistiske, litterære og estetiske studium