Det globale medielandskapet

Målet med emnet er at studentane skal tileigna seg avansert og oppdatert kunnskap om fagfeltet internasjonal kommunikasjon og globale medium med særleg fokus på det 21. hundreåret. 

Emnet sporar den formative utviklinga av eit internasjonalt og globalt medielandskap gjennom det 20. hundreåret frå telegrafen, eksport av film og fjernsynsprogram, og transnasjonale fjernsynskanalar til Internett, og fokuserer deretter på utviklinga i det 21. hundreåret. Dette inkluderer: digitaliseringa av den globale medie- og kommunikasjons-sektoren; smarttelefonen og plattformer; framveksten av globale nettbaserte medium og tenester; produksjon og distribusjon av digitalt medieinnhald; og mediepublikum og utnytting av brukardata. Geopolitiske endringar og dynamikken mellom det globale, regionale, nasjonale og lokale i medielandskapet står sentralt. 

Emnet viser korleis utviklinga i det globale medielandskapet kan forståast gjennom teoretiske perspektiv og tradisjonar knytt opp mot: makt, innverknad og dominans; mediepublikum og mediebruk; globalisering; sosial, berekraftig og demokratisk utvikling; og dessutan geopolitiske endringar, i ein global kontekst.

Studenten skal ved avslutta emne ha følgjande læringsutbytte:

Kunnskap

Studenten

• har avansert kunnskap om den sentrale kunnskapsskaplegen til fagområdet teoretiske tradisjonar, perspektiv og omgrep.
• har kjennskap til sentrale metodiske tilnærmingar for forsking på medieutviklinga i eit globalt perspektiv
• kan analysera faglege problemstillingar med utgangspunkt i fagområdets historie, tradisjonar, og eigenart.

Ferdigheiter

Studenten

• kan analysera og vera kritisk til ulike informasjonskjelder og nytta desse i å strukturera og formulera faglege resonnement.
• kan vurdera, utgreia og nytta sentrale teoretiske tradisjonar og perspektiv innan fagområdet, og arbeida sjølvstendig med problemløysing.

Generell kompetanse

Studenten

• kan formidla eige arbeid og forskinga til andre på fagområdet, og meistra uttrykksformene til feltet.
• kan raskt setja seg inn i programstillingar, og vurdera og setja seg inn i ny fagkunnskap.