Studentutveksling

Mål:

Emnet har som mål å gje studenten innsikt i odontologisk verksemd i det landet studenten reiser til. Dette skal igjen gjere studenten i stand til å reflektere over båe skilnader og likskap mellom samarbeidsinstitusjonen og Institutt for klinisk odontologi når det gjeld korleis odontologisk vitskap og prevalens av sjukdomar i orale blaut- og hardvev påverkar behandling av pasientar.

Innhald:

Emnet inneheld samstundes naudsynt klinisk trening i allmenn behandling av pasientar, samt spesifikk behandling av barnepasientar og pasienter med oralkirurgiske- og oralmedisinske problemstillingar. Treninga gjerast etter utvekslingsinstitusjonens gjeldande retningslinjer og regelverk og skal totalt sett gje studenten erfaring med odontologisk behandling utanfor Noreg.

Studenten har ved avslutta emne følgjande læringsutbytte:

Studenten har kunnskap om:

• Korleis utvekslingsinstitusjonen nyttar vitskapeleg teori i odontolgisk behandling av pasientar innan dei kliniske disiplinane endodonti, kariologi, periodonti, oral protetikk, pedodonti, oral kirurgi og oral medisin og gerodontologi i synergi med teknikkar og kunnskap innan kjeve- og andlets radiologi.
• Utvekslingsinstitusjonens fastsetjing om og bruk av oralpatologiske beskrivingar og kva behandling pasienten får basert på diagnose.
• Utvekslingsinstitusjonen si bruk av samfunnsodontologisk vitskap, der spesielt empiriske data, og epidemiologi generelt, er av interesse.

Ferdigheiter:

• Studenten nyttar ferdigheiter erverva ved Institutt for klinisk odontologi i handsaming av pasienter ved utvekslingsinstitusjonen, men avklarer med vitskapeleg stab ved utvekslingsinstitusjonen på førehand at dette er i samsvar med dei retningslinjer og det regelverk som nyttast ved utvekslingsinstitusjonen.
• Studenten er i stand til å hente inn naudsynt informasjon om vitskapeleg fundament for odontologisk verksemd både ved sjølve utvekslingsinstitusjonen og i utvekslingslandet som heilskap, på en sjølvstendig måte.

Generell kompetanse:

Studenten syner ei moden tilnærming til å vurdere korleis kunnskap og ferdigheiter oppnådd ved Integrert master i odontologi ved Universitetet i Bergen kan nyttast ved utvekslingsinstitusjonen utan å bryte med lokale reglar. Studenten er i stand til å reflektere over likskap og skilnader som kjem fram i løpet av utvekslinga. Studenten syner ei sjølvstendig evne til å vurdere retrospektivt kva som er odontologisk nyttig, også utover klinisk mengdetrening, med utvekslingstida.