Fordjuping og prosjektplan

Masteremne

Emnebeskrivelse

Mål og innhald

Siktemålet med emnet er å forberede studentane til det praktiske og teoretiske arbeidet med masteroppgåva. Gjennom litteraturstudiar, fag- og skriveseminar skal studentane utvikle ein prosjektplan som skal være utgangspunktet for masteroppgåva. Emnet skal vidare gje studentane moglegheit til fordjuping innan eit sjølvvald temaområde med relevans for masteroppgåva.

Læringsutbyte

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten:

  • har god oversikt over eksisterande teoriar, metodar, forskingsresultat og fortolkingar innan det tematiske området vedkommande fordjupar seg i
  • har god kunnskap om ulike faglige informasjonskjelder

Ferdigheiter

Studenten:

  • kan analysere eksisterande teoriar, metodar, forskingsresultat og fortolkingar innan det tematiske området vedkommande fordjupar seg i
  • kan utvikle aktuelle pedagogiske forskingsspørsmål med utgangspunkt i kunnskap om det tematiske området vedkommande fordjupar seg i
  • kan anvende faglig og sjangerspesifikk kunnskap på sjølvstendig vis
  • kan skrive forskingsreview innan det tematiske området vedkommande fordjupar seg i
  • kan utvikle og skrive ein prosjektplan som legg grunnlaget for arbeidet med masteroppgåva

Generell kompetanse

Studenten:

  • kan forholde seg kritisk til ulike faglige informasjonskjelder
  • kan formidle sjølvstendig arbeid og beherske fagområdets uttrykksformer

Fulltid/deltid

Fulltid.

Studiepoeng, omfang

15 studiepoeng

Studienivå (studiesyklus)

Master.

Undervisningssemester

Vår, annakvart år. I særskilte høve kan fakultetet gje tilbod om avgrensa undervising i det påfølgande haustsemesteret.

Undervisningsstad

Bergen.
Krav til forkunnskapar
Ingen.
Studiepoengsreduksjon
Ingen
Krav til studierett
Emnet er ope for alle med studierett på masterprogrammet i pedagogikk.
Arbeids- og undervisningsformer
Emnet nyttar introduksjonsførelesingar, litteraturstudiar, rettleiing, teksttilbakemelding og seminar
Obligatorisk undervisningsaktivitet

Obligatoriske arbeidskrav i emnet er:

  • Skriftlig og munnleg presentasjon av forskningsreview innanfor det fordjupningsområdet studenten vel å fordjupe seg i.
  • Munnleg tilbakemelding på medstudent sin munnlege presentasjon av forskningsreview
  • Levere utkast til prosjektplan til rettleiing
Vurderingsformer
Eksamen er ein prosjektplan for masteroppgåva som gjev eit oversiktleg og realistisk inntrykk av arbeidet som blir planlagt
Karakterskala
Ved sensur av emnet nyttast karakterskalaen bestått/ikkje bestått.
Vurderingssemester
Vår, annakvart år. I særskilte høve kan fakultetet gje tilbod om vurdering i det påfølgande haustsemesteret.
Litteraturliste
Det blir forventa at studentane gjer seg kjent med ulike søkeportalar, for sjølv å kunne finne fram til relevant litteratur til forskningsreview og lage individuell litteraturliste på 800 - 1000 sider.
Emneevaluering
Studentane skal evaluere undervisninga i tråd med UiB sitt kvalitetssikringssystem. Evalueringa er nettbasert.
Programansvarleg
Institutt for pedagogikk.
Emneansvarleg
Institutt for pedagogikk.
Administrativt ansvarleg
Det psykologiske fakultet v/ Institutt for pedagogikk har det administrative ansvaret for emnet og studieprogrammet.