Komparativ dommaråtferd

Mål og innhald

Statsvitskapelig forsking på dommaråtferd og domstolar var ein gong eit område ein berre fann i USA. I løpet av dei siste tiåra har forskinga gripe om seg slik at ein no kan tala om komparativ dommaratferd som dekker dei fleste land i verda, internasjonale rettssystem og inkluderer, men er ikkje begrensa til, disiplinar som rettsvitskap, historie, økonomi, psykologi og antropologi. Innretninga i denne komparativa forskinga reflekterer framleis orda til James Gibson som i 1983 skreiv at "In a nutshell, judges' decisions are a function of what they prefer to do, tempered by what they think they ought to do, but constrained by what they perceive is feasible to do." Knappast eit einaste rettssystem kan lenger unnsleppe systematiske analysar, og utbreiinga og suksessen til dommarforskinga dei siste tiåra har uvegerleg ført fram til eit breitt felt der forskarane benytter ei rad ulike teoriar, metoder og modellar.

Målet med dette kurset er å gje ei inngåande oversikt over forskingsfeltet komparativ dommeråtferd. Kurset tar utgangspunkt i eit prosjekt der ei rad internasjonale forskarar skriv om viktige emne med vekt på omgrep, tidligare analysar og retningar i dei ulike underfelta. Desse forskingsbidraga gir kvar for seg ein kritisk vurdering av både den eksisterande litteraturen og korleis litteraturen sjølv har utvikla seg. Samla gir dei ulike bidraga ei eineståande oversikt over status til eit viktig forskingsområde i komparativ politikk og statsvitskap.

Studenten skal ved avslutta emne ha følgjande læringsutbytte:

Kunnskap

• Har avansert kunnskap om dei viktigaste teoretiske posisjonane i komparativ dommaråtferd.
• Har inngåande kunnskap om og rekkevidden av empiriske modellar.
• Har generell kunnskap om ulike rettsystem og korleis forskarar går fram for å systematisere data om rettssystema.

Ferdigheiter

• Kan bruke kunnskapen på andre områder i statsvitskapen.
• Kan samanlikne, analyser og vere kritisk til ulike faglege tradisjonar og posisjonar.
• Kan designe eit sjølvstendig og avgrensa forskingsprosjekt i tråd med nyere tradisjonar i feltet.

Generell kompetanse

• Kan bruke kunnskapen og ferdigheitene på nye område for å gjennomføre avanserte arbeidsoppgåver og prosjekt.
• Kan formidle omfattande sjølvstendig arbeid og meistrar fagområdet sine uttrykksformer.
• Kan kommunisere med juristar, spesialistar og folk flest om faglege problemstillingar, analysar og konklusjonar innanfor fagområdet.
• Kan bidra til nytenkning og innovasjonsprosessar.