Forskingsmetode

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten..

• har kunnskap om ulike vitskapeleg paradigme og forklaringsmåtar og kan bruke desse til å reflektere kritisk over spesialpedagogisk verksemd
• har kunnskap om sentrale omgrep og teoriar innanfor kvalitative og kvantitative metodar, samt triangulering av desse (mixed methods)
• har kunnskap om formelle forskingsetiske prosedyrar og kan bruke desse på ein formålstenleg måte i møte med ulike forskingsetiske problemstillingar
• har kunnskap om den vitskapsteoretiske forankringa til metoderetninga vedkommande vel å fordjupa seg i
• har innsikt i forsking og teoriar innan det tematiske området studenten vil fordjupa seg i gjennom masterprosjektet

Ferdigheiter

Studenten..

• kan drøfte forskingsetiske problemstillingar i pedagogisk og spesialpedagogisk forsking
• kan reflektere over og diskutere ulike vitskapelege paradigme og forklaringsmåtar
• kan reflektere over og diskutere ulike gyldigheitskrav i kvantitative og kvalitative metodetradisjonar
• kan demonstrere praktiske ferdigheiter med konkrete metodar for datainnsamling og analyse
• kan utvikle aktuelle forskingsspørsmål med utgangspunkt i kunnskap om det tematiske området vedkommande fordjupar seg i
• kan utvikle og skrive ei prosjektskisse som legg grunnlaget for arbeidet med masteroppgåva

Generell kompetanse

Studenten..

• kan analysere og stilla seg kritisk til ulike forskingsresultat
• kan vurdere forskings- og utviklingsarbeid med relevans for barnehage, skule og opplæringssektoren