Hjem
Forskergruppe for klima-, energi- og miljørett

Rettslege strukturar for bærekraftig utvikling

Hovedinnhold

Både i det norske samfunnet og internasjonalt er råderett over og forvalting av naturressursar og av naturmiljøet avgjerande for økonomisk, sosial og miljømessig utvikling. Miljøøydelegging, klimaendring og ressursmangel trugar naturmangfaldet og med det livsgrunnlaget både lokalt og globalt. Utvikling av rettslege strukturar for eit styrka og heilskapleg vern og forvalting av naturmiljø og naturressursar vil vera avgjerande for evna til å kunne skaffa nok mat, vatn og energi i framtida og for å skapa økonomisk og sosial utvikling i fattige land. Forskergruppa vil ta opp i seg forsking om råderetten over og vern av naturressursar og naturmiljø og om rettsleg organiseringa av ressursforvalting og -utnytting som grunnlag for økonomisk og sosial utvikling og for miljøtilstanden. Forskergruppa legg vekt på å utvikla eit internasjonalt perspektiv på forskinga.

Medlemene i gruppa driv for tida forsking på grunnleggjande eigedomsspørsmål, jurisdiksjonsspørsmål og forvaltningssystem for havområde og marine ressursar, rettslege modellar for økosystembasert forvaltning, petroleums- og energirett, plan- og bygningsrett, miljøkonsekvensanalyser, samanhengen mellom eigedoms- og reguleringsregime og utvikling av økosystem og om eigedomsregister og pantereglar som grunnlag for økonomisk utvikling.