LIA

LIA (Language Infrastructure made Accessible) er eit femårig nasjonalt samarbeidsprosjekt mellom fire universitet (UiO, UiB, UiT og NTNU), Norsk Ordbok 2014 og Nasjonalbiblioteket. Hovudmålet for prosjektet er å redde gamle talemålsopptak med norsk og samisk språk, transkribere og annotere dei og leggje dei inn i databasar slik at dei kan revitaliserast som verdifullt forskingsmateriale. Prosjektleiinga ligg ved Tekstlaboratoriet ved Universitetet i Oslo.

Lokal prosjektleiar i Bergen er Gjert Kristoffersen. Bente Selback er tilsett som forskar og daglig leiar. Transkripsjonsarbeidet blir utført av studentar tilsette som vitskaplege assistentar på timebasis.