Karaktersystemet på UiB før 2003

Før 2003 var karaktersystemet fastsett i regelverket for kvart fakultet.

Gradert talkarakterskala

Den graderte talkarakterskalaen hadde karakterverdiar frå 1.0 til 6.0 med trinn på 0,1. 1.0 var beste karakter og 4.0 var dårlegaste ståkarakter. Karaktertrinna 4.1 - 6.0 vart brukte som hjelpestorleikar i sensurarbeidet og vart normalt ikkje oppgjevne.

Den graderte talkarakterskalaen kunne bli brukt utan tilleggsnemningar og med tilleggsnemningar på latin eller engelsk.

Tilleggsnemningar på latin:

• 1.0 - 1.5  Laudabilis prae ceteris
• 1.6 - 2.5  Laudabilis
• 2.6 - 3.2  Haud illaudabilis
• 3.3 - 4.0  Non contemnendus
• 4.1 - 6.0  Immaturus

Tilleggsnemningar på engelsk:

• 1.0 - 1.5  Excellent
• 1.6 - 2.5  Very Good
• 2.6 - 3.2  Good
• 3.3 - 4.0  Not recommendable but pass
• 4.1 - 6.0  Fail

Gradert bokstavkarakterskala

Den graderte bokstavkarakterskalaen hadde karakterverdiar A, B, C og D for bestått og "Fail" for ikke bestått. A var beste karakter og D var dårlegaste ståkarakter.

Ugraderte karakterskalaer

• Bestått / Ikke bestått
• Pass / Fail
• Godkjent / Ikke godkjent
• Bestått med laud / Bestått / Ikke bestått

Graderte karakterskalaer brukt ved Det juridiske fakultet

Følgjande karakterskala nytta:

• 2.00 - 2.15  Laudabilis
• 2.16 - 2.35  Står til laudabilis
• 2.36 - 2.55  Kan få laudabilis
• 2.56 - 2.75  Kan vel få laudabilis
• 2.76 - 2.95  Haud illaudabilis
• 2.96 - 3.15  Står til haud illaudabilis

Studenter som fekk dårlegare karakter enn står til haud illaudabilis, hadde ikkje bestått. For dei vart det ikkje sett nokon talverdi.

For eksamenar i profesjonsdelen vart følgjande karakterskala nytta:

• Laudabilis - tre ulike karakterer
• Haud illaudabilis - to ulike karakterer
• Ikke bestått

Det vart ikkje gjeve hovudkarakter.

Gradert karakterskala brukt ved Det medisinske og Det odontologiske fakultet

Før høsten 2003 brukte Det medisinske fakultetet og Det odontologiske fakultet ved Universitetet i Bergen karakterskalaen 6 – 12, hvor 6 var den laveste karakteren for å bestå og 12 var den høyest oppnåelige.»

For kvar eksamen vart det gjeve ein karakter uttrykt i heile tal frå 12 til 6. Studentar som fekk dårlegare resultat enn 6, hadde ikkje bestått eksamen. For dei vart det ikkje sett nokon talverdi. 

Avdelings- og hovudkarakter vart oppgjevne på følgjande måte:

• 11.00 - 12.00  Laudabilis cum litteris commendatitiis
• 9.00 - 10.99    Laudabilis
• 7.00 - 8.99     Haud illaudabilis
• 6.00 - 6.99     Non contemnendus

Fakultetet sjølv gav reglar for utrekning av hovudkarakter, avdelingskarakter og karakterar i fag der karakteren var samansett.