Hjem
Det medisinske fakultet
Forskingsstøtte

Skal forske på tverrprofesjonell samhandling innan helsesektoren

Senter for tverrprofesjonell læring (TVEPS) og Bergen kommune har fått 200 000 kroner i støtte frå Forskingsrådet. Samarbeidsprosjeket skal forske på effekten av samhandling i helse- og sosialtenestene.

Rådgjevar Sølvi Marie Risøy, kommunaldirektør Nina Mevold og seksjonsleiar Benedicte Løseth frå Byrådsavdelinga for helse og omsorg, og professor Anders Bærheim ved TVEPS
Universitetet i Bergen og Bergen kommune har fått støtte til å forske på samhandling i i helsesektoren. F.v. rådgjevar Sølvi Marie Risøy, kommunaldirektør Nina Mevold og seksjonsleiar Benedicte Løseth frå Byrådsavdelinga for helse og omsorg, og professor Anders Bærheim ved TVEPS er svært glade for tildelinga.
Foto/ill.:
Håvard Holme, Bergen kommune

Hovedinnhold

- Me er blitt anerkjend forskingsmessig, og dette er svært viktig, seier professor Anders Bærheim ved Senter for tverrprofessjonell læring (TVEPS) om tildelinga.

TVEPS er eit samarbeid mellom Det medisinsk-odontologiske fakultet, Det psykologiske fakultet og Det humanistiske fakultet ved Universitetet i Bergen og Avdeling for helse og sosialfag ved Høgskolen i Bergen.

Samarbeidsprosjektet mellom TVEPS og Byrådsavdelinga for helse og omsorg i Bergen kommune har som mål å styrke den tverrprofesjonelle kompetansen både i praksis og i utdanninga innan helsesektoren. På denne måten ynskjer ein å stå betre rusta til å møte dei store utfordringane innan helse- og omsorgsfeltet som kjem i tida framover.

 

Forprosjektet vil undersøkje kva behov som skil seg ut innan tverrprofesjonell samhandling i helse- og omsorgstenestene i kommunen. Deretter skal desse behova gjerast om til konkrete problemstillingar ein kan forske vidare på.

- Me er eit hestehovud foran andre kommunar innan tverrprofesjonell praksisutplassering i kommunane, sier ei stolt Nina Mevold, kommunaldirektør for helse og omsorg i Bergen kommune.

 

Forprosjektet vil mellom anna sjå nærare på kva utfordringar sjukeheimane opplever når dei arbeider tverrprofesjonelt og tverretatleg, og om studentar og tilsette ved sjukeheimane opplever at TVEPS aukar merksemda på dette. Dei vil også sjå nærare på om TVEPS leiar til ny kunnskap for studentar og tilsette ved sjukeheimane, og kva kunnskap dette i så tilfelle dreiar seg om.

- Det blir svært spanande å forske saman med ein kommune, seier professor Anders Bærheim nøgd.

 

Her kan du lese meir om prosjektet.